بما اني عاطل .. فأكيد بأسرح و امرح في أفق لا متناهي من الأفكـآر اللي بتخلصني من هالوحل اللي أسقطت نفسي فيه و توهقت

لكـن للأسف أفكـآري كلها و لسبب اجهله دايمـاً تكون متجـآوزه لأعرافنا و عاداتنـآ و قوانين البـلد و الحمد الله إني ماطبقت اياً منهـآ رغم انها بتدر علي أربـآح ما يحلم فيها أطلق موظف بالحكومه .. لكن و لأنها فاسده .. فربّـي هداني و ابعدني عنها .


هالأيـآم جتني فكـره ولا أدري هل هي حلآل و الا حرآم .. و هي اني اطلع بدعايات شركـآت الشـمغ و الثيـآب و العطورات أو الجوالات و شركات الاتصالات و موبايلي ..


و الحمد الله .. املك المقـومات اللي تؤهلني لهالنوع من الأفكـآر .. مقومـآت الشكل و البنيه الجسمـآنيه .. لكن المشكله هل المجتمع بيتقبلني ؟؟ و خصوصاً اهلي و جماعتي هل بيتقبلوني ؟


وهل كوني اظهر بالدعايات .. ينقص من كيـآني و حترام النـآس لي ؟؟؟؟


انتظر أرائكم و تعقيباتكم

والله شووووف يالغااااااااااااالي

هي على حسب المجتمع اللي انت عايش فيه بالنسبه لي انا

قبيلتي وابوي وامي وكل العيله بتبرأون مني اذا سويت اللي قلت عليه

وفي جهة نظري انا اشوف انها وظيفه سامجه يعني مو ذيك الوظيفه اللي تأمن مسقبلك يعني اذا
في يوم من الايام كنت تسوي دعاايه لشامبوا (كلير) جيت ويوم من الايام اصلع
خلاص انتهى مدة صلاحيتك يعني تفنش من عملك


تحياتي

الاستخاره ثم الاستخاره ثم الاستخاره

بصرااااااااااااااااااااااااااااااااااحة ولا تزعل من صراحتي..

انا ساعات من اشوف شباب طالعين بالدعاية,. اقول هذولي ما وراهم اهل..

عارضين نفسهم بهذي الطريقة..

وسواء شباب او بنات..

وبعدين اقول اكيد مو سعوديين اكيد انهم غير سعوديين ويمثلون على انهم سعوديين..



انا لا اوافقك الفكرة..


لو انت لاعب كان ممكن تصير الفكرة عادية.. بس مواطن عادي ما اتقبلها.. وغير كذا فكر باسم قبيلتك.. وجماعتك وربعك..

انا عنديلك حل وبا انقل لك كلام واحد سوداني لي يوم من الايام كنت اصلح سيارتي في ورشة وكان الفني هو السوداني نفسه سألته كم يتقاضى راتب من كفيله فقالي اتقاضى الفين ريال قلت له ممتاز قال ايش ممتاز والله لو انا مجهول وبدون كفيل ليكون راتبي احسن من كذا بكثير والله لو عندي جنسية سعوديه لاصير مليونير قلت يازول كيف تصير مليونير قال فيه واحد سعودي اعرفه اشتغل في شغله والان من اصحاب الملاين قلت وش الشغله قال شرى سياره باص صغير ويروح جده ويحمله بضائع متنوعة مثل عطورات اكسسوارات مرايل مدارس وويوزعها على اصحاب المحلات في خميس مشيط وفي جميع المناطق والان والله انه شبعان من كبار اهل الملاين فأنت اخي العزيز جرب هذه الفكره احسن من الدعاية وتقبل مروري وخالص تحياتي

العمل مهو عيب جرب ودور رزقك في كل مكان اهم شي يكن حلالا

بالتوفيق والله يرزقك الرزق الحلال

والله ياخوي انا مثلك من الفضاوه
تطلع لي مشاريع
يااااااااااااااساااااااااااااااااااتر منها
واللي يردني انها حرام واني بنت

توكل علي ربك ورح للدعايات اذا ماكانت حرام

بس علمنا في اي دعايه تطلع على شان نعطيك ارانا خخخ

موفق

ياخي العمل ليس عيب ولكن نوعية العمل يعني فرضاً دعاية شماغ حيكون لابس الزي السعودي وكاشخ فين العيب --- دعاية عطر حيكون كاشخ "يجب الاعتنى بنوعية الكشخة" لا تكون مسيئة له فين العيب.

وبعدين رساله للاخت أم الوظائف هل القبيلة تتأثر بشخص سوى دعاية أعتقد ان الكلام هذا غير صحيح لان لكل قبيلة رجالات وتاريخ يخلدهم ولوكان الموضوع كما تقولين لكان كثيراً من القبائل تأثرة بالمطربات السعوديات اللي حنى شايفينهم وما يحتاج نذكر اسماء لان الكل يعرفهم .

تقبل مروري