اخواني الاعزاءابي استشيركم انا انسان اكره الشكاوئ ولكن شخص اجبرني على اني بقدم شكوئ فيه
بعت سياره لشخص من طرف قريب لي وبالبدايه باين عليه انسان طيب ولكن استخدم السياره لمدة سنه ونصف وبدون نقل وكل يوم يقول بكره وبعده ومن هالكلام المهم فيوم اتصل علي وقاعد يحلف ان السياره تعبت وخربت الماكينه ومايبيها قلت طيب وتقابلنا عند الورشه اللي كان مسيب السياره عندها المهم قال الاستماره بالبيت وبجيبها بكره بس خلينا نتفاهم على المبلغ المهم هو اشترها ب 6000 وطلب ارجعله نصف المبلغ بالتراضي بيننا وكل يوم اتصل عليه ويطنش اتصالي واخرتها يقولي ماني معطيك الاستماره لعانه ورحت ابطلع بدل فاقد طلعت تكلفني فوق قيمتها وانا قررت اني اشتكيه المشكله ان البيع والشراء شفهي بدون مكاتبه وادري انها غلطه بس هذي الثقه العمياء وانا ماني مسيبه لو مشاكل ابيه يجيب الاستماره بالطيب والا بالقوه شكلي بالتهمه بالسرقه ابي حل قانوني وشكرا

الله المستعان ليش كذا الله يهديه على العموم ياخووي شوف دام انك بعت شفهي وما حد داري مالك الا حل واحد
انك ترجع تكلمه في الجوال وتسحبه في الحكي وتسجل الكلام وقدم شكوى عليه والله هذا الحل اللي عندي اتمنى اكون ساعدتك

مساء الخير

أرسل له رسالة أنك تبي تتفاهم معاه باأسلوب ودي وشف هل بيرد عليك ولا لا

اذا مالقيت حل بالصلح
تقدم شكوى في المحكمة العامة بمدينتك بشرط ان يكون هو ساكن في نفس المدينه
وترفع شكوى اسمها مطالبة بمستندات رسمية

اولاً في ورقة مبايعه بينك وبينه وشهود على البيعه
2- تحدد المدة التي يتم فيها النقل اذا كانت مباعه خارج المعرض

في الحاله هاذي الا تشتكية وقبل ان تشتكية شوف احد من معارفه فيه خير يحل الموضوع او من يمون عليه او اخوه لان الشكوى راح تطول شوي

اسقط لوحتها عند المرور بحجة انها غير صالحه وبيعها تشليح وانتهى
وخلي العبط ينفعه