السلام عليكم ورحمة الله وبركاته

مساء الخير حبايبي ... الله يخليكم عندي مشكلة بسيطة ابي حل لهاا وعرفت انا مشكلتي بالعسكرية اني ليه ماتحمل وتركتها ابي حل لها اللي هي:-

1- الضغط النفسي 2- التفكير بأهلي بس

هذا اللي يذبحني انا ابغى حل له اما من ناحية لاكرف والجزوات العسكرية خذ رجـــــال مايهمني

لاكن اللي يذبحني ويخليني ماتحمل الشيئين 1- الضغط النفسي على طول نفسيتي تصير زفت لو شفت احد يستهبل علي ومسووي نفسه انه كنق وخااصة المدربين اما الطلاب ربعي وكلنا يمكن نفس الحكايه

2- التفكير بس بأهلي تجيني حاله نفسيه لو ابطي عنهم اسبووع يجيني هباااال

كيف ياحبايبي اقدر اتخلص من هذا الشيئين وربي البيت ينااس صارت هااذي مشكلتي سبب اني ماكمل ابي حل لهاا وكيف اقدر ما افكرر او نفسيتي ماخليهاا على طوول تضرب عند اي موقف

اما من النواحي الثانية كررف ومدري ايش جزوات لا خــذوا رجــال ماهمني


الله يخليكم هاذي مشكلتي

الله يخليكم ابغى حل منطقي وبالعقل للي فاهمين بصرااحه ربي يوووفقكم ويوفقني

اول ياخوي حط في بالك شي انت بتدخل الدوره

فتره وبتطلع وبتعيش حياتك تروح وتجي مانت بتقعد سنين وماتشوف اهلك

ثاني شي انت بتدخل الدوره لاتقعد بالحالك تقعد توسوس وافكار توديك وافكار تجيبك

تعرف على شله زكرتيه وخذ الدعوه فله ووناسه

واذا قدرت دخل معك جوال وكلم على كيفك او حط شريحه معك

بتلقى غيرك مهربين جوالات.

وصدقني ماقلت هذا الكلام الى لأني جربت الشي هذا بتجيك نفسيه الاسبوع الاول وبعدين بتزين الامور

يا اخوي اول شي مادام والديك راضين عليك سلم عليهم واودعهم الله وبعدين كلها فترة كم يوم ثم تجيهم وبعدين جيتك لهم تبي تفرحهم فرح كبير احمد ربك انهم بخير وانهم معاك واخوانك موجودين عندهم مو لوحدهم

والضغط النفسي مو معاك انته بس كل واحد بس بعضهم صدره وسيع ما يهتم بالكلمه الطايرة بعضهم يحب ينرفزك بس انته خلك عادي طنش من البداية والمثل يقول الورع اذا اعطيته وجه اخذها حلا يعني اذا واحد بينرزفك طنش خل صدرك وسيع لا تهتم بأي كلمه واذا شفت طولها عطه كم قاف يعدم وجه والله واحد من العيال يقول جنن الطلاب بالدورة السانه والله سم بس ما يخطي على احد بس تخطي عليه وتقثه والله يعطيك من العيار الثقيل يقطع وجه وانته خلك مثل القنبلة خله يقول اللي براسه ثم فجر فيه بكلمتين يبلع السانه

الله يعينك ويوفقك من الي ينسا اهله هذا مو صاحي

اتكل على الله والاهل في حفظ الله صعبه الواحد ينسى اهله

بالتوفيق للجميع

خذا الدعوه وناسسه وفلهه

وزي ماقالو زبن لك جوال وكلمم اهلكك

وكلها مسئلة وقت يعني وهذا مستقبلك ورزقكك

يالله عوافي وعقبال مانشوفك متخرج من الدوره

عبودي طفشت بقولك حاجه وحده واذا انت فهيم بتفهم كلامي زين

مافي احد راح ينفعك الا فلوسك والوظيفه الي انت بتدخلها ترى في مئات الالف يتمنونها

وهالوظيفه هي الي بتجيب لك الفلوس وكل ما تبيه في الدنيا وتعزك في الدنيا وتخليك فوق

تذكر كلامي هذا زين وصدقني بتصبر لو البعد سنين
بالتوفيق

اذا تبي تعيش زي خلق الله بيت وسيارة وعروسة حلوة لازم تصبر على الاموار الشباب ماقصرو افدوك بالتوفيق

الله يوفقك
اولها حديد واخرها حليب
شيل الافكار من راسك
حنا بنات درسنا وتغربنا بعيد عن اهلنا 4 سنواااات والحمدلله
وانت رجاااااااااال

تعوذ من الشيطان
استغفر ربك وقبل توكل على رب العالمين
وهذا اهم شى
والله يوفقك