السلام عليكم ورحمة الله وبركاتة

‏ اسمعوا هالسالفة اللي توسع الصدر
..
..
يقول أحدهم: أمي كانت عايشه عند أخوي بحايل , وكنت أنا قاعد أعمر لي بيت بالرياض
وبعد ما خلص البناء قررت أني أجيب أمي تسكن معي علشان أبّر فيها وأكسب أجرها
فطلبت من أخوي أن يرسلها بالطياره ويوصّي أي عائله بنفس الرحله أن ينتبهوا للوالده
وفعلا ركبت أمي الطياره ووصلت للرياض
أستقبلتها وأخذتها عند سير العفش علشان ناخذ شنطتها وسألتها عن شكل ولون شنطتها وصرنا ندور
فأشرت لي على
شنطه وشلتها ورحنا للبيت .
يوم وصلنا للبيت حطيت شنطة أمي بغرفتها وقلت : يمه ترا هذي غرفتك وهذا دولابك
حطي ملابسك بالدولاب وتعالي نسولف
ورحت أنتظرها ترتب ملابسها وتجيني بالصاله
وبعد شوي سمعت أمي تقول : عوذااااااا .. وشو هذا .. عوذااااا .. هالبلية هذا وشو ..
فأخذت نعالي (وانتم بكرامه) ورحت أركض لغرفة أمي قلت أكيد صرصور
وفتحت باب الغرفه ولقيت أمي فاتحه شنطتها ومطلّعه منها

وطالعت فيني وقالت : ياوليدي وش هالاغراض اللي بشنطتي ؟
طبعاً عرفت أن فيه شي خطأ فبدأت أفتش الشنطه
وياللهول من اللي لقيته فيها !!=‎ :'( x_x
لقيت شنطة مكياج كريستان ديور وعطر شانيل وسشوار مولينكس وبنطلونات جنز والبوم صور لوحده لبنانيه على البحر وصورها بعيد ميلاد و مع واحد ( كنه عاصي الحلاني ):/ /
المهم قلت لأمي : يمه هذي شنطة وحده لبنانيه ماهي شنطتك
وبرجعها هالحين وأجيب شنطتك
قالت أمي : ياوليدي أنتبه لاينسرقن اغراضي تسرقهن هالبنت .. قلت : وش فيها شنطتك يمه ؟x_x=)]
قالت : بها شيح وعنزروت وحلتيت ومرّه وقيصوم وملابسي :'( =d
قلت في نفسي : هالحين راعية هالصور تبي تسرق شيح وحوايج وسروال خط البلده !!!=d
المهم رحت لقسم خدمات العفش بالمطار وأول ما وصلت لقيت اللبنانيه اللي بالصور
وكانت واقفه وحاطه رجلها على شنطة أمي وحاطه منديل على خشمها:& *nerd* =))
قلت لها : حنا آسفين هذي شنطتك وأعطيتها شنطتها

وأخذت شنطة أمي .
وقالت لي باللهجه اللبنانيه : بنصحك أبل ما تاخد هالشنتا تفتحها .. لايكون فيها شي بني آيدم ميت:'( =d
هههههههههههههههههههههههه بلا والله الحلتيته

رحمت اللبنانيه والله

منقول

هههههههههه يسعد ك ربي يادغبوسه
سروال خط البلده حلوه هههه تشبيه بليغ هههع

ههههههههههههههههه حبيت العجوز يالبى هي واغراضها

يعطيك العافيه قصه قصيره جميله سراحه انت يادغبوسه لا استطيع اتجنب مواضيعك

ههههههههههههه
يعطيك العافية .. ضحكت من قلب

الله يقطع شيطانك يابنت ع هالنقل
جلست اقرى القصة على امي واستانست بها
يالبى الكباربس هم الماضي والحاضر
مشكوره يالغلا

__________________
"لله دُر أمي إذا ابتسمت
تهادت جروح قلبي والتئمت"

والله أنا نفسي مت ضحك


شاكرة للجميع مرورهم

هههههههه يعطيك العافية

هههههههههههههههههههههههههههههههه