تجربتي في عالم الجوالات والاكسسوارات .... والله شي خيال

اللون السابع · #21 (**permalink**) 25-05-2012, 02:57 PM

الله يرزقك ي صاحب الموضوع
انا قررت افتحل محل جوالات بس عندي استفسارات

افضل جنسيه يكون موجود بغيابي وكم راتبه تقريباً
افضل عامل صيانه وكم راتبه
من وين اجيب بضاعه رخيصه وجديده ومميزه .. هل جده تعتبر الافضل
واذا من دبي. من اي مكان لاهنتم

كم يكفي لفتح محل جوالات
والف شكر

اللون السابع · #22 (**permalink**) 25-05-2012, 02:59 PM

اقتباس:

المشاركة الأصلية كتبت بواسطة محمد سالمين

افضل انواع الاكسسوارات اللي هي تكون حق الايفون والايباد والايبود والبلاك بيري ( 8520 - 9300 - 9700 - 9780 - 9900 - 9800 ) والجالكسي ( S1 - S2 - Note ) وبس . لانه النوكيا خلاص راحت عليه ومافيه اقبال شديد مثل اول ...

اخوي في اي منطقة في المملكة فيه محلات جمله تروح وتشتري من هناك ولكن على حد علمي انه الشرقية فيها بضاعة افضل وارخص من المناطق الثانية .

والافضل من هذا كله انك تروح الصين وتجيب بضاعة والله انه اوفر لك بكثير وفيه شغلات هناك تفك راسك يا شيخ.. لانه لو رحت الصين قد تشتري بضاعة بـ 50,000 ريال حق سنه كامله ما يحتاج تشتري بعدها من الرخص اللي عندهم ...

واذا تبي مكان اقرب اطلع دبي ترا والله فيها شغلات رخيصة وحلووه مرره...

واي استفسار انا حاضر وتحت امرك

يالغالي من وين اخذ الاكسسوارات الرخيصه هنا ووين مكانهم بدبي

نايف خماش · #23 (**permalink**) 25-05-2012, 03:56 PM

الله يوفقك يارب ويرزقك من حيث لاتحتسب

al_waleeed · #24 (**permalink**) 25-05-2012, 06:22 PM

اقتباس:

المشاركة الأصلية كتبت بواسطة ابن عزيز

طيب في السعودية مافي ولا دورة صيانة ؟ مؤسسة التدريب التقني ما تقدم دورات في هذا المجال ؟

الكلية التقنية ومؤسسة التدريب التقني عندهم دورات ...
ولكن شخصيا لا أحبذ أن يعلمني من لا يملك خبره عملية

اقتباس:

المشاركة الأصلية كتبت بواسطة ابن عزيز

موزعين الإكسسوارات هل يتعاملون مع الشباب السعودي اللي شغال في هالمجال ولا كل واحد
ينفع ولد بلده ؟

قصدكـ الكريديت ... إذا هذا قصدكـ فمعاملتك هي اللي تفتح لكـ أبوب الآجل والخصومات

al_waleeed · #25 (**permalink**) 25-05-2012, 06:34 PM

اقتباس:

المشاركة الأصلية كتبت بواسطة محمد سالمين

الله يعطيك العافية اخوي ولكن كم مدة الدوره هذي وهل راح استفيد منها بالشكل الكامل وكم راح تكون التكاليف .. واذا الاخ المصري الصباحي له موقع في الانترنت ياليت تزودني فيه للمفاهمه معاه .

كيف تقدر تفيدني باغراض الجولات اذا ماعليك امر

تقبل مروري اخي الكريم

والله مدتها إن لم تخني الذاكرة 6 أسابيع - أعتذر منك لي فترة منقطع عن عالم الجوالات كصيانه - بالنسبه لموقع تفضل هنا .
واللي تحتاجه أبد لايردّك إلا لسانك من أسعار جمله للأجهزه أو إكسسوارات .
يهمي أعرف إنت من أي مدينه

al_waleeed · #26 (**permalink**) 25-05-2012, 06:40 PM

اقتباس:

المشاركة الأصلية كتبت بواسطة محمد سالمين

الحمدلله حمدا يليق بجلاله وعظيم سلطانه

اخواني واخواتي هناك امور
دمتم بود

تصدق مره جات عندي وحده المحلّ تبي تفكّ باس وورد الميموري .. المهم أنا سويت لها شغلها والميموري قعد عندي فتره ,, بعت المحل بعدها بفتره وقدر الله وإنها ترجع تبي الميموري
طبعا الله يهديها ما اقولك وش سوت بالعامل الجديد اللي كان بالمحل مابقى أحد ماتشرشح ووصلت معاها إنها تتصل بالشرطه ...
طبعا مدري وش طرا على بال راعي المحل يدق علي ويسألني ,,
وانا كنت مازلت محتفظ بالميموري مع أغراض كثيره من المحل في الستور ..
عطوها رقمي وتواصلت معاها .. والحمدالله إلى اليوم هي من زبائني اللي على التلفون

al_waleeed · #27 (**permalink**) 25-05-2012, 06:45 PM

اقتباس:

المشاركة الأصلية كتبت بواسطة اللون السابع

الله يرزقك ي صاحب الموضوع
انا قررت افتحل محل جوالات بس عندي استفسارات

افضل جنسيه يكون موجود بغيابي وكم راتبه تقريباً
افضل عامل صيانه وكم راتبه
من وين اجيب بضاعه رخيصه وجديده ومميزه .. هل جده تعتبر الافضل
واذا من دبي. من اي مكان لاهنتم

كم يكفي لفتح محل جوالات
والف شكر

[align=center]
بعد إذن صاحب الموضوع
في البيع شوف لكـ باكستاني ذرب
والصيانه الفلبيني لايعلى عليه

البضاعه ماعاد تسوى سفريه ,,, الله يخلي النت
إطلب أحلى إكسسوارات وإنت بالبيت جالس

رأس المال , بالنسبه لي الجوالات زي المقبره مهما حطيت فيها ماتشبع
وإنت المستفيد
سحب أكثر ... سعر أقل ...
ممكن تفتح محل براس مال 5 آلاف وممكن بـ 50 ألف
[/align]

ابن عزيز · #28 (**permalink**) 25-05-2012, 10:47 PM

اقتباس:

قصدكـ الكريديت

أيش يعني الكريديت ؟ الأمر الآخر.. مقصدي أن الموزعين الأجانب
إذا شافوا السعودي ما يعطونه وجه يسحبون عليه عشان يطفشونه
ويخسرونه ويطلعونه برى السوق.. فهل هذا الامر واقع أم لا ؟

al_waleeed · #29 (**permalink**) 26-05-2012, 02:11 AM

اقتباس:

المشاركة الأصلية كتبت بواسطة ابن عزيز

أيش يعني الكريديت ؟ الأمر الآخر.. مقصدي أن الموزعين الأجانب
إذا شافوا السعودي ما يعطونه وجه يسحبون عليه عشان يطفشونه
ويخسرونه ويطلعونه برى السوق.. فهل هذا الامر واقع أم لا ؟

الكريديت أقصد به السحب على الحساب بفواتير مؤجله ...

تبي نصيحه لوجه الله

شيل من رأسك فكرة إنك كـ سعودي مُحارب من قبل الأجانب وإنت بتشوف خير
في سوق العمـل الصاحب واللي ينعطى وجه هو الكاش بغض النظر عن جنسيته ...
غيّر فكرة إن السعودي بيفتح يومين وبيتعرف على كم وحده وبعدها بيقل المحل .. وإنت بتلقى خير ...
محل الجوالات لو مادخلت بالشهر صافي 8-9 آلاف أعذرني لو قلت لكـ فاشـل ...

الله يقويكـ

بنت الوالد · #30 (**permalink**) 26-05-2012, 07:58 AM

صدقت العمل الحر يدخل اضعاف الراتب

قريبتي موظفه ب 4000 بالشهر وعندها مشغل تدخل في الصيف 3شهور بس حوالي 60000الف تبارك الرحمن غير الايام العاديه

والتجاره شطاره كل شخص على حسب امكانياته واجتهاده فيها

موفق يارب

تجربتي في عالم الجوالات والاكسسوارات .... والله شي خيال

قسم مشاريع وأفكار

السلام عليكم ورحمة الله وبركاته ..... الحمد لله والصلاة والسلام على رسول الله سيدنا محمد وعلى اله وصحبه وسلم نبدأ على بركة الله ..... اولا والله احب...

تجربتي في عالم الجوالات والاكسسوارات .... والله شي خيال

تسجيل الدخول

تجربتي في عالم الجوالات والاكسسوارات .... والله شي خيال

قسم مشاريع وأفكار

السلام عليكم ورحمة الله وبركاته ..... الحمد لله والصلاة والسلام على رسول الله سيدنا محمد وعلى اله وصحبه وسلم نبدأ على بركة الله ..... اولا والله احب...

تجربتي في عالم الجوالات والاكسسوارات .... والله شي خيال