السلام عليكم يا شباب اخباركم ان شاء الله انكم بخير .. بدخل بالموضوع الله كتب لي القبول في الجيش واستخرت الله وداومت طبعا الرتبه حقتي جندي اول ع رقم صحي لاني علمي المهم معي اخوياي مثلي مستجدين يعني ما اخذو دورة فرد اساسي وربي اني طحت في اوصخ وحده تخيلو يا شباب يبون يسلموني خفاره وانا ما معي فرد اساسي وانا توي مداوم مالي اسبوع وربي اخوياي الي معي يستلمون قبل شوي واحد مستلم ما خذ السلاح واقف عند موقع الخفاره ؟؟ انا مستغرب صراحه من قايد السريه ما يخاف من قايد الكتيبه ما يخاف من قايد الواء ولا في اوامر بشئ هذا انا صراحه مصدوم والله ياشباب اافكر اني اتركها قبل يختمون بطاقتي

خلك مع اخوياك ،،،، استلموا استلم ،،،

انت في اي سلاح لو تكرمت

في اي سلاج ي اخوي . اذا كان سلاح الاشاره معروفها كلها خفارات . بعدين ي رجال وقف ع خفاره وش خسران كلها كم ساعه وتروح اذا ما وقفت ع خفارهـ كيف بتحمل الدورهـ.....؟

انا تبع السلاح الصحي يعني تمريض وانا مامعي تمريض بس من شان شهادتي علمي كيف يا اخوي استلم خفاره وانا جديد ما اعرف شي في السلاح ولا اعرف اطخ ولا تعلمت

يابن الحلالت وش تبي بالسلاح تعرفه خلك ماسكه وبس والله ماحولك احد

وامسك وظيفتك ترى الانسحاب هذا مب حل .. انا عاطل لي خمس سنوات ياخوي

والوظايف شحيحه في هالوقت .. استغفرالله واتوب اليه بس

مسافر بسيكل ..بعد التحيــة
وفقك الله..
أبي استفسر منك كيف سجلت وش طلبو منك من أوراق
لاني ناوي التسجيل ب الجيش..
معي ثـانوي علمي ورخصه عمومي نقل ثقيل ودبلوم حاسب 6 شهور
لو تستفسر لي ولا هنت..
ابي استخبارات ولا شرطـة عسكريه ولا مكـاتب..
لي يومين بها المواضيع والشباب ما قصروا .. وأتمنى الآفــاده منك وششكرا
ان شاء الله فهمت علي
وأتمنى أني أعرف شي وأخبرك بسس انـا ما عرفت طريقة التقديمّ

زي ماقال لك عاطل ... امسكه بس كذا زينه ههههه زعم انك ابو شهاب ههههههههـاي ي رجال ما حولك احد .
ي رجال نصحيه من اخوك لا تتركها والله راح تندم انت شايف الوظايف بطلوع الروح بتجي والله انا عاطل 4 سنوات
ولا حصلت شي مغير تكوات بالكزونات وشيشه مغير اني مقدم ع سلاح النقل سائق ومستنى تعيني
انا لا اعرفك ولا انت تعرفني بس نصحتك كذا وش استفيد لو توظفت باخذ من راتبك مثلا ي رجال والد عمي بسلاح الاشاره اول ما اتعين كرفوه كرف بالخفارات لمن زبط وظعه والله يدوم الساعه سته ويروح 11 يعني اصبر وبعدين ترتاج اخوي .. ي رجال فكر بعدين تجيب موتر عدل وما تطلب احد وطقها جيزهـ ههه
اسف ع الاطاله اخوي :**:

ياخوي تعلم الدنيا تجارب

اركد وانا اخوك اركد هذه رزقك لا تتركه والله يوفقك بحياتك