السلام عليكم ورحمة الله وبركاته

كيف حالكم

اولا بعرفكم على نفسي عشان تكونو في الصوره

انا مبتعث في امريكا تخصص ادارة اعمال طبعا قلت مالي الا البعثه عشان احصل وظيفه زي الناس

لكن مثل ما تسمعون المبتعثين يرجعون ولا يتوظفون وفيه ناس تخصصات كيمياء وتوابعها ولا توظفو يعني بتوظف انا بالاداره طبعا جتني تكه قررت الغي البعثه وارجع لاكن يبي يصير الحال ارداء سمعت عن موقع رياده كان ببالي مشروع مؤسسة نقليات سمعت ان دخلها جامد طبعا موقع رياده يرفض انه يدعمني في النقليات يقول بنك التسليف وبنك التسليف دخلت موقعهم ولا اخذت منهم لا حق ولا باطل المهم الحال ما يعلم بها الا الله وانا كنت جايب العيد بايع سيارتي والحال الحمد لله ميسوره

طبعا الحين بالراس مشروعين ولا عندي خلفيات عنهن كثير الاول النقليات والثاني مطعم

ابغا اشوف كم يكلف وش العوائق الي بهن طبعا المطعم لو بفتحه بيكون يا فالرياض او مدينه كبيره
لان شفت مطعم في امريكا ما شاء الله دخله مجنون مطعم مفتوح الغداء ب 6 دولار والعشاء ب 10 دولار طبعا اغلبه مؤكولات بحريه وانا عجبتني الفكره هذي

فا ابي الله يطول في اعماركم مشوره في المشروعين كم راح يكلف طبعا انا لو بسوي بسوي واحد شورو علي وش الافضل

واسف على الاطاله والسلام خير الختام

آول شي عسى الله يوفقك يارب ويكتب لك آلخيره ودروبهإ،،
وثآني شيء آذآ عندك فكرة للمطعم وأهم من آلمطعم وتفكيرك فيه هم "ألعماله" اذا توفرت بشكل ممتإز ف، ب آذن الله مطعمك رأح يكون ناجح بس اهم شي العماله ألنظيفه والشغل النظيف هذأ اهم شي في المطعم وأنصحك ماتكون خدمة توصيل الطلبات مثل المطاعم الي نشوفها الحين تاخذ من ساعه الى ساعه ونص عشان طلبك يوصل حاول أنك توفر عماله توصل الطلبات حتى لو بدبـاب أهم شي الطلب يوصل بسرعه والشغل يكون نظيف وبالتوفيق آن شاء الله

وعليكم السلام والرحمة

من وجهة نظري القاصرة المطعم ارباحه مذهلة لوتشوف يااخي الي ببدي بمشروع مطعم صغير وبنجاحه يكبر واتصير له فروع وع حسب انت تبي مطعم شنهو وجبات سريعه مثلاً لو تفتح مطعم بخاري لو مطعم هندي لو صيني سويت شوي بحث لقيت يكلف والله اعلم 200،000 <<<اتوقع اكثر

ان شاالله الاخوان يفيدونك هم اخبر واتمنى افتدتك وبالتوووفيق يااخي


تحياتي

يعطيكم العافيه شباب

بس معقوله المطعم افضل من النقليات

بالنسبه للعماله وش الافضل

وهل تنصحوني بمعطم عليه القيمه في مكان فخم ويكون عوائل او محل شاورما

ويا اخوي 200 الف شامله كل شي

وانا سمعت ان لو اجيب تركي لشاورما واخليه بالنسبه يطلع لي ذهب

النسبه معروفه لاكن وشلون يبي يستخدمها على مطعم

شكرا

قبل كل شي استخر ربك

الله يوفقك يارب

يعطيكم العافيه اقصد في مؤسسة النقليات

تريلات سوا كانت تريلات لنقل المويه او تريله لنقل الحديد او المعدات الثقيله

نصيحه لاتلقي البعثه كمل وشد حيلك واذا جيت ومالقيت وظيفه ذاك الوقت فكر في المشاريع

اسمع مني محلات البرجر محبوبة كثير عند الشعب

خاصة اذا اخذت تصريح انك تفتح لوقت متأخر يجوك السهارية اخر الليالي

ودائما واكب الشهور يعني في رمضان اعتمد في العصر على السمبوسة والكبة ومعجنات

وفته بالتمر ( فطير مع تمر وسمن قشطة جبنة )

وفي الليل عاد ترجع للبرجر والبطاطس

ايام المدارس سوي وجبات للطلاب مثلا عليها عرض بعشرة او 15 ريال

مكونة من برجر وبطاطس وعصير

الله يوفقك يارب ويوسع رزقك