الجزء الرابع: حادث في القطيف
جاني المدعو م.ع.ع.ح لشقة خويي وكان لابس خيمة من شدة البرد....كنت اشوفه من بعيد يكلم بالجوال
ويطلع بخار من فمه نظراً لقوة البرد....طالعت فيه بزعل ....احسبه يدخن وهو كم مرة يقول لي انه يكره الدخان والمدخنين والمدخنات والظالين والاشرار واللصوص والاوغاد والاغبياء والدشير وكل من يريد سوء ببلدي....المهم طلعت معه في السيارة ومن يوم طلعت معه في السيارة وهو يكلم في الجوال....وبعد نص ساعة تكرم وقفله....قلت له يام.ع.ع.ح: ياخي مايحق لك تتلاعب بمشاعري
وتكذب علي طول الفترة اللي راحت....اذا ماتحبني قولي ....لا تقعد تكلم في الجوال وتطنشني ولا كأني موجود احترمني ككيان مستقل وليس كشخص هاوي
اعتذر مني وحلف انه ما يتعودها مرتن ثانية ...المهم......كنا نتمشى ....الين دخلنا القطيف...شوارعها ضيقة شوي لكنها مدينة هادية....اغلبهم من اخواننا الشـــيـــعة ...كنت اتمنى اشوف حسينية من بعيد....قلت لخويي ....فقال لي على الرحب والسعة...اموت في الرحب والسعة ....اذبحوني عندها....المهم وحنا نفرفر (الفرفرة هي مصطلح يستخدم عند اهل جدة وتعني المشي بدون هدف محدد....ويقال فلان من الناس داج وما عنده شي خله يروح يفرفر....يمعنى دعه يلفلف في شوارع جدة....) اللي مافهم يرسلي على الخاص عشان اعلمه
المهم وحنا نفرفر في القطيف مرينا جنب ادارة المرور ويقابلنا على الشارع الثاني محل اسمه العوامي واذا ماخانتني الذاكرة بجنب مبنى الامانة....
الشارع اللي كنا ماشين فيه مليان مطبات ....امام بوابة ادارة المرور كان في مطب على المسار الايمن للشارع والمسار الايسر مابه مطب...
خوينا في الله المدعو م.ع.ع.ح يحسب الشارع بدون مطبات والسير سالك (سالك بمعنى ان السيارات تمشي بدون ما يعيقها أي عائق....)
ترك السيارة تمشى وهو يلتفت على اليسار جهة مبنى العوامي....وانا مسكين....ذابحني البرد...واصيح عليه....يام.ع.ع.ح انتبه يوجد سيارة على بعد 15 متر وهي لاتتحرك يبدو ان بها عطل ما.....يا م.ع.ع.ح انتبه يوجد سيارة على بعد 10 متر وهي لاتتحرك يبدو ان بها عطل ما....وم.ع.ع.ح مطنش.....وانا مازلت احذره....
يا م.ع.ع.ح اكرر في سيارة واقفة على بعد 5 متر الظاهر انها خربانة....وهو مطنشني....وانا الاعلان الرابع والاخير ...يام.ع.ع.ح يوجد عدد 1 سيارة واقفة في نص الشارع انتبه لا تحظر بنا فيها.....
ما امداني اكرر الاعلان الاخير الا وانا والمدعو م.ع.ع.ح صادمين الكابريس من ورا منظر رهيييييييييييب وانت تصدم واحد من ورا....خصوصا ان السيارة تكون قريبة من جبهتك...صدمنا السيارة ...حسيت ان قاعد العب بلايستيشن درايفر....
...هو راسه ضرب في الدركسون .....بكيفه...هو غلطان ويتحمل ما جاه....لكن انا راسي يعانق القزاز....ليش؟؟؟؟ المشكلة مو راسي بس....حتى رجلي اليمين ضربت في الدرج...الحادث كان قدام بوابة ادارة مرور القطيف....انا اول من نزل من السيارة....طلعوا علينا العسكر يحسبون صوت الحادث قنبلة....عسكري موجه لي الرشاش وانا من شدة الالم اللي في رجلي مسكت مكان الضربة (في الساق) ابغى اشوفها ....الا اسمع العسكري يتكلم باللاسلكي:ياعمليات المشتبه به طلع رشاش من تحت الثوب....جا واحد من العسكر اطلع رصاصة تحذيرية عشان يخوفني...جات الرصاصة في جبهتي الحديدية وبنطت في كفر الدورية.....
خوي العسكري يقول له: هالحين يجينا النقيب ويقول ان بلاغنا مجرد اشاعة....قمت ونطيت في نص السالفة وقلت لهم: كلمو الاسعاف عشان يجيبون لي طاقم طبي ويسوون لي اشاعة وعملية في رجلي....
بعد ثواني جا واحد لابس شماغ ....طلع خوينا اللي في المطار....الضابط....اول ما شافنا قالي لي : حسبي الله ونعم الوكيل.....
قلت له: لقد ليش كذا.....
فقال لي ودموعه تنهمر بغزارة: لقد ماعندنا الا انت....؟؟؟كل يوم ناط لي....
فقلت له: لقد ياخي مو انا اللي اسوق....
قال لي: لقد من اللي يسوق.....
نط المدعو م.ع.ع.ح قائلا: لقد انا الذي يسوق السيارة.....
المهم كلم العسكر
وكالعادة اخذو الرخصة والاستمارة....واعطوني قسيمة لعدم حمل رخصة ....مع العلم اني ما لمست دركسون السيارة ابد والمفروض ان م.ع.ع.ح هو اللي ياخذها...لكن الواحد لازم يضحى....مع اني هالسنة ضحيت بدري...مالي شهرين تقريبا من اخر مرة ضحيت....
طالع فينا صاحب الكابريس ...لهجته قريبة من لهجة دول الخيلج....طالع فيني وهو يقول : يبه آني هديت عشان المطب....
قلت له: يبه ماهو آني اللي اسوق....عندك شي تفاهم معه....جا العسكري يفارع بيني وبين المدعو م.ع.ع.ح يحسبنا احنا اللي بنتهاوش
.....ودخلنا للمكتب صلينا العشا ورجعت انا و م.ع.ع.ح وجلسنا في المكتب والعسكري نص ساعة يكتب في محظر....في الاخير قالي لي : الحين من اللي مد يده على الثاني؟
قلت له: كان بيمد يده بس ردها مكانها....
العسكري طالع في م.ع.ع.ح وقال له صح........قال م.ع.ع.ح صح....
قال العسكري: في اصابات....
قلت له: ساقي فيه رضة بسيطة....ركبتي خشت في الدرج....
قال العسكري لم.ع.ع.ح: صح الكلام هذا...
قال م.ع.ع.ح: ايوة صح....
وبعد 10 دقايق نطق العسكري بالحكم....قائلا: بنحولكم على الشرطة وبعدين للجنائية وقبلها تروحون المستشفى عشان يكشف المجني عليه على رجوله.....
اثاري العسكري قالب الطاسة (وفي رواية انه ضيعها ....بمعنى فقدها....او دخل مكان ما وتركها خارج المكان الذي دخله لغرضٍ ما ...وحينما خرج لما يجد الطاسة )
وبعد مد وجزر ....ومناقرة ومدابغة....قطع المحظر...واخذنا اوراقنا لعسكري ثاني.....
العسكري اخذ الاوراق والكروكي وصاح بأعلى صوته قائلا: اين صاحب السيارة الخضرا....فصاح م.ع.ع.ح قائلا انا هو....ثم صاح مرة اخرى قائلا: اين صاحب السيارة البنية....فقلت أنا : هو ذا.....فقال لي العسكري: اين هو....فقلت له بلباقة (اللباقة بمعنى ان تتكلم وانت ملبق في الجدار...وعكسها اللياقة...وهو ان تتسلق الجدران ) لقد انه واقف برا....فقال لي بصوت مرتفع: ازهم عليه (ازهم بمعنى ناديه...وليس بمعنى النادي المفضل لديه....ويقال ناديك يناديك ...بمعنى ان ناديك يشحتك
..ولكن بطريقة ملتوية كي لا يتخلى احد عنه....بعد نكبت الاسهم اصبح الكل ينادي عليك انت...ولكن كن على حذر فما كل من يناديك يريد لك الخير...وانما يريد مافي جيبك)
المهم ناديت صاحب الكابريس....ودخلنا الثلاثة في غرفة (مكتب ) والعسكري يحل الواجب (واجبه تجاه الوطن) قال فينك ياصاحب السيارة الخضرا...قلت هذا هو ياطويل الشنب....قال انت اللي صدمته من ورا...قال م.ع.ع.ح ايوه ان اللي صدمته من ورا....واقسم بالله العظيم اني قلت الحقيقة...وكان الخطأ غير مقصود ...ولم الحظه في اللحظات القلائل التي سبقت الحادث....
العسكري اخذ الشاكوش وضرب به على المكتب
وقال : محكمة....(مصدق نفسه انه قاضي)
المهم قال لم.ع.ع.ح انت متنازل.؟؟؟؟ حينها لم يتمالك صاحب السيارة البنية اعصابه وصاح فيني قائلا: يبه كلمه وقله إني كنت واقفة عند المطبة....يبه...
قلت له: يبه ليش ماتكلمه انت....وبعد اخذ ورد...وسحب وطرق....فهم العسكري اني انا وم.ع.ع.ح كنا في السيارة الخضرا اللي صدمت السيارة البنية من ورا....وبعد مافهم طلع علينا الخطأ 100%(ملاحظة: اذا كنت تريد ادراج علامة النسبةالمئوية فما عليك سوا الضغط على shift+5 ...والغريب والمدهش والمحير....انه اذا دعست بإصبعك على زر 5 فستظهر لك النسبة المئوية.....بمعنى اخر ان الزيادة التي حصلت مؤخرا 5% مدرجة مسبقا في كل اجهزة الكمبيوتر.....وبإمكانكم التأكد .........كل واحد يطلع في الخمسة.....اللي في لوحة المفاتيح) ....م.ع.ع.ح طلع ذيب....الرجال مأمن ...وفكنا الله من التوقيف ومرمطة العسكر.....انت لو لك الحق في الحادث بتتمرمط....اجل كيف لو عليك الخطأ ....المهم خلصنا اوراقنا ورجعت لشقة خويي وانا حاط يدي على رجلي ويد في جيبي......
البقية في العدد القادم......
01-04-2008, 02:04 AM
العرض العادي
