الف مبروك الموضوع الجديد فل خير ان شاء الله

استفسار بسيط الحين التقديم في القوات المسلحه يوثر على التقديم بالامنيه ولا كيف الاجراء ؟

تحياتي

يااخوان

الظهر اليوم اتصل علي رقم من الريااااض

والله مدري وش السالفة ...


وادق ع الرقم مااحد يرد اتصل علي 2.12 ظهر

والمشكلة مااعرف احد في الرياض


من تلفون ثاااااااااابت


على الله ..

السلام عليكم ورحمة الله وبركاتة


طبعاً هذا اول موضوع لي بالمنتدى وإن شاءالله ما يكون الاخير
نستفيد ونفيد ..
والله يكتب لنا ولكم الخير في كل شيء ..

عندي بعض الاستفسارات أتمنى منكم الرد عليها .. مو شرط كلها طبعاً خخخ

انا خريج هندسة كهربائية - قسم إتصالات وإلكترونيات والمعدل جيد جداً

التخصص مرغوب في الكلية ؟ وكم تقريباً يكون العدد كل سنة ؟
ولو ربي كتب لنا فيها الخير ممكن اكون في أي قطاع ؟
وبالنسبة للكشف الطبي :
اختبارات بتكون على وش بالضبط ؟ وبالنسبة للأسنان يكون الفحص على ايش بالضبط ؟
نص الاسنان مشيوله اعصابها هع
وعادي نقدم على الحرس والامنيه مع بعض ولا فيه اشكالية ؟

آسف والله على الإطاله لكن تعرفون الواحد يحب ياخذ احتياطاته بكل شيء
والف شكر للجميع ولا هنتووووووو ..

ملازم جنوبي على حسب علمي قدم على كل الكليات مايضر بس في حال قبولك في احد الكليات يلغى قبولك في الكليات الاخرى

بسم الله الرحمن الرحيم

والصلاة والسلام على اشرف الانبياء والمرسلين
اما بعد:
اسأل الله التوفيق للجميع لما يحبه ويرضاه ويراه بعين الصواب
أن الخيره بـه .
(توضيح )

أنا أحد الأشخاص اللي قدموا العام على ( كلية الملك فهد الأمنيه )

بوضح للجميع بعض النقاط عسى تفيد الجميع وتعم الفائده للكل ولا نبي

سوى الآجر .

1- لا يوجد هناك أي اشكاليه او اي خلاف في التقديم على جميع الكليات
العسكريه اطلاقا ً .
2- قبولك مبدئيا ً لا يعني لك القبول النهائي حتى لو كان هناك اي أمور توضح
لك القبول النهائي .
3- اولا القبول ( الأول ) مبدئي طول ووزن اذا اجتزت الطول والوزن ماكنت قصير
ولاكنت سمين تنتقل الى مرحله تستلم فيها دفتر طلب الالتحاق يكون بعده الفرز ( الثاني)
على حسب التخصصات وعلى الطول والوزن .

4- اذا تم افرز اسمك ضمن المقبولين في الفرز الثاني يكون هناك مرحلة الكشف الطبي
اسنان يكشف عليك بشكل سريع بسيط الكشف اهم شي مقدمة الاسنان ياشباب ..
العيون تفتح عين وتغطي عين وتقرا حروف في لوحه قدامك اللي سليم بتوضح معه على
طول اهم شي عدم الارتباك بعدها سحب بول ودم وانتم بكرامه بعدها اشعه .
وبعدها مرحلة المقابله الشخصيه>> وهي مقابلتين كلها مجرد سوالف بس اهم شي عدم
الارتباك .

5-اخر يوم اللياقه البدنيه عندك سير كهربائي تمشي عليه 600 متر على حسب السرعه اللي
تحطها لك دقيقتين ونصف اهم شي زود السرعه بس خلها من السبعه وطالع وبتاخذ النقاط كامله
وعندك تمرين الاستطاله تمد يدينك تلمس اطراف اصابعك او تعداهاا وكلها سهله .
في نفس يوم مرحلة اللياقه البدنيه تسلم الدفتر النهائي ويقولون لك انتظر الفرز النهائي طبعا
الفرز النهائي في رمضان باذن الله .

( توضيح )
إذا سلمت الأوراق كامله وانتهيت من جميع المراحل كلها لا تحط في بالك قبول النهائي مهمـــا
كانت الامور قدامك متسيره مهما كانت الواسطه معك حتى هناك امل عدم القبول من اجل
ماتلعب في نفسيتك وتنمرض اذا تفأجات لا قدر الله بعدم ظهور اسـمــك راح يكون اصعب
مراحل التقديم مرحلة الانتظار والفرز النهائي اكرر واعيد واقول لا تحط امل كبير فالقبول النهائي .

إليكم معاناتي مع كلية الملك فهد الأمنيه :

قدمت وتسهلت امور بشكل غريب جدا ً وسريع وكانوا الشباب يتكلمون يقولون بخصوص انه تم استحداث
60 الف وظيفة في وزارة الداخليه بيكون قبول العدد كبير اكبر من الدفعه اللي قبل هذي نقطه .
النقطه الآخرى كان عددنا 6000 المتقدمين السنه اللي قبلنا 12 الف ضعف يعني كان فيه امل اكبر واكبر
اللي وصلوا للمرحله النهائيه ماغطوا العدد اتصلوا الكليه على المطرودين ورجعوهم بسبب نقص العدد كان
الامل عندي اكبر واكبر .
النقطه الاخرى كذلك كان بعض الضباط يقول كلكم السنه هذي بتدخلون الكليه لان هناك مباني جديده مستعده
لأسكان الطلاب الجدد كان الامل اكبر واكبر واكبر لدي .

ولكن فالنهايه اكتشفت كل الآمال طاحت على راسي وانصدمت صدمه نفسيه وقدمت على الدفاع المدني وانقبلت
رقيب ومكافحة المخدرات كذلك انقبلت وجالس الأيام هذي انتظر اتصلهم بأخبري بالدوره متى وقتها ولكن كانت
الخيره من رب العالمين

حيث تم اتصال احد الوظائف المدنيه تبع احد الهئيات بالاتصال فيني وتم التوظيف ولله الحمد والشكر والثناء .

يعني ياشباب اذا احد ماطلع اسمه لا يزعج نهائيا الخيره في يد الله سبحانه وتعالى .

اخوكم حاولت ولكن (:


..

اخوي حاولت ولكن والله كلام من ذهب

وفعلا الخيره فيما اختارها الله

لكن عندي سؤال مهم ::

انا معدلي تمام ولله الحمد والطول ١٨٠ والتخصص حاسب ولكن فيه مشكله اني اتخرج بالصيف

هل هناك امل لان اغلب الشباب يقولون عادي تقدم بشرط تاخذ افادة من الجامعه انك خريج بالصيف
هل لديك اي معلومه بهذا الموضوع

والله يوفقك يا رررب ..