01-06-2012, 02:41 AM
|
عضو نشيط
|
|
تاريخ التسجيل: May 2012
المشاركات: 144
معدل تقييم المستوى: 26
|
|
اقتباس:
المشاركة الأصلية كتبت بواسطة مهاجر جنوب
طيب اخوي الحارث وش رايك اذا رحت النعيريه او الحفر وجلبت تيوس او خرفان بالجمله وابيعها في اي سوق ثاني جمله بربح 30 ريال هل تتوقع انه شي ممتاز والا فيها خساره لي
|
السلام عليكم
اول شي اهنيك على الفكره وليت كل من عنده ونيت وبيك اب انه يبدا يشتغل
شوف يالغالي لو درسنا شي من الموضوع
الارباح
30 قيمة ربح الراس * عدد الروس 10 = 300 ريال
المصروفات
قيمة البنزين رايح جاي توقعاتي 50 ريال
الأرباح - المصروفات = الصافي
300 - 50 = 250 ريال
هل تشوف ان 250 ريال تجزي تعب السفر ؟ وهل تعرف صاحب حوش غنم تتعامل معه ؟
طيب فكره ثانيه :
روح للحوشه بسوق الغنم واستاجر اصغر مساحه عنده وقولله بعطيك بالشهر 300 ريال بشرط انك تعلف الخرفان وترعاهم .. طبعا فيه كثير يأجرون بهذي الطريقه
المهم تروح ايام الاسبوع من السبت الى الثلاثاء اشتر اللي يرغبونه الزباين هرافى نعيمي مثلا وتجمعها بالحوش وتبيعها يوم الخميس والجمعه وهم بحوض الونيت بشرط انك تبيعهم بنفسك لأني سألت المسؤول عن السوق عن البيع قال مو مشكله انك تبيع بالساحه بنفسك بشرط ماتجيب اجنبي المهم تبيع هناك ... واذا لك خاطر تشتري من سوق الغنم اللي بالنعيريه ترى فيه سوقين انصحك باللي عند اللي يبيعون السمن والأقط لانه ارخص واللي تبعد عنه السوق اللي عند المعارض الجديده
ونصيحه مني قبل لاتروح للنعيريه وتشتري باشر سوق الغنم اللي بالدمام من فجر يوم الجمعه الى الضهر ومن العصر الى المغرب اضن حتى الخميس عشان تعرف الاسعار وهذي اهم نقطه عشان تعرف بكم تشتري مناك
وفيه طريقة التعاقد مع المطاعم وصالات الافراح زي ماذكرو الذيابه تراها طيبه حتى لو تطبع لك كروت شخصيه باسمك ورقم تلفونك
على فكره ذكرتني اليوم فتحت المبوبه واشوف واحد حاط اعلان اسمه ابوجراح كاتب توصيل ذبائح للمنازل (نعيمي - عربي - تيوس عوارض - بلدي ) بــ 1500 ريال
وهذا الطريقه يقدر يسويها اي شخص حتى لو ماعنده بكب سهله
الله يوفقك والله اني اتمنالك كل خير ورزق .. وابيك تدعيلي معليش كثرت عليك
|
العرض المتطور
