25-05-2012, 08:34 AM
|
 |
عضو نشيط
|
|
تاريخ التسجيل: May 2012
المشاركات: 136
معدل تقييم المستوى: 4411
|
|
الحين الوظائف الاداريه لمين رجال ولا نساء ال11 ألف !؟
انا ملاحظ انه الوظائف الاداريه للرجال طالت ولا احد تكلم عنها مدري لين متى الانتظار
كل شغلهم على التعليميه طيب ماقلنا شي بس ترى بعد فيه ناس عاطله غير تعليميه
يعني لين متى الانتظار ؟؟
وبعدين بتقولون ليه الشباب مايروحون شركات بختصار :
عطني زي الحكومي ضمان وظيفي مو اذا افلست الشركه انا Out !!؟
ساعات العمل تقارن ٦ساعات ب٨ ولا ٩ ساعات !
وفوق هذا كله اذا جتك شركه دوامين انا رحت شركه قالي دوامك من ٨ صباحاً لين ١ الظهر بعدين تجي الساعه ٤ العصر لين ٧ مساءً !
مو حرام يعني حتى قيلوله صعبه ويمكن بعد تروح البيت صعبه على زحمة الرياض !!
اجازه زي العالم خميس وجمعه انسى يوم ويخب نادر شركه يومين اجازه الاماقل ولا اذا كنت كول سنتر
يعني لاخميس وجمعه والا اجازه زي العالم ولك ٢١ يوم اجازه سنويه !!
الرواتب فيه فرق الحكومه افضل بس يالله بنقول مافيه فرق
بس الشركه لو عطوك راتب صاحي بطلعونه من اذنك معروف اما الحكومه محد وراك هذا الواقع !
والي موظف بالحكومه الا يوفقه مانحسده يستاهل بس انا ماتكلمت الا من حره بصراحه خصوصاً اذا جاك واحد يقول ليه ماتتوظف بشركه بالعكس رواتبهم حلوه وانا اعرف واحد مخلي الحكومه علشانه مرتاحه بالشركه الي شغال فيها وهو الي ينصحك موظف بالحكومه طيب يوم انك تنصح ليه مارحت للشركه !! نصيحتك على العين والراس بس كلم العاقل بما يعقل وخصوصاً مو كل الشركات مثل ( سابك ، ولا ارامكو )
وظبعاً حنا مانعمم على الشركات فيه شركات يعطونك حقك بس طبعا قليل بس فيه
بس (( الشر يعم والخير يخص )) ..
تحياتي لكم جميعاً وآسف على الاطاله ..
التعديل الأخير تم بواسطة ماابي اسمع ; 25-05-2012 الساعة 08:48 AM
|
حسبي الله ونعم الوكيل 
العرض العادي
