حيهم
اسعد الله اوقاتكم بكل خير
قدر الله علي وطلع ترشيحي في المنطقة الشرقية
بالرغم انها من خياراتي الاخيرة
وجيت اقابل وشفت المناطق الي محتمل اكون فيها ومسكت راسي
( الدمام الخبر القطيف سيهات والنابيه الصرار الرفيعة قرية العليا عين دار صفوى والظهران والجبيل دارين ذعبلوتن هذي على حدود عمان في الربع الخالي راس تنورة ...... الخ )

ما اكذب عليكم اني من الاربعاء لليوم ونفسيتي في الناااازل
لدرجة اني ماترشحت من الاساس

مع العلم اني من الرياض وعندي طفلين ولد يدرس وبنت عمرها سنه
وزوجي ماراح ينقل ، فقط بياخذ اجازة شهر واحد فققطط لحد مايرتب اموري

وماعندي لا ام ولا اب ولا اخوان
فقط اخوات بنات وكلهم موظفات

سؤالي
لو انسحبت من الوظيفة وش يلحقني من ضرر ؟
ولو حصلت واسطة تنقلني هل ممكن انتقل بمجرد ما اباشر او ع الاقل من اول شهر ولا لازم بعد سنه ؟
ولو جبت خطاب يثبت ان الي يعولني مايقدر ينقل عمله عندي وانه الوحيد المسؤول عني وعن عيالي هل بياخذون فيه ؟
طيب لو هو قدم لرئيسه بالشغل خطاب يستلزم اما انتقاله لي او انه يجيبني له يقبل؟
طيب لو خاطبت وزارة التعليم بصعوبة ظروفي بياخذون بها ؟
ياجماعه طيب لو دفعت مبلغ لشخص ما هل بينقلني؟
ثانيا ابي احد يفكر عني لأن راسي ماعاد يفكر من هول ماحصل
سنعوني
فكروا لي
دبروني
انصحوني
وجهوني
قبل افقد مابقى لي من عقل

ملاحظة هااااامه : لا استحمل اي لوم رجاءاً

صباح الورد

ياعسل يا امووله

الحياة صبر

نصيحة لاتتركينها ابدا ولاتنسحبين


الامر اوله صعب ومر

بس تاليه سهل وحالي

مطلوب منك الصبر بس وهالفرصة مرح تتكرر صدقيني

لاتفرطين فيها

والواحد مايضمن ظروف الايام الجاية

اصبري واقبلي


الله يسهلك

وعليك بالاستغفار والتوكل وحاولي تبسطين نفسك

ولاتفكري كثير

وبالنهاية الشرقية قريبه من الرياض (:

بالتوفيق

انتِ من عنوانك قلتِ أنسحب أو أواصل ..
أنا اقولك واصلي واستعيني بالله وباذن واحدأحد ماتندمين ..
الله يسخر لك الطيبين والطيبات ..

الله يعينك ويصبرك ,,

ربي يسر أمرك وهاذا رزقك ربي ساقه لك توكلي على ربي وواصلي هاذا مستقبلك إلي ناضلتي عشانة وشوفي كيف ربي أكرمك ورزقك بلوظيفة بتوفيق وربي يرزقني ويرزق كل البنات المتخرجات اللهم آمين.....

قلبي اصبري وبـ إذن الله فتره وتقولين الحمد لله عدت بخيرها وشرها
الله ييسر كل أمرك وكل ما تخشين ويذهب حر قلبك ِ وقلبي
اللهم بك نتوكل وبك نستعين ع هذه الوظيفة والغربة

شوفي حاولي تدبرين امورك

وانا والله عارفه المشكله خصوصا اللي عندها اطفال

ماتدري وش تسوي

لكن اذا اعتذرت انا اشوف مافيها شيء قياساً بوضعك وظروفك الصعبه

لا ن وظيفتك بتاخذها اخت لك محتاجه للوظيفه

وانتي الله يعوضك خير

لاتتركينها .ان شاء الله تتسهل امووورك .

نصيحة من أخت مجربة


قبل اثناعشر سنة جاتني وظيفة في حائل وأنا من المدينة فرفضت

تخيلي بعدها جلست أثنا عشر سنة دون وظيفة وأنا الان مترشحة في حايل

وما صدقت أنها تجي كان من أول قبلت الوظيفة ....!!


فاقول لك واصلي وخذي الأمور ببساطة ودون تعقيد وتفكير

صدقيني تتسهل الأمور بشكل ما تخيلينه .........

وبعدين نحن في بلدنا ونرفض الوظائف

والنساء يأتون من الخارج يبحثون عن الوظيفة ..!!
فبلدك الحقيقي ما يكون فيه رزققك

ومبسوطين وعايشين في احسن حال ........


نصيحة اقبلي هذه الوظيفة وخذوي الأمور ببساطة

توكلي على الله وواصلي كلها بتيسير الله سبحانه وتعالى اما انك تتركينها انتبهي والله يكتبلك الطيب