تكفه طمنوني واللي يرحم والديكم

معلمة بامتياز · #1 (**permalink**) 23-05-2012, 09:03 PM

السلام عليكم
اخواتي بدخل على طول بالموضوع
الحين اوقات المطابقة بيدققون الوثيقة بالكرت
زين توني انتبه ان نهاية اللقب بالوثيقة محذوف منه نقاط الياء بينما الكرت والبطاقة لا موجودة
مع العلم انه بكل الاشياء الثانية مثل السجل
والسيرة والسلوك والسجل الاكاديمي كلهالاسم مطابق للبطاقة حقت الاحوال

الحين وش السواة وانا مطابقتي السبت
بالليث والشهادة من الملك سعود بالرياض
مافيه امل اني اعدلها
حسبي الله عليهم قطاع فاشل اللحين لو الاسم غلط بالاحوال كان قلنا معليه يمكن اللي كتب ماهوب متعلم
لكن الوثيقة واهم متعلمين يحذفووووون النقاط حقت الياء

الله يفتحها بوجهكم اللي تدلني وش السواة اني ادعيلها ربي ييسر امرها
وش بسوي انا والله احس يوم قالوا البنات تدقيق الاوراق قلت بشوف اوراقي وتوووووني قسم بالله انتبهلها
تكففففففففففففين لاحد يسفهني
طلبتكم

حُلُمي التدريس · #2 (**permalink**) 23-05-2012, 09:06 PM

الله يكون بعونتس بس شوفي السجل المدني هو الدليل يعني ان شاء الله مايسوون مشكلة
الله يفرجها عليك

ربييع · #3 (**permalink**) 23-05-2012, 09:10 PM

لا يا أختي لا تشيلي هم خليها على ربك أنا وقت مقابلتي كان فيه بنات زيك اسمها مو مطابق للي بلسجل يعني فيه أخطاء بالأحرف أعتقد بس عادي مشوا أموورهم بس خلوهم يكتبوا تعهد انهم يعدلوووه ضروووري وبس يعني مستحيييل يسوون لك مشكله و يأخروووك ويمرمطووونك بس على نقطتين

معلمة بامتياز · #4 (**permalink**) 23-05-2012, 09:20 PM

اقتباس:

المشاركة الأصلية كتبت بواسطة حُلُمي التدريس

الله يكون بعونتس بس شوفي السجل المدني هو الدليل يعني ان شاء الله مايسوون مشكلة
الله يفرجها عليك

وعليك يابعدهم مشكورة الله يوفقك انتي بعد يارب وشكراا لاهتمامك والتجاوب السريع جعله بموازين حسناتك يارب

معلمة بامتياز · #5 (**permalink**) 23-05-2012, 09:23 PM

اقتباس:

المشاركة الأصلية كتبت بواسطة ربييع

لا يا أختي لا تشيلي هم خليها على ربك أنا وقت مقابلتي كان فيه بنات زيك اسمها مو مطابق للي بلسجل يعني فيه أخطاء بالأحرف أعتقد بس عادي مشوا أموورهم بس خلوهم يكتبوا تعهد انهم يعدلوووه ضروووري وبس يعني مستحيييل يسوون لك مشكله و يأخروووك ويمرمطووونك بس على نقطتين

الله يبشرك باللي يسرك ولا يظرك يارب
زين اتعهد واسوي اللي يبون لان لي رده للرياض باذن الله بس انهم يقولون تعالي وروحي والله ياوخيتي مستحيل ومعاي ولد صغير ومسؤولية قد الجبال
اله يسمع منك يارب
زين لو تكرمتي
يعني اهم شي عدوهم باذن الله
ابي اطمن زوجي لانه قالي دخلي واتاكدي من السالفة
وقالي مافففففففيه رده الان اولا حجوزات مافي ثانيا مقابلتك السبت
واخوي يقولي روحي عدليها واخري الموعد وقوليلهم كنت اعدلها
خفت من كلام اخوي صراحة قلت اشوركم

ابتسامة قمر · #6 (**permalink**) 24-05-2012, 12:14 AM

عندك مهلة لمدة شهرين لتعديل الاسم شوفي الصورة اللي حاطتها بكالوريا انجلش نموذج التوظيف
انا مثلك بالوثيقة ة تاء مربوطة وبالهوية هـ
الغلط من الكلية بروح ان شاء الله أعدلها مقابلتي باقي 13-7
بالتوفيق ولاتحاتين

أنثى زجاجيه · #7 (**permalink**) 24-05-2012, 02:54 AM

اذا انتي عديتي بالمطابقه اكيد بالمقابله ماراح يدققون اكثر
انتي اهم شي لاتاجلين مقابلتك ابدا واذا كان فيه غلط تكتبين تعهد انك تعدلينه

معلمة بامتياز · #8 (**permalink**) 24-05-2012, 04:57 AM

مشكورات الله يوفقن يارب ويطمن بالكم
باذن الله بسيطة وزوج بنت خالتي اهو مدرس
غلمني قالي لا بيمشونها
اللي يوقفون عليه تكرار الاسم
مثلا لو وحدة اسمها امل محمد فلان والوثيقة مكررة اسم محمد
اسم الطالبة فيه غلط
مثال سلوى
يطونها سلوي
او مها يحطونها مهى
وقالي ككككلش كلللش لوعاد مدقين مرة يسونلك المطابقة ويكتبونلك اقرار انك تعدلينه
الله المستعان

تخصص جغرافيا · #9 (**permalink**) 24-05-2012, 05:10 AM

عادي انا اسمي بالوثيقة منتهي بالتاء المربوطة وفي الهوية بالهاء وكنت خايفه من هالشي ايام المطابقة لكن ابد ولا جابابو طاري
بس اليوم لما رحنا للمقابلة عطونا اوراق نسجل فيها بيانات
من ضمن الفقرات اذا اسمك بالوثيقة مطابق حرفيا لاسمك بالهوية بالنقط والهمزة
اذا لا مكتوب تعهد انك تعدليه خلال شهرين من استلامك للوظيفة

هُدى · #10 (**permalink**) 24-05-2012, 08:02 AM

باذن الله مثل هذي الاخطاء تتعدل انا كانت عندي النسبة فيها نقص يعني ماحطيت اللي بعد الفاصله لكن الحمدلله رب العالمين مشى الموضوع لا تقلقين باذن الله هينة