السلام عليكم

بدون مقدمات
يمكن مايكون مشروع بالمعنى الحرفي مشروع خيالي او حلم او امنيه

لاحظت بالمدن الكبيره مثل الرياض الدمام جده اكثر فئه فيه الشباب واغلبهم عزاب
مترمطين وحالتهم حاله واشكال سكنهم من برا تقرف كيف من داخل ومن تجارب مع سكن لعزابيه وقفت عليها من اقاربي حالتهم يرثى لها يعني هم مضطرين يتركون غرفهم الخاصه بيوتهم حياتهم الاجتماعيه واهلهم عشان وظيفه تكون بمدينه ثانيه واغلب هالوظايف العسكريه

غمضت عيني وتخيلت كومباوند خاص للعزاب فقط مكون من عدة طوابق ابتداء من البيسمنت للباركينق انتهاء بسطح يوجد فيه كوفي شوب جلسات مفتوحه بالهواء العليل

طبعا يكون فيه جيم > نادي رياضي وكل مايتعلق فيه من ساونا وحمام بخار الخ الخ
صالة بلياردو
بوفيه مفتوح او كافتيريا 24/7
مغسلة ملابس
بعض المحلات الخاصه بالشباب من ملابس واحذيه وانتم بكرامه ومحل جوالات زي المول صغير
طبعا المحلات صاحب الكومباوند يأجرها لمستثمرين تفيد العزاب مثل محلات البدل العسكريه
محلات الملابس الرجاليه والثياب والشمغ

يكون الكومباوند اون لاين ولا ينقطع عنه النت
فيه ملعب كرة قدم وسله
خلوني احلم شوي واقول قولف
تلاحظون اني شطحت
بس من جديد احس العزاب مظلومين

تحسون مشروعي خيالي ؟؟
انت الشاب الاعزب اللي ساكن بعيد عن اهلك تفضل تسكن بهالمكان لو كان موجود بكل خدماته ؟؟

ايش رايكم بمشروعي المدينه الفاضله ؟

ههههههههههههه

بصراحه اتمنى ان عندك راس مال بسسس

والله جبتيها ع الجرح ينرحمووون العزاب

ترا من جد ماينلامون اذا صاروا نفسسيات

بالدوام قرف وبالسكن قرف وحالتهم يرثى لها

بصصصراحه فكرتك والله قوووويه

انا الحين مع مو ضد ان المراءه تكون بمجلس الشورى

ههههههههههههههههههه

نعم للمراة عضو في مجلس الشورى

مادري بس اذا قلنا اوكي هذا المشروع نفرض انه على ارض الواقع كم بيكون الاجار ^_^
هنا تفرق مع العزابي
يعني الغرفه بتلاقي فيها 3 بالقطه
وملعب القولف بيصير انشا الله مواقف عشان الزجمه كل غرفه فيها 3-5
الكوفي شوب بتلاقي كل شوي واحد داق عليك يقولك ياخوي وش راك تحط معسل في الكوفي


والله فكره ممتازه بس للعزاب ما اتوقع
يعني العزابي عنده فنادق يقدر يروح وما راح فيها
يعني انت بهذه الميزات ما راح يكون سعرك اقل من اغلى الفنادق
تحياتي لك

تبدأ المشاريع بُحلم.. وتخيل ..ثم هدف..

مشروعك جبار..

خططي له ولاتنتظري رأي أحد..

بالتوفيق

والله في نظري مشرووع رائع لكن اذا انتي حاطته في راسك ركزي على المدن العسكريه مثل تبوك والخميس ..موفقه ان شاء اللله.