العجااايز انسوا يقاعدونهم الحين
شكلنا بننتظر وبنخلص حافز وبندرس ماجستير ويمكن دكتوراه ونمووت والعجايز متمسكيين بوظايفهم
بس مو ذنبهم
المفروض يقاعدونهم ويعطونهم رواتبهم كامله ومعاها كرسي متحرك مجانا او عكازه <لوووووول

اقتراح موفق بس ياليت لو فيه اذان تسمع وتنفذ ... هم مايبون يحلون المشكله اساسا

المفروض يسون دراسة استرتيجية عاجله لحل هذه المشكلة مدتها 3 سنوات ...وقانون ونظام خاص للتوظيف


واول بند فيه ...

التقاعد الاجباري ... للي مدته عملها في سلك التعليم 25 سنة وفوق ... بكذا راح تنحل المشكله خلال سنتين من القرار...
يعني صراحة ما يصير ياخذون زمنهم وزمن غيرهم .... شوفوا دول الخليج المجاورة وقلدوهم اذا ماتعرفون تسون قرارات (( استغفر الله ))

بنات تصدقون او ماتصدقون


المدرسة الي جنب بيتي فيها عجايز من سنة جدي

والله يكسرون خاطري <<<-- الا والله انا اللي اكسر الخاطر

رواتبهم صاكه الــ 25 الف طب خلاص جدتي ارتاحي ببيتك وريحي
يا بنات تخيلوا اعرف طالبة تدرس عندهم شرح ودروس تقليدية تذكرون ايام الطباشير نفس كذا
لا وطول الحصة جالسه ... اي استراتيجيات تدريس اي اثارة دافعية الطالبات اي بطيخ


يارررب عفوك والله مو حسد بس خلاص عطوا فرصه للاجيال الي عفنت بالبيت

لازم يكون التقاعد اجباري يعني موب حرام وحدة توها متعينة بجدارة صار عندها احفاد سلامات


الله المستعان بس

.

اقتراح حلو
بس مين الي ينفذ القرار

اقتراح جيد ذكي لكن مين اللي راح يسمعه ويطبقه

انا متخرجه من سنة 1422ه ومنثبرة في البيت وطلع اسمي من المرشحات وفرحت وياليتني مافرحت


فرحتي طار بها الحمار ماجاني تعيين وبغيت اموت من القهر لكن في النهاية مانقول الا الحمد لله يوجد عندنا نعم كثيرة وهي نعمة الاسلام والحجاب ولأمن والدنيا ماراح تنتهي اذا ماتوظفنا لازم نواسي انفسنا بهالكلام

(وعسى ان تحبوا شيئا وهو شر لكم والله يعلم وأنتم لاتعلمون )

وهذا اختيار الله لنا وبإذن الله تتحقق احلامنا بالتدريس في مدارس حكومية ونبارك لبعضنا البعض ..

^
^
ليه تواسين نفسك ... لا ياختي طالبي بحقك .... ماضاع حق وراه مطالب ....وش استفدتوا من السكوووت .... شوفوا السنين كــــيف مرت عليكم ... بسبب سكوتكم جميعا يالقديمات!!
اجل الموظفات عجزن على الكراسي وانتم بالبيووت ... ليه وش فايدة التعب والدراسة وسهر الليالي والتعب خيييير شيء يقهر... وتلقين اغلب الخريجات جامعيات ومعه دبلومات وماجستير ودورات ... والمعلمات السابقات(( العجز)) مامعها الا معهد اعداد معلمات والا كليه

واصلا جدارة والخدمة المدينة خططهم لتعديل الوضع فاشلة جدا.... والدليل اسقاط الخبرات والدورات ولا والمطالبه بالتربوي
كل يوم يطلعون لهم عثرة في طريق الخريجات (( حسبي الله ونعم الوكيل ))


وحاليا القديمات زاحموا حديثات التخرج على الدبلوم التربوي لدرجة دخلت فيه الواسطات وهو بفلوس مو حكومي .... الصراحة اوضاع تخبطية... وش هالحوسة فيه شيء غلط والا وش رايكم !!!!؟

ماشاءالله الاخوات كفو ووفوا بهدا الموضوع والله يكتب لنا الخير ويشملنا الترشيح كلنا ان شاءالله ويارب يوصل هاالكلام للجهات المعنية ويشوفون معاناة بعض الاخوات وباالاخص القديمات مره اللي من عام 1417 لجميع التخصصات ويبدون بحصرهم واستحداث حلول عاجله لهذا التكدس حتى لايصل الحال بحديثات التخرج حاليا وفي السنوات القادمه ويعانون نفس المعاناه
انا خريجة عام 1425 والله لما شفت الاقدم رضيت بلي الله كاتبه لي لكن لايمنع ان نسعى باالاسباب والله كريم

يعني حتى التخطيط نخطط عنهم ..!

لو شايلين هم العاطلين ولا حاسين بحاجة الناس للوظايف كان مافي عطاله

لكن كلن منهم ضامن نفسه ومأمن مستقبله وعياله ليه يهتمون بالشعب

اللي له واسطه يعيش واللي ماله يبلط البحر وينتظر متى بالغلط يجيه الدور