السلام عليكم
توضفت علي مسمي مدخلة بيانات حابة اعرف وش المهام الي اقوم فيها
والبرامج الي اشتغل عليها

ياليت الي عندة خلفية عن هالموضوع يفيدني

[COLOR="DarkOrchid"]مبرووووووووك بالتوفيق لكي اختي

صرآآحه ما عندي معلومة يجي مين يفيدك ..[/COLO]

وعليكم السلام

هلا وغلا خيتي مبااااااااارك الوظيفه عساه فاتحته خير عليتس و يكفيتس شره

المهام اللي عليتس و بحكم أنتس مدخله بيانات بس قبل بالله علمين وين صرتي يعني بمدرسه و إلا شركه ؟؟

إن تسانتس بمدرسه اللي عليتس نظام نور وهذا نظام متصل مع وزارة التربية والتعليم ويكون معتس يوزر خاص بالمدرسه و تكون سريه ما أحد يطلع عليه إلا أنتي بحكم أنتس مدخلة بيانات ..

وحتى تستوعين هالنظام به منتديات خاصه لنظام نور سوي بحث أبد بتلقينه ..
و حالياً فيه دورات في نظام نور الدورة مدتها شهر بالشهادة لكن بأسبوع ويمكن أقل تعرفينه بسهوله ..

بعض المدارس لازالت تستخدم برنامج معارف و هو برنامج يحمل على جهاز المدرسه و سهل التعامل معه لأبعد حد مهنا تعقيد ..

عندتس ملفات الطالبات أنتي المسؤوله عنه و هنا مستقبل البنات يلزم عليتس المحافظة والسريه ..

هذا اللي أعرفه وسلامتس ..

بكل الاحوال اما برنامج خاصة بالمنشأة , او احد برامج مجموعة Microsoft Office (الاكسل ,الاكسس , الوورد)

المسألة سهله جداً ولاتحتاج معرفة دقيقة لتفاصيل البرامج مع الممارسة تكتشفي البرنامج المستخدم أكثر وأكثر.

وبالتوفيق لكم وعلى البركه .