31-03-2008, 06:18 PM
|
 |
عضو مهم جداً
|
|
تاريخ التسجيل: Oct 2007
الدولة: alkhobar
المشاركات: 617
معدل تقييم المستوى: 40
|
|
السلام عليكم,
اعتذر لكم على الرابط الخطأ ولكن السبب مو مني والله السبب من موقع وزارة التعليم العالي ولا انا نسخت الرابط الصحيح. على العموم هذا رابط وزارة التعليم الصفحه الرئيسية يسار الصفحة مكتوب "الجامعات الموصى بها" قم بالظغط عليه وقم بعدها بختيار البلد ثم الدرجة العلمية والتخصص.
http://www.mohe.gov.sa/Arabic/Pages/default.aspx
وعلى فكره يوجد مكتب قبول جامعات في وزارة التعليم العالي في الرياض ولكن مادري هل هو فقط منحصر على الطلاب المبتعثين فقط او الجميع وظيفة هذا المكتب انه يراسل الجامعه لك ويجيب لك قبول.
الأخت كلي أمل حياك الله والحمدالله ان كلامي زاد من عزيمتك على اكمال التعليم وانه شرف كبير لي.
اما بالنسبة لسؤالك
/ هل شروط الماجستير الموجوده في الرابط تنطبق للبنات والشباب؟؟
الجواب نعم هذي شروط القبول لكلا الجنسين ولكن البنات يزيدون شرط واحد الا وهو وجود محرم معها يرافقها اثناء فترة الدراسه وهذي فرصة اذا كان عندك اخو او زوج تقدرين تجيبينه معاك كامرافق وبعدين تلحقينه بالبعثه بكل سهوله وتكملون دراسه سوا .كثير بنات وزوجات مسوين هذي الحركه.والعمليه هذي تقدر تصير بالعكس يعني اذا كنتي متزوجه وزوجك انقبل في البعثات يقدر يضمك للبعثه . خلي احد يزور وزارة التعليم في الرياض اذا
امكن ويستفسر اكثر.
*******************
الأخ برفسور اشكرك على كلامك الرائع وان شاء الله الله يوفقنا جميعا. بالنسبة لأسئلتك
نعلم وأنت تعلم الشروط تعجيز يدل
على الفكر المحدود من قبل الوزارة ولكن في حالة عدم قبولي مثلاً وهذا فرض من
العالم الخيال الوسيع والبيلغ ماذا أعمل؟ وكيف أدرس ؟ وكيف أحول ؟
اولا انا لا أتفق معك بأن الشروط تعجيزية ولهم الحق بزيادة الشروط اكثر من ذلك لأنك لا تعلم عن المصاريف اللتي تتحملها الدولة لإبتعاث الطلبه فهم يريدون طلاب يحملون الكفائة اللازمه لكي يدرسوا في الخارج ويتحملوا ظغوط الدراسه ولكن انا اقف عند هذا الحد في الحديث لأني هنا لكي اجيب على أسئلتكم وليس الكلام في هذا الموضوع.
عزيزي اول خطوة لك في بدء الدراسة في حالة عدم قبولك في برنامج الإبتعاث هي ان تراسل الجامعه وتجيب قبول وبعدين تقدم على فيزة وفي النهاية تشتري التذاكر وتبدا الدراسه. بعد حصولك على قبول وبدء الدراسه تراسل الملحقية الثقافيه في امريكا وتقدم على طلب إلتحاق بالبعثات وراح ياخذون اوراقك ويرسلونها لوزارة التعليم العالي في الرياض وبعدين الوزارة ترسل خطاب قبولك للملحقية وتنضم للبعثه ويتم تحويل تكاليف الدراسه على الحكومه ويبدا صرف مكافئة شهريه لك. هذي طريقة بدء الدراسه على حسابك الخاص بطريقة مختصره ولكن هناك اجرائات كثيره تتخلل هذي العمليه.
واحب اعلمك ان في قسم يختص بالطلاب الدارسين على حسابهم الخاص في وزارة التعليم العالي اذا تقدر تمر عليهم وتسألهم وتستفر عن كل شي تبيه ان شاء الله يقدرون يساعدونك.
لغة أو الكورس كما يحبوا أن يسمية أبناء القارة الأمريكية
هل هي شرط وجزاء وجزء أساسي متصل ومراهن على قبولي في الجامعة؟
عشان تنقبل في المعاهد الأمور سهله ومافي تعقيد ومايحتاج ان تكون متمرس في اللغه حتى تنقبل. الجامعه راح يعطونك قبول مشروط والشرط هو انك تجيب درجة معينه في التوفل. وفي جامعات مثل جامعتي تحدد لك مستويات في المعهد اذا عديت كل المستويات يتم قبولك في الجامعه بدون توفل. وفي النهاية اللغه مهمه جدا في القبول ودرجة التوفل هي تذكرة القبول في الجامعات في امريكا ومهمه لك حتى يمديك تكمل في الجامعه وتفهم الدروس.
الماجستير أو دكتوراة هل الحضور الزامي؟
انا طالب بكالوريوس وبعض الكلاسات اللي اخذها البرفسور حقها يلزمك بأنك تحضر واذا ماحضرت ينقص عليك في الدرجات وبعض الاحيان يرسبك في الماده. والبعض مايطلب منك حضور ولا يلزمك فيه. يعني يعتمد على البرفسور ولا يوجد نظام معين في الجامعات بخصوص الحضور. ربما يختلف الوضع بالنسبه لبرامج الماجستير والدكتوراه الله اعلم.
كلمة أخيرة لك وللأخت كلي أمل وللجميع..
ابتعدوا عن المواضيع والردود المحبط ترا والله مامنها فايده ابدا وراح تضر الأعضاء وربما يقنعهم بأتخاذ قرار قد يدمر حياتهم فهل تريدون ان تكونوا السبب في ذلك؟. ارجوا منكم اتخاذ الحذر في المواضيع والردود المطروحه والتأكد من فائدة الأعضاء منها. اما بالنسبه للواسطات الكثير يتعذر بها ويعتبرها والبعض مايقدم على وظائف معينه عشانه سمع من فلان بأن من وفي النهاية يطلع الكلام مجرد إشاعات وتفوت الفرصه عليه. انا لا انكر وجود الواسطات ولكن لا تجعلوا الواسطات تقف عائق امامكم وتجعلوها تتمكن منكم قدموا على جميع الأماكن وانسوا بأن هناك شئ يسمونه الواسطه.
الله يوفقكم ويسهل لكم اموركم وانا جاهز للمزيد من الإستفسارات
التعديل الأخير تم بواسطة 3esa ; 31-03-2008 الساعة 06:59 PM
|
العرض العادي
