صباح الشعر والابداع

( امتزاج الازمنه )
.

.


يـــدور دولاب الـفـكـر بـيــن( أمـتــزاج الأزمــنــه )
على نهاية عصر كسـرى وأبتـداء عصـر اليهـود



في ضحكة الوجه القبيـح طعـن القلـوب المؤمنـه
وعلـى وضـوح المبتـدأ تجديـد فـي صـك النـقـود



ليـن استضاقـت فـي عيـون الطّهُـر كــل الأمّكـنـه
واستبشـر القلـب السقيـم بنظـرة العيـن الحسـود



وأصبـح نظـام الـقـوم لاتسـلـك طـريـق الميمـنـه
عايـش زمـان وأتـقـن الصنـعـه بتبـديـل الجـلـود



وإخفض جناح الذل وإن شفت الخطا قل ماأهونه
لأن الخطـا لـه خيـل سبّـق فـي نواصيهـا جـنـود



صفق بدون إحساس وأستشهـد بخـرس الألسنـه
وإقنـع بمـا يملـى عليـك وصافـح الـكـف الحـقـود



وتـــداول الأيـــام بـيــن الـنــاس عـلّــه مـزمـنــه
يفرح الأبن في موت إبوه ولو بكى بين الحشـود



والأخ يكشـف سـوء أخيـه وفــي غيـابـه يطعـنـه
والدم تحول ماء وسوق اهـل الوفـاء صابـه ركـود



فـي واقـع الأحسـاس ماتصحـى العقـول المدمنـه
الـلـي تـمـازج موتـهـا مــع واقــعٍ كـلّــه جـمــود



أشفق على الأنسان كيف أصبح غريـب بموطنـه
مابيـن تخويـن الضميـر وبـيـن تبصـيـم العـهـود



ضربت على الفكـر اللبيـب أصنـاف ذل ومسّكنـه
ليـن أصبـح الفكـر اللبيـب يعانـي آثـار السـجـود



هل ينفع السانـي كـلام الزيـف وإن قلـت أحسنـه
وهل يتعض بعض البشر من تجربة عااد وثمـود



نـفـرح ونـطـرب كلّـمـا مــرّت عليـنـا مــن سـنـه
وأعمارنـا تطـوى وكـل اعضائنـا تصبـح شـهـود