السلام عليكم ورحمة الله
يااخوان ارجو الافاده تكفون

انا قبل 6 شهور مسكتني الشرطه وكنت في حاله سكر ومعي قارورة مسكر
اخذوني للتوقيف وطلعت بكفاله
قبل شهر اتصلو علي وقالو حضر بالقسم رحت لهم وحولوني على المحكمه وحكم الشيخ 100 جلده (80 حد مسكر 20 مدري حقت وش)
تنفذ الحكم وانا الحمد لله تبت من ذاك اليوم

هذا كله مو مشكله المشكله اللحين ابي اقدم على الامن العام هل قضيتي هذي تمنعني من الوظيفه؟؟ وهل تسجل سابقه؟
افيدوني لو سمحتو

أولاً اهنيك انك تبت فمن تاب تاب الله عليه والله غفور رحيم والمعروف أذا كان أول ملف لك مايتسجل الابعد ماتحدث لك في المره الثانيه تحسب سابقه والله أعلم الا اذا كان صدر صك حكم لك وتم تبصيمك بالعشر فهي المعروف 5 سنوات وتنزل عنك اتمنى لك التوفيق

شوف يابعدي اذا قال لك الشيخ ٨٠ جلده حق الحد

و٢٠ الثانيه قال سببها هذا يعتبر حد وبكذا تكون سابقه

لكن اذا قال لك حكم عليك ١٠٠ جلدة بدون لايفصل بينها

هذا حكم عادي ولا يحسب سابقه

طبعاً قبل اسبوعين انمسك عسكري اعرفه وحكم عليه. حد السكر

ولكن الشيخ زاد ضربه حتى لايتسبب في فصله

فاذا قال لك ١٠٠ جلدة تعتبر عقوبه وليس حد لذالك ليست سابقه

هذا الي اعرفه والله يوفقك

الله يهديك ويغفر لك اللي راح
طال عمرك انا اللي اعرفه المسبقة لها مده تقريبا 6 اشهر او سنه على ما اعتقد ثم تلقى واذا مسبقة واحده فقط ولها وقت طويل ان شاء الله ما تضرك

وعليكم السلام

اخوي السابقه عشان تتسجل لازم ياخذونك الى الأدله الجنائيه وتبصم بالعشر وتصور صورتين للوجه عندهم. بالحاله هذي تكون سابقه
واذا اخذوك الى الأدله الجنائيه وسجلتها مراح تمنعك عن اي وظيفه عسكريه او مدنيه لأنها بتكون اول سابقه ومراح تضهر ببرنت البصمات يعني كأنك ما عندك سابقه لاكن ! اذا سويت شي ثاني مره راح تتسجل عليك السابقه الثانيه وتضهر في برنت البصمات وراح يحرمونك من الوظائف العسكريه والمدنيه مده لا تقل عن سنتين
اما السابقه الأولى ما تمنعك عن شي ( كفرصه اخرى للتوبه ) والرجوع الى الطريق الصحيح يعني قدم وانت مرتاح
والكلام هذا انا متأكد منه 100 %
وبالتوفيق لك ...

تحياتي

لا أخوي ما تتسجل مسبقه لك وراح تقدر تقدم بأي وظيفه حكوميه سواء مدنيه أو عسكريه
وأتمنالك كل التوفيق يارب

مشكور اخوي ريان بيض الله وجهك يالشمري
بس انا سمعت ان المسكر المره الرابعه تتسجل سابقه صحيح هالكلام؟
وثاني حاجه انا بصمت وصورت داخل القسم لما انجلدت هل فيه مشكله؟

أووووووووما للمره الرابعه ؟؟ الله يصلحك يارب ويهديك .. لاحول ولاقوة إلا بالله