خلاص قررت بعد ماطفشت سلملم يامريكا ولا كندا

برفسور · #11 (**permalink**) 30-03-2008, 04:49 AM

ولازال البحث جاري

*كلـــي أمــــل* · #12 (**permalink**) 30-03-2008, 05:32 AM

برفسور.. تفكيرك صح..
أقول توكل على ربك وروووووووووووووووح..
والله لي كم يوم جالسه أفكر بنفس الشي..

بس عندي سؤالين ممكن تضيفهم لأسئلتك..

س 1 : متى أقدر أقدم على بعثة الدوله؟؟
س 2 : شروطهم تعجيزيه أو لا ؟؟

وعسى الله يوفقك .. ويسهل دربك..وييسر أمرك.. ويسعد قلبك..

3esa · #13 (**permalink**) 30-03-2008, 08:51 PM

السلام عليكم,
انا طالب مبتعث في أمريكا من قبل وزارة التعليم العالي وأنا أشد على يدك وأساندك انك تجي أمريكا لأسباب كثيرة منها: انك تخرج من دائرة المجتمع اللي انت فيها وتشوف كيف المجتمع الأمريكي عايش وكيف الناس تكافح من اجل لقمة العيش وتقارن وضع مجتمعك حتى تتضح لك السلبيات والإجابيات وتعيش التجربة بنفسك.

اما بالنسبة عن الأسئلة اللي طرحت من قبلك ومن قبل العضو كلي امل ان شاء الله عندي الجواب الكافي لها:

س1/ وشهي الجامعات المعتمدة في أمريكا ولا كندا ؟
تقدر تدخل هذا الرابط وان شاء الله راح تحصل جواب على سؤالك
http://www2.mohe.gov.sa/education/Index.aspx

س2/ الكورس للغة الأنجليزية كم أقدر أخلصها خلال ترم ولا ترمين ولا أكثر ؟
يعتمد على مستواك في الإنجليزي. كل جامعة تطلب درجة معين في اختبار التوفل متى ماجبت التوفل راح يمديك تدخل الجامعه وتبدا الدراسة الجامعية.
س3/ هل تنصحوني وتنصحون شباب بأخذ كورس لغة انجليزية في المملكة قبل سفر ؟
انا انصحك انك تاخذ كورس قبل السفر في حالة اذا كان مستواك ضعيف جدا في الإنجليزي لأنك راح تحتاج انك تكون في مستوى معين حتى تبدا تدرس لغه في المعاهد. وغير كذا انت راح تحتاج شوية لغه عشان تمشي امورك في مقابلة الفيزا وفي المطارات وفي حالة وصولك لأمريكا.
س3/ هل دراسة الماجستير تطول وكم أقدر أخلصها فيه ؟
يعتمد على البرنامج اللي راح تاخذه. انا اخوي توه مخلص ماجستير ادارة اعمال في جامعة امريكية وخذت منه سنة ونص تقريبا بس هو مادرس الا ترم واحد لغة انجليزية بعدها بدا الدراسة الجامعية. يعني ان شاء الله سنتين ونص وراح تكون خلصت مرحلة اللغه والجامعه.
س4/ الى يبغى يدرس على حسابة كم المبلغ المطلوب ؟
يختلف من جامعة لجامعه ولكن الآن تقريبا مافي احد يستمر يدرس على حسابه اكثر من ترمين لأن الملك عبدالله اصدر قرار بإلحاق جميع الطلاب السعوديين الدارسين على حسابهم للبعثه. وانا لي 4 من معارفي جو امريكا درسوا ترم وحولوا على حساب الحكومه وهم الآن مبتعثين. الدولة تبي تدفع الميزانية المعده كبيره مكافئتنا هنا تعادل 5000 ريال واكثر غير المكافئات المشجعه اثناء الدراسه وتذاكر سفر مجانيه وغيره وغيره.
انا بعرضلك تكاليف الدراسة في الجامعه اللي انا فيها لمدة ترم واحد(8 اسابيع) حتى تكون في الصوره وتاخذ فكره ولكن يوجد جامعات ارخص وفي جامعات اغلى.

تكاليف رسوم الدراسة واسعار الكتب والسكن والتأمين الصحي
والمصاريف الشخصيه في جامعتي هو:

3648 دولار

وهي مقسمة كالتالي
رسوم الدراسة: $1,388
اسعار الكتب: $100
السكن: 1,508
التأمين الصحي: $96
المصاريف الشخصيه: $456

عشان نحوله للريال نضربه ب3.75
ريال 3648X 3.75=13680
اضف الى ذلك سعر تذكرة السفر واللي تختلف من موسم الى موسم وايضا رسوم استخراج فيزة لأمريكا.
متى أقدر أقدم على بعثة الدوله؟؟
التقديم يكون في اجازة الصيف, ويتم الإعلان عنه على موقعهم وفي الجرايد والصحف. وهذا موقعهم

http://www.mohe.gov.sa/ARABIC/Pages/default.aspx

شروطهم تعجيزيه أو لا ؟؟
هذي هي شروطهم لمرحلة البكالوريوس

http://www.mohe.gov.sa/Arabic/Expedi.../Pages/h1.aspx وهذي شروطهم لمرحلة الماجستير والدكتوراه

http://kas.mohe.gov.sa/kas3/Index.aspx
وراح اعلمك عن تجربتي. انا قدمت عليهم وانا نسبتي 74 وانقبلت ومشت اوراقي بدون واسطه ولا شي والله شاهد. انا قدمت على اول دفعه وكانوا متساهلين جدا كانت البعثه مثل المويه اي واحد يحصلها وبالسهوله وبدون اي تعقيدات. ولكن اللحين على حسب كلام الشباب يقولون انهم تشددوا في الشروط وصار في مقابلة شخصيه وغيره. لكن اذا ماكنت مستوفي الشروط تعال امريكا وتنضم للبعثه.
طبعا الكلام هذا لكم جميعا

الله يوفقكم ويسهل دربكم ان شاء الله وتجون امريكا تدرسون وتخدمون دينكم ووطنكم وترفعون رؤوس أهلكم.

مع السلامه..

راجيه خير · #14 (**permalink**) 31-03-2008, 01:27 AM

الله يوفقكم جميعا بس هاه ياشباب ارفعوا روسنا بمحافظتكم على دينكم واخلاقكم الاسلاميه في بلاد الغربة

رايقه بس · #15 (**permalink**) 31-03-2008, 01:48 AM

بالتوفيق للجميع

بووصالح · #16 (**permalink**) 31-03-2008, 02:12 AM

بالتوفيق يا رب

*كلـــي أمــــل* · #17 (**permalink**) 31-03-2008, 02:28 AM

الأخ / 3esa

أشكرررررررررررك على ردك على أسئلتنا..وبصراحه كلامك شجعني بشكل كبير،، وأشعل فيني حمااااااااس للدراسه..

بس عندي سؤال أخير / هل شروط الماجستير الموجوده في الرابط تنطبق للبنات والشباب؟؟

والله يوفقك.. ويسهل دربك..وييسرأمرك..وينور قلبك..ويغفر ذنبك..ويحقق حلمك..
وإن شاء الله ترجع ساااااااااااالم لبلدك..

برفسور · #18 (**permalink**) 31-03-2008, 03:20 AM

اقتباس:

المشاركة الأصلية كتبت بواسطة *كلـــي أمــــل*

الأخ / 3esa

أشكرررررررررررك على ردك على أسئلتنا..وبصراحه كلامك شجعني بشكل كبير،، وأشعل فيني حمااااااااس للدراسه..

بس عندي سؤال أخير / هل شروط الماجستير الموجوده في الرابط تنطبق للبنات والشباب؟؟

بصراحة الوزارة التعليم الغالي

كلها بواسطة

ولد عمي مسافر بمعدل مقبول

وشغله خنبقة

الى مامعهوش مايلزمهوش

والله يوفقك.. ويسهل دربك..وييسرأمرك..وينور قلبك..ويغفر ذنبك..ويحقق حلمك..
وإن شاء الله ترجع ساااااااااااالم لبلدك..

أنشاء الله تعالى بس أبي خدمة فقط ابي برنامج يكبر الخطوط وبالألوان لو سمحت

نزل أيدك تحت

برفسور · #19 (**permalink**) 31-03-2008, 03:21 AM

اقتباس:

المشاركة الأصلية كتبت بواسطة بووصالح

بالتوفيق يا رب

للجميع

برفسور · #20 (**permalink**) 31-03-2008, 03:26 AM

اقتباس:

المشاركة الأصلية كتبت بواسطة *كلـــي أمــــل*

برفسور.. تفكيرك صح..
أقول توكل على ربك وروووووووووووووووح..
والله لي كم يوم جالسه أفكر بنفس الشي..

بس عندي سؤالين ممكن تضيفهم لأسئلتك..

س 1 : متى أقدر أقدم على بعثة الدوله؟؟
أهلا بكي بيننا الأخ ماقصر جاب شرح وافي وكافي
س 2 : شروطهم تعجيزيه أو لا ؟؟

نفس الكلام وراح ننتظر الجميع

وعسى الله يوفقك .. ويسهل دربك..وييسر أمرك.. ويسعد قلبك..

القلب أخضر مدام أشجع سعودية

خلاص قررت بعد ماطفشت سلملم يامريكا ولا كندا

إستفسارات ونتائج وظائف القطاع الخاص

بصراحة جالس اخوكم يفكر قلت ياولد متخرج من الجامعة ولك سنة وشوي وبعدين اذا انقبلت وين بيعطونك اي مرتبة الخامسة ولا السادسة وتاخذ اكثر من 10 سنوات...

خلاص قررت بعد ماطفشت سلملم يامريكا ولا كندا

تسجيل الدخول

خلاص قررت بعد ماطفشت سلملم يامريكا ولا كندا

إستفسارات ونتائج وظائف القطاع الخاص

بصراحة جالس اخوكم يفكر قلت ياولد متخرج من الجامعة ولك سنة وشوي وبعدين اذا انقبلت وين بيعطونك اي مرتبة الخامسة ولا السادسة وتاخذ اكثر من 10 سنوات...

خلاص قررت بعد ماطفشت سلملم يامريكا ولا كندا