السلام عليكم ورحمة الله وبركاته
كنت بنزل مقابلتي لكن المنتدى مافتح معي ألا الحين
الموهيم سهههههههههللللللله الحمد لله
بالتفصيل
دخلت وعلى جهة اليمين تسجلي أسمك عند الموظفه للاستقبال وموعد مقابلتك الساعه كذا
وتعطيك التقرير الطبي والرغبات المكانيه ورقه التوظيف
مو مهم تعبيها بنفس اللحظه ممكن تجيبيها اليوم الثاني مع التقرير الطبي
بعدين نهايه الممر على جهه اليمين ينادوا البنات بالاسم علشان يطابقوا أوراقك مع الاصل
بعدها تطلعي فوق للمقابله
باللجنه المكتوبه عندك بالمقابله طبعآ أنا لجنه العلوم لأني تخصص علوم
كان فاااااااااااااضي لما شافوني فرحوا شكلهم ماقبلوا أحد لسى
قالت
س1\ عرفي عن نفسك؟
س2\ مالفرق بين العضو والجهاز ؟ ولما جاوبت سألتني بشكل سريع عددي الاجهزه بجسم الانسان
س3\ عندك طالبه كسوله كيف ترفعي مستواها ؟
قلت من خلال أوراق العمل قالت أذا مانفع قلت تغيير طرقة التدريس كلعب الادوار والتعلم التعاوني

س4\ عندك دوره حاسب ودوره أنجليزي ؟
س5 \ حدث صار في المملكه ماهو ؟
وكانوا مررررررره حبوبات
ورحت وقعت بعض الاوراق وخرجت
أنا دخلت المبنى الساعه وحده ونص وخرجت الساعه ثلاثه ساعه بزحمه الاوراق وخمس الى عشر دقائق المقابله
صراحه ندمت أني ذاكرت وتعبت نفسي وتوترت
حتى بالمقابله تلف للي بجنبها وتقول وش نسألها مافي تحضير مسبق
ضروري تكوني كاشخه وأنيقه ومنزله العبايه لأن فيه درجات على اللبس والابتسامه
وبالتوفيق للجميع


منقوووول

والله ياحبيبتي وصلت الساعه 11وربع طلعت الدور الثالث اخر غرفة على يسارك وقعت على ورقة واخدت رقم بعدين انتظرت برى نادوني عشان يطابقون الاوراق ويرجعن الاصل احدو ثلاث نسخ من الوثيقة ومن البطاقة ومن السجل بس الدورات ما خدوها حسن السيرة ماحدوها بعدين طلعت الدور الخامس نستنى المقابلة الين جو الساعه واحدة ونص بداو دخلت الساعه اثنين عرفوني بانفسهم وبصراحة زي العسل كلهم وعرفتهم بنفسي سالوني عن الرياضيات جاوبت على سؤال والثاني بلمت سالوني عن رايي في المناهج المطورة وعن المطويات اعطوني ورقة فيها مواقع للكتب المطورة يقولون اتطلعي عليها جدا رائعه قلتهم هين
قالت لي قريت كتاب سياسة التعليم في المملكة قلت لم اتطلعت عليه لاني ماقريته خفت لا اتوهق
قالت لي اقريه هدا اول كتاب عن التربية والتعليم اقريه رائع قلت اكييييييييييييييد راح اقراه
خلصت المقابلة اعطوني ورقة اكتب اسمي واوقع ونزلت الدور الثالث استلمنا ورقة الرغبات عبيناها ورجعناها
بعدين اعطتنا الكشف وخيرتني اي مركز احتار اخترت المداين لانه جمب البيت
اخر شي قالت اسحبي نسخة مسوغات التعيين من النت وعبيها وجيبيها مع الكشف
تعتبت ادا فيه احطاء املائية المعدرة ما فيه حيل اعدل رجعت البيت لساعه اربعه


منقوووول

السلام عليكم ورحمة الله وبركاته

بمااني ماشفت مقابلات واجد للحاسب قلت انزل ردي بموضوع مستقل عشان
البنات يستفيدون[IMG]http://www.*******.com/uploadcenter/uploads/01-2012/PIC-785-1326541372.gif[/IMG]

مقابلتي كانت بحفر الباطن توجهت للحفر من يوم الجمعة
وموعد المقابلة يوم السبت الساعه 2
طبعا من القلق والتوتر والمكان متغير ماجاني نوم من الساعه 9 وانا قاعده
ومن الحماس الزايد رحت للثانوية العاشرة من الساعه 12
والحمدلله اني متاخرت لان كان في توزيع للارقام وطلع رقمي بدري مو ملتزمين بالوقت اللي اخترناه
تقريبا بدات المقابلات الساعة وحدة ونص اول شيء طابقوا الشهادات وبعدين المقابلة وبعد ماخلصنا نعبي اوراق عندهم بالاضاقة لورقة الرغبات المكانية واخر شيء نستلم الفحص الطبي وهم يحددون لك المستشفى واليوم ولا في مجال للتغيير او النقاش <<< حقدت عليهم ابي اخلص بسرعه وارجع لاهلي و ولدي حطوا لي يوم الاثنين بكره


وهذي المقابلة طبعا هذا اللي اذكرة من التعب امس ماقدرت اكتب اي شيء



انا تخصصي حاسب الي
اول مادخلت اسالتني عرفي بنفسك وعرفت بنفسي ( الاسم - التخصص- سنة التخرج)
بعدين اسالتني عن التخصص الدقيق
واسالتني من وين قلت لها من الدمام قالت لا اقصد الكلية اللي تخرجتي منها طبعا جاوبتها كلية التربية بالجبيل
قالت بما انه تخصصك تربوي اذكري لي انواع الاهداف السلوكية؟؟ (( هدف معرفي / هدف مهاري/ هدف وجداني))
وطلبت مني اكتب على ورقة هدف وجداني طبعا انا استغربت سالتها اكتب يعني من اي درس ابيه قالت اكتبي من اي درس عادي والحمدلله طلع معاي هدف وجداني بسرعه وكتبتها وعجبها وقالت ممتاز
وطبعا حتى الاسئلة السابقة وانا اجاوبها تثني تقول ممتاز
وبعدين اسالتني الفجول بيسك من لغات البرمجة باي مرحلة يتم تدريسه ؟؟ (( ثالث ثانوي))
انتي كمعلمة بتشرحين برنامج الفجول بيسك للطالبات كيف تبدين معاهم هالبرنامج كيف توضحين لهم فكرة برنامج الفجول بيسك؟؟؟
مايحتاج اجابة لهالسؤال تفلسفت فيه لما استانست وقالت ممتاز
واسالتني لو عرضت عليك المديرة استخدام برنامج نور هل توافقين او ترفضين ؟؟
واسالتني كيف تتعاملين مع الطالبة كثيرة الغياب؟؟
واسالتني برنامج معالج النصوص " الوورد" اذا جيتي بتشرحينه للطالبات تقريبا 90 ٪ من الطالبات يعرفون كيف يستخدمونه كيف تتعاملين مع الطالبات بهالحاله؟؟؟
وطلبت مني افتح على الجهاز برنامج البوربوينت واصمم شريحتين ...


تقريبا هذي كل الاسئلة اللي اسالوني فيها (( مع اني حاسه اني ناسيه كم سؤال ))
اذا تذكرت كتبته لكم

وترى اغلب البنات يطلعون مستانسين مافي شيء يخوف



والحمدلله تم اليوم على خير [IMG]http://static.hawaacdn.com/images/**********/smilies/icon31.gif[/IMG]




^

منقــــول ..!

السلام عليكم ورحمة الله وبركاته

الحمدلله اليوم كانت مقابلتي بالجوف تخصصي احياء

كانت الاسئله اليوم عن الوراثه لان اثنين قبلي نفس الاسئله
من هم علماء الوراثه ماهو قانون مندل للوراثه وماهي الصفات الوراثيه

ماهي مهارات التفكير
ماهي وسائل التعليم الحديث
لو عندك طالبه ضعيفه كيف تعاملين معها
لو عندك مجموعه من الطالبات الضعيفات ماهو السبب وكيف تتصرفين
انا مامعاي شهاده حاسب اسالتني اذا اعرف له واسوي جداول
لو بنت اسالتك سؤال وماعرفتي اجابته وش تردين عليها

وقالت عندك معرفه بالمناهج الجديده قلت لا بس اكيد راح اطلع عليها
ومن حسن حظي طلعت المشرفه حاضره لي قبل حصه ايام العقد
ودخلنا الرغبات بالكمبيوتر واخذنا الكشف الطبي وبس

واي استفسار انا حاضره

الاخت جررررروووووح جزاك الله خير على مجهودك الواضح



الله يسعدك محتاجة مقابلات علوم ورياضيات ابتدائي

انا تخصصي تاريخ عملت المقابلة اليوم في حائل الساعه 9 الصباح

الاوراق هي نفسها المذكورة كل شيء منه نسختين ...الشهادة والدورات والخبرات وكرت العايلة او البطاقة الشخصية

واعطتنا ورقة الرغبات عبيناها وصورناها مرتين

بعدين طلعت ع المقابلة وكانت سهلة خمس دقايق فقط

وهي:

ماهي اول معركة اسلامية بحرية ؟

ومن قائدها

فرقي بين السرية والمعركة

كيف تتعاملين من الطالبة الموهوبه

وبس اعطتني الكشف وع مستشفى حايل العام وختموها وحنا واقفين ورجعت الورقة للادارة النسائية ...

انتهيت الساعه 10 ونص

ملاحظات:

انا موعدي بعد اسبوعين وقدمته لان اخر يوم مقابلات 15 من شهر 7

تجين باي وقت وتسوين المقابلة...

اللي موعدها باخر النهار تجي بدرررري الساعه 7 عشان تعبي الاوراق ويمديها تخلصصصص

مايتقيدون باللبس بعباتك عادي بس ماتلبسي بنطلووون

ملف علاقي اخضر مهم جدااااا


الان مررهقة وراجعه لمدينتي ...

وبدش وقت ثاني ..

ودعواتكم لي اخواني بالتوفيق ورضا والديني ...

ام عماد

منقووووول

اخباركم الحمدالله اليوم خلصت مقابله وسلمت الكشف الطبي وبنسبه للرسائل قالت بيرسلونها عل اخر شعبان او اول رمضان
نرجع للمقابله كانت عند اللجنه الاولى بس ثنتين الاولى سئلتني عن التخصص اسئله كثيره اول شي عرفي نفسك توظفتي من قبل
وش رايك في الدمج لو جتك ام ورافضه فكرة الدمج لانها خايفه على بنتها العاديه من تصرفات المعاقيين
وسئلتني عن الوسائل المستخدمه فب الصف ومن هم فئات التربيه الخاصه وعلى اي اساس يقوم تعليم المعاقيين طبعا قلت على الخطه التربويه الفرديه
قالت تكلمي عنها وقالت تفضلين العمل الجماعي او الفردي وليش واخر سؤال ما عرفته بس حاولت تقرب لي بس ماش ما جبتها زين الي هو انواع البيئه الصفيه
بعدين جاء دور الموجهه الثانيه قالت من اول من استخدم التاريخ الهجري وايش الفرق بين العلمانيه واللبراليه
وقالت لي انتي قلت للاستاذه انك تفضلين العمل الجماعي ليه طبعا عددت الاسباب قالت انتي تكلمتي عن الايجابيات واكيد له سلبيات
قوليها وقالت ايش تسمى البنت الي تكون في العمل الجماعي ولا تسوي شي قلت سلبيه او دخيله قالت هي سلبيه بس لها مصطلح قلت ايش هو قالت نسميها الرضيع الي جالس ياخذ ولا يسوي شي
وقالت لي لو اوكلت لك المديره مهام هل راح توافقين قلت على حسب اذا ما اثرت على عملي الرئسي ما عندي مانع قالت لو قالت لك المديره هذي اعمال من صميم عملك وجابت التعاميم قلت ما عندي مانع وراح ارتب اموري على حسب الاهم فاالمهم

وسلامتكم
وحبيت اشكر شؤون الخرج على الانفس الزينه والتعامل الراقي مع اني حست في الاوراق واضطرت تعطيني اوراق جديده مع ذلك تتعامل ببتسامه وروح حلوه

للأمانة منقول: https://www.btalah.com/showthread.*****..#ixzz1w4uBlkBp

صحيح أخر يوم 15 من شهر 7

مييييين قال

مقابلتي الحمدالله كانت سهله ومريحه
بس حصلت لي مشكله وهي ماحصلت بطاقه العايله الاصل
بغيت انجن دوووت لين تعبت وماحصلتها
ضاق صدررري مره وكنت مابروح
ليه اتعب نفسي وهم اكيد ماراح يقبلون لاني ما عندي الاصل للاثبات وهو المهم
لكن زوجي اصر وقال روحي يمكن تتسهل ماتدرين
وفعلا
رحت لهم وطلعت الدور الثاني

دخلت اول غرفه عاليسار ووقعت عند اسمي وعطوني مجموعه اوراق اعبيها
ولمن خلصت دخلت الغرفه الثاني عشان المطابقه
طابقت لي الوثيقه وقالت عطيني بطاقه العائله الاصل والصور
قلت الاصل ضايع بعد ماصورت ماحصلتها
قالت يووووه شلوون ضايع
ما اقدر ارفع اوراقك لين اطابق الاصل والصور واكتب رقم حفيظه النفوس ومكانها وتاريخ اصدارها
وانا كنت مصوره جهه وحده بس في البطاقه
ورقم الحفيظه مسجل بالجهه الثانيه
قلت طيب وش اسوووي
قالت بكتبك تعهد انك تحضرينها قبل انتهاء مواعيد المقابلات
واذا ماجبتيها تعتبري رافضه للوظيفه ونستبعدك
خففففت مره ياربي واذا ماحصلتها وش اسوي
دخلت وحده عسل الله يسعدها
قالت لا تقلقي
عندي لك حل
يمكن فعلا ماتحصليها ولازم بلاغ وتطول الشغله لاكثر من شهرين
خلي زوجك يروح الاحوال ويسوي برنت ويجيبها ولازم يختمونها
قلت اوكي
كلمت زوجي وراح سوا لي برنت واخذ خطاب من الوزاره انهم طالبين هالشي
ووقتها دخلت سويت المقابله
طبعا قالت راح نعمل المقابله مانبغى نأخرك ( الله يسعدهم اخلاق ومريحات)
دخلت للمقابله وطبعا توجيهي كان رياضيات وسألتني كذا اسئله من ضمنها
كم صار لك متخرجه
وقدمتي على مدارس اهليه ولا ؟
عندك عيال ؟
اطلعتي على المناهج المطوره ؟
كيف تتعاملين مع الطالبه الضعيفه؟
من هو مفتي المملكه ؟
مارأيك بالمظاهرات ؟
ماهي طرق واستراتيجيات التعليم؟
طرق التدريس الحديثه؟
اكتبي لي معادله من الدرجه الثانيه في مجهول واحد وحليها؟
خلتني اقرا من كتاب اخلاقيات مهنه التعليم
وقالت خلاص وريني لبسك
وروحي خذي ورقه كشف
رحت اخذتها وقالت بس خلي المدير يختمها ويوقعها مع اثنين اطباء
اعطيتها زوجي وداها مستشفى الملك خالد بالخرج
وانا اخذت البرنت وطابقوه لي ورجعت الكشف لهم وكتبت الرغبات
طبعا هم كاتبينها لنا بس علينا نختار الترتيب
ووقعت وطلعت والحمدلله عدت على خير
بس تأخرت مرررره عندهم عشان البرنت
وصلت على 9 ونص
ورجعت للبيت 2 ونص

والحمدالله الذي بنعمته تتم الصالحاااااات

منقوووووول

الحمد لله علة كل حال
ميييين عندها مقابلة يوم 19 معايا ؟؟؟ بالطايف