25-05-2012, 02:56 PM
|
عضو سوبر
|
|
تاريخ التسجيل: Sep 2010
المشاركات: 375
معدل تقييم المستوى: 164373
|
|
اقتباس:
المشاركة الأصلية كتبت بواسطة متحفظ
في البداية الى ان تتعلم منه مثلا او الى ان تعرف معدل الدخل اليومي
تقريبا وبعدها تتفق على مبلغ معين ...
|
معليش ولو كان خارج الموضوع لكن
الجمله بالأحمر هي اللي نعاني منها
العماله تاخذ الهبرات وحنا نناظر
ليش اتفق على مبلغ معين
وليش اخلي الاجنبي يطمع بي
انا في المؤسسة الآن والحمد لله طردت لي ثلاثه بنقاليه تعرفون ليه
جاء وتعلم شغله بسيطه فكر نفسه الحين انه استاذ في الشغله دخل المكتب يقول لي
بابا انا يبغى شغل نسبه ما يبغى راتب
اخذت منه العده وعلى الباب قلت له ... لا عاد اشوف وجهك وبدون كلام قفلت في وجهه الباب
بعد شهر رجع يبي يشتغل بالراتب ويحب على راسي ........... لكن ولا هز فيني شعره قلت له
بكل بساطه ... جبت سعودي يشتغل بالنسبة معاي وانته ما لك مكان
الحمد لله معاي شاب سعودي والحمد لله يشتغل وقت اللي تبي وهو اللي يحافظ على الشغل
تخيلوا حتى الساعه 2 بالليل ما شاء الله عليه يجي المؤسسة ويخلص الاعمال المتبقية
يا اخوان ليه نعطي الاجنبي الفرصه وبعدين نصيح
العماله أكلونا
العماله خلونا عاطلين
العماله والعماله
وحنا اللي ربيناهم على كذا وحنا اللي ربيناهم على الاتكال من طرفنا
والله اوقف على مدخل اصناعيه واوقف للزباين ولبس كفرول وعليه لوقو للشغله اللي اشتغلها
واكتب بكل فخر انا سعودي
بكل فخر انا سعودي اشتغل بالحلال
ليه اخجل وليه استحي
ربي يوفقكم
وآسف على الكلام والله من حر اللي في قلبي قلته
|
العرض العادي
