السلام عليكم ورحمة الله وبركاته .....

الحمد لله والصلاة والسلام على رسول الله سيدنا محمد وعلى اله وصحبه وسلم

نبدأ على بركة الله .....

اولا والله احب ان اشكر الوجيه الطيبه في هذا المنتدى على التفاعل والتواصل مع الشباب والشابات الطموحين من اجل ان يعيشوا حياة كريمه لهم ولمن يعولون ومن اجل الكسب الشريف.

وانا من متابعين هذا المنتدى بشكل شبه يومي لما فيه من افكار ومشاريع يشيب لها الرأس ولكن من قلة حيلتنا وللاسف اعتمدنا على الوظائف وصار همنا الوحيد الحصول على وظيفه شريفه ومنصب عالي حال بيننا وبين هذا الحقل الكبير ( التجارة ) الذي فيه تسع اعشار الرزق.......

اخوكم مهندس وموظف في شركة عريقة ولله الحمد ... كانت بدايتي في هذا المنتدى في السنة الماضية حيث كنت في شركة تعمل في المقاولات وكان اساس عملي في المكتب وكان همي الوحيد هو وقت الخروج من الشركة لما فيها من الروتين والملل مالله به عليم ولكن وانا في صولاتي وجولاتي الانترنتية طحت في هذا المنتدى وبخصوصا على موضوع العم دماغ الله يحفضه ويوفقه دنيا واخره على الجهد المبذول في مساعدة اخوانه المسلمين

فبدأت اقرأ وأرى مواضيع الشباب وانجازاتهم وخبراتهم العملية مما شدّني في خوض التجربة في الواقع . فبدأت بمحل الجوالات حيث كنت ( علّيمي ) زي ما يقولون ولكن اصراري على التجربة جعلني ولله الحمد معروف لدى الجميع وصرت محترف في الامور هذي خاصة بعد قرائة المواضيع هنا وهناك في الانترنت...

المهم اني خضت تجربة الجوالات والاكسسوارات ورأيت فيها من الدخل الشي العظيم وحسيت بطعم الريال والخمسة والعشره ( والله انه لها طعم ثاني ) لانها راح تكون من عرق جبينك

طبعا اخوكم يستلم راتب وقدره 11,000 ريال ولله الحمد والمنه ولكن الله يشهد علي انه العمل الحر في متعه وخير كثيير ... ولكن للاسف عملي في الوظيفه روووووتين ممل جدا لا أرى فيه اي متعه وخصوصا ان تكون مجبور على الدوام زي الساعه يعني لا تقدر تروح ولا تجي زي ما تبي... ومثل ما يقال لما الأسر والدنيا لدي

العبد ذو الاجر الكبير يبقى عبدا في نهاية الامر ( ابي الغني ابي الفقير ) لروبرت كايوساكي

طبعا انا كنت عاطل قبلها لفتره واشتغلت في الجوالات واكسسواراتها , والله واللذي نفسي بيده انه كنت مرتاح وحريص على الدوام اكثر من الوظيفه ولكن الحمدلله انه ربي وفقني في وظيفه محترمه ... ولكن انا اقول لكم عن وظيفتي وراتبي مو لشي ولكن للمقارنه حيث انا ادخل في العمل الحر ما يقارب ال 15,000 ريال في الشهر . واعرف ناس شغالين في الشغله هذي اقسم بالله من بعد المغرب الى نهاية الليل ويطلع تقريبا 20,000 ريال والله على ما اقول شهيد


وانا والله حاليا عندي طموح وعندي افكار اكتسبتها من الاخوان هنا في المنتدى ولكن احس اني مقيد لا اقدر اتحرك هنا ولا هنا حتى السفر لجلب بظائع ما اقدر والسبب وظيفتي .. وعندي مبلغ 50,000 ريال ابي استثمره في مشروع ولكن قلة الخبره تنقصني وانا على قدره لزيادة رأس المال الى 200,000 ريال في وجود عمل يدر على دخل شهري اكثر من وظيفتي الحالية

وانا الحين عندي مشكلة وهي عدم تأقلمي مع الوظيفه بشكل عام وذلك بسبب اني كنت قبل هذي الوظيفه حر لا حسيب ولا رقيب يعني اروح واجي واهتم بشغلي اكثر ولكن الان انا مقيد وهذا الشي والله يضايقني كثييير وابي نصائحكم اخواني واخواتي

واخيرا اتمنى التوفيق لي ولكم ولكل من ساهم في هذا المنتدى على سد حاجة اخوه المسلم

وجزاكم الله كل خير

سبحان الله العظيم سبحان الله وبحمده

ماشاء الله تبارك الله .. الله يرزقك من خيره ...
والله انا جربت ابيع اكسسوارات الجوال وفعلا مكسبها جدا ممتاز والكل يبغاها
الف شكر لك

طبعا انا بصدد تجربة ثانية الا وهي صيانة الجوالات مثل الايفون والبلاك بيري والجالكسي بجميع انواعها ولكن للاسف كنت ادور في الانترنت على دورات اخدها عشان اتعلم منها ولكن ما لقيت ... فياليت اللي عنده خبر او مكان تقام فيه هذي الدورات اكون له من الشاكرين حتى لو كانت خارج السعوديه وحتى لو كانت في الصين والله راح احاول واخذها عشان استفيد وافيد اخواننا في المنتدى والرسول صلى الله عليه وسلم يقول

أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه ديناً، أو تطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً

في واحد من الشباب يقول انه كان عنده محل جوالات وكانت امور الصيانه عند زميل له في محل صيانه اخر كان يروح له دايم يودي عنده جوالات خربانه ويقول زميلي هذا انه اذا راح عند الصيانه يشوف الزبائن اللي يعطيه 500 ريال واللي يعطيه 300 ريال واللي يعطيه 150 ريال وانت ماشي
( الله يرزقنا ويرزقه من فضله ) فتخيلوا اخواني كم راح يكون دخله بالشهر .. اقولكم كم

تعالوا نحسب حسبه بسيطه للموضوع

اذا كان صاحبنا يدخل في اليوم تقريبا 400 - 800 ريال باليوم وخلينا نقول في اسوأ الاحتمالات تكون 500 ريال والايجار حق المحل 2,500 ريال يعني بالشهر 30,000 ريال وصاحبنا باليوم 500 ريال يعني بالشهر راح يكون 15,000 ريال ( في اسوأ الظروف )

15,000 - 2,500 = 12,500 ريال بالشهر يعني بالعربي اذا كان مدخوله اليومي اكثر من 500 ريال فقد يكون الربح الصافي في نهاية الشهر 25,000 ريال

فاتمنى من الاخوان في المنتدى الحرص على الامور هذي والتعلم والتعمق فيها لما فيها من الخير الكتير ولا ننتظر الراتب والبدلات والزيادات اللي ما تجي الا نهايه المشوار بعد سنتين او ثلاثه ولا نعتمد على حافز اللي حفّزنا على الجلوس في البيت والتقاعس عن العمل

جزاك الله خير وبالتوفيييق يالغلا

لي عوده لموضوعك الرائع اخي

ما شاء الله فكرة راااائعة


انا احب ايضا ادخل في هذا المجال


بس هل ممكن تخبرني ما هي افضل الاكسسوارت التي عليها اقبل كبير ؟ ولأي الاجهزة ايفون بلاك بيري نوكيا...؟؟

سؤالي الثاني ما هو افضل مكان لشراء الاكسسوارات بسعر حلو؟ اذا عندك مواقع ارجو مشاركتنا اياها