مرحبااا .... محتاجه مشورتكم وخبرتكم اخواني واخواتي!!!!

عندي فكره مشروع كافتريا او بالاصح ميني بار صغير مجهز من ماكرويف وبوتجاز صغير بالكهرباء وثلاجه كبيره وثلاجه عرض صغيره!!! هذي الاشياء صاحبه المحل موفراه

المحل راح استاجروو داخل صالون نسائي بجده !!!!
ايجار المحل 30 الف ريال بسنه
وبحكم انو ماعندي عامله قالتلي صاحبه المحل انا اوفرلك هيا مع عاملاتي يكون راتبها 1500 و500 ريال لها عشان تروح مع موظفاتها المواصلات يعني في السنه ٢٤ الف ريال ..
صاحبه المحل كوفيررره مشهوره جداا في جده وشغلها ممتاز مره ويطلبوها بطلب!! كانت شراكه مع وحده وفضو الشراكه وفتحت صالون كامل بخدماتو لوحدها في فيلا دورين ماجرتها ب200 الف في السنه !!
انا حالتي متزوجه ومربوووطه مع عيالي !!!!! يعني مو متفرغه تمامما وغير انو المحل صالون بعيد عن بيتي !!!!
اش رايكم بالمشروووع هل فيه مجازفه ليا او لا !!
مشكورين مقدماااااا *

الله يرحلك البركه والرزق في المشروع

ملاحظاتي :

الايجار كبير جدا احس انه مبالغ فيه لانه محل صغير جدا يعني لو قالنا ايجار المحل مع العامله بيكون 54 الف سنويا وهناك مصروفات استهلاكيه .... الخ

سوالي عدد رواد المحل هل هو كبير جدا وهل تسمح صاحبة المشغل بان يتم احضار طعام من خارج المحل مع الزبائن .

اقترحاتي :

تنويع في العصيرات من غازات وطبيعه وشاي وقهوه وكابيتشنوا ومويه ابو نص بيعيها بريال وبالتحديد عصير الاطفال ((( السلاش ))) امام البطاطس تشكليه منوعه ولاتنسي البطاطس المقلي والكرسبي والسندوتشات وافضل انك تجيب خبز صامولي المحفوظ في اكياس ليستمر معاكي لكثر من يوم وهمبرجر وورق عنب وتبوله وكرنب وتحضير العاب اطفال خفيفه من ابو ريالين وتبيعنها بي خمسه ريال وبالونات ،

اخيرا :

افضل استجار المحل لمدة ثلاثة شهور تجربيه اي شهر 7 و 8 و 9 مع العلم بان رمضان يخف الطلب على الاكل بس مع البليله والبطاطس يمشي العمل

ونهايتاً :

اسال الله لكي التوفيق والسداد وباب خير باذنه لا باب شر وخساره لكي

وانا في الخدمه لي سوال

شكرا اخي تاج العلم

الكورنر اللي راح استاجرو راح يكون داخل صالون نسائي زي مثلا قص شعر. مكياج ..... الخ

يعني. الاشياء اللي راح ينباع فيها كالاتي كرسون دونات بريك بالجبن ورق عنب بيتزا يعني اتعامل مع مخبز !
شبس زي ليز وغيرو شوكلاتات كيت كات ... الخ
المشرباات شاي قهوه كابتشينو عصاائر مثل ربيع سيزر ماء الغازيات بيبسي سفن ميراند

المحل مو للاطفال لكي ابيع البطاطس وسلاش مثل ماتفضلت !!

هيا الكوفير لها ماشالله سمعه. ومحلها في التحليه ولكن مثل المشاريع الثانيه يجيك ايام فيها ضغط عمل وايام. ركووود !!!!


بس حبيت اوضح وشكراا عل ردك المفصل !*

انا اشوف اكثر شي يجي عليه طلب وفي نفس الوقت اكثر شي فيه عائد مالي القهوه بجميع انواعها بس ما ذكرتي ان فيه مكينه صنع القهوه
لانو اذا ما فيه وانتي قررتي تستاجري شي ضروري المكينه وتقدري تاخذينها مستعمله وبسعر معقول
وبالتوفيق لك ان شاء الله

شكرا عل ردك الفيصل !

اكيد راح اشتري الماكينه حق القهوه بانواعها !!

بس انا كاتبه ابغى اشوف ارائكم وخبرتكم هل الايجار والعامله سعرهم كويس ولا مبالغ !!!

واذا ربي كتبلي المشرووع ابغى كمان اسال عن افضل ماكينه تسوي قهووه ماركه ايش وكم يكون سعرها !!!

وافضل المخاابز اللي راح اتعامل معاهم ويوصلو الطلبيه !!!!!


التوفيق للجميع يارب و شاكره لكم مروركم *

ابيك توصلين لها معلومه حتى لو بطريقه غير مباشره انك بعد عامله مصدر جذب للزبونه

وانك بتجيبن اكلات من برى وبتسوين انواع قهوه

فعلشان انك بتخسرين مكائن وحاجات زي كذا وما راح تستفيد من اغراضها اللي موجوده او بالاصح منتي معتمده عليها اعتماد كلي قولي لها تساعدك في مبلغ الايجار لاني اشوفه غويلي

وبعدين اذا بسوين عقد سوي سنتين او ثلاث سنوات والعقد يلزمها ما يلزمك انتي

شكرا الفيصل وماقصرت


رفع

نصيحتي لك

اذا كانك بتستاجرين بهذا السعر وتدفعين راتب 2000 ريال والمحل مخصص لفئة معينة من الناس (نساء) في اوقات معينة باليوم

الاحسن تطلعين للشارع وتستأجرين بسعر اقل وتاخذين عامل براتب اقل ومدخولك بيكون اكثر بحكم ان الزبائن من جميع الفئات (اطفال وشباب ورجال ونساء سعوديين وغير سعوديين) يعني الدوام بيكون من بعد صلاة الفجر الى 12 الظهر ومن بعد صلاة العصر الى 11 مساء وانتي عقلك راسك تعرفي خلاصك


تحياتي لك والله سبحانة يكتب لك اللي فيه الخير

الله يوفقك اختي لكل خير ، يأتي من يفيدك بإذن الله

اختي ام المشاغبين

الكوفي او المحل الصغير هذا يعتبر جزء من محل كبير وإيجاره 30 الف جداً غالي عليه..

ولاتنسين باقي التكاليف والمستهلكات.. غير العاملة وراتبها..

يعني صاحبة الصالون هي الرابحة وانتي احتمال لا..

سوي دراسة للمشروع واستخيري

وبالتوفيق