سلام عليكم
حي الله الأخوان الشباب والشيبان
أنا خريج هذي السنة الترم الأول جامعي تخصص رياضيات ومعدلي جيد الحمد لله ولا لي رغبة في التدريس بتركها آخر المطاف

ما عندي خبرة كثير في القطاعات العسكرية يعني أفضل قطاع سمعت بكلية الملك فيصل الجوية وكلية الملك فهد الأمنية هالكليتين يقولون أفضل للجامعيين

احتاج رأيكم في الموضوع ومتى موعد تقديمهم إن أمكن والشكر مقدماً

طال عمرك شوف الموضوع مثبت حق المتقدمين للكلية الملك فهد الامنية تلقى اجابتك ان شاء الله
والكلية اليي اشوفها احسن الامنية بس بيني وبينك اهم شي تعلق نجمه باي قطاع تكفى انها لها هيبه والله يوفقك ويرزقك بالكلية وتطلع ضابط

الله يجزاك بالخير أخوي الواسطة
طيب أبسألك يالغالي عن كلية فيصل الجوية يطلبون تخصصات معينة يعني في حالتي متخصص رياضيات فيه إمكانية يأخذوني طيار ؟؟
لإن أنا كان طموحي الطيران أساساً

يجي من يفيدك

أخوي الواسطة وفقك الله يالذيب والله يسهل أمورك
طيب تعرف لي موعد التقديم للجوية وإلا لهم رابط معين أقدم فيه
أخاف يفوتني شيء من التقديمات
الكلية الأمنية بتابعها إن شاء الله في الموضوع المثبت

هههههههه
طيار والله انك تبطي عظم مع احترامي
كلية الملك فيصل الجوية كلها لخريجي الثانوية ويدرسون فيها 3 سنوات ويطلعون ضباط ولا فيها جامعيين ابدا
القوات الجوية ياخذون جامعيين بس ماهو كثير ويسوون لهم دورة اضن بخميس مشيط وتقدر تراجع موقعهم وتتأكد



اما التخصصات حقت الكلية الجوية نفسها مستحيل تدرسها وخصوصا الطيران انا كنت اقدم عليهم العام

ما شاء الله تبارك الله

الله يوفقك اخوي بينقو و يرزقك ان شاء الله من واسع فضله

لا تنسى صلاة الاستخاره و شف ربي وين يكتب رزقك


موفق خير انت و لكل اخواني العاطلين


سبحان الله و بحمده
سبحان الله العظيم

انا انصحك بالكلية الامنية ..

اذكر اللي بدورتي وتخصصهم رياضيات اخذهم قطاع امن المنشات ..

موفق باذن الله ,,,