الف الف الف شكر على ردودكم
واللي اقدر اقوله لكم ياأخواني واخواتي اذا الخطوط السعودية الناقل الجوي الوحيد في السعودية كذا وهو يعتبر حكومي اجل وش خلوا للباقي
الله لايوفقهم والله انا يااخوان بقدم استقالتي الشهر ذا وربي الرزاق شغل الشركات ابوريالين هاذي والله البعد عنه غنيمه
لانه قهر تشوف الظلم وتسكت وماحد حولك ولا حد واقف معاك
والله يرزق كل واحد فيكم بالوظيفة اللي يتمناها ويرتاح لها,,,,,

السلام عليكم ورحمة الله وبركاته

الله يكون في العون

تصدق أنا مقدم عليها واختبرة في معهد الخليج لتدريب

مسؤل الخطوط يقول هي تبع الخدمات الأرضية في المطار كاونترات

انا كنت موظف بشركة المهزله (سمارت لينك ) موظف حجز لطيران ناس طبعا انا معاي شهاده جامعيه مثل كثير من الشباب اللي كانو يشتغلون معاي طبعا فيه ثانوي معنا وكلهم شباب مجتهدين وفيهم الخير والبركه المهم في الموضوع ان اللي كان مدير علينا سوري كلب يوم طاح جوازه بيد واحد من الشباب طلع جاي بمهنة خباز تخيلو يا شباب وحنا اللي معانى شهاداة جامعيه ومن اهل البلد نشتغل تحت امر الخباز شوفو المهزله
طبعا انا ثاني يوم مقدم استقالتي من يوم دريت ونص الشباب اللي معاي استقالو
اللي ابي افهمة هل يعقل ان يكون خباز مدير عليك ونت معاك شهادة جامعيه طبعا والخباز مو سعودي لونه سعودي كان هانت
الي ابي اقوله ان البلد هاذي منعدم فيها النظام والشباب مهضوم حقهم .

السلام عليكم

انا بضيف لكلام الاخوان انا كنت بعد في شركة سمارت لنك
الله لا يذكرهم بالخير شركة المهزلة وهي شركة مشغله لشركات (ناس وسما سابقا )
وهي شركه سعوديه ومدير الشركة بدر الناصر تابعه لشركة الخليج

قمة المصخرة وللعم احنا كنا تقريبا 40 بنت وماعدا سنه والا وكلا هج منها
سياستهم زفت واداره ازفت رواتبهم متأخرة نصبوا علينا بالبونس وبالاخير قالوا كلموا الشركة الي متعاقدين معها -
قالوا فيه تأمين طبي وخرطي ما شفنا شي
ونصبوا علينا بنات البكالوريوس لقيناهم مسجلينا بالتأمينات دبلوم عشان تقل نسبةالي يدفعون للتأمين لانه الراتب الاساسي يفرق من دبلوم وبكالريوس
وحقوقنا للحين ما اخذناها منهم ولا شهادة خبره وما نقول الا حسبي الله ونعم الوكيل عليهم

مكاتبنا زحمه ومرصوصه رص وكلنا بمكان واحد كاننا خرفان مو موظفات واكنا نجمع قطه ونجيب مواد التنظيف وألات القهوة وفرن وما الى......حتى دورة المياه وانتم بكرامه وهي وحده مافي غيرها نصف طوابير عشان نتوضأ للصلاه احنا الي ننظفها

ما اقول الا الله لايسمحهم ولا يبارك بهم