السلام عليكم ورحمة الله وبركاته

الاخوة الافاضل
يقول المثل مايخدم بخيل وانا اليوم اطلب اي واحد يدلني على افضل موقع لافتتاح موقع لكوفي قهوة عربية بشكل خاص او كوفي شوب بشكل عام ويفضل في شرق الرياض وحقه محفوظ في حال كان الموقع موافق ومناسب


مع العلم بأنني ابحث عن اكثر المناطق ازدحاماً بالعزاب

ولا استغني عن الراي السديد
تحياتي وتقديري

شرق الرياض عندك منطقة الشيخ جابر احسها مناسبة دور لك محل مناسب
او بالثمامه
عندك كمان بحي الروابي عند منتزه وممشى محمد بن القاسم هذاك موقع حيوي فيه كوفيهات ومحلات عصاير وعليهم زحمه

شرق الرياض في مكان حيوي مليان ناس وزحمه وسكن عزاب بس المحلات التجارية قليلة طبعا مثل المطاعم المشهوره والكوفيهات الراقيه اللي هو الحرس الوطني واللي حوله المستشفى الكبير او سكن العزابية القريب من الصناعية

هذا اللي اقدر افيدك فيه وبالتوفيق

فيه كوفي شوب ..

في النهضه وقريب منه شقق عزاب ..

وصـاحبه عارضه للبيع ..

وللأماانه صاحبه ذو خلق ومحترم جدا << ولد عمّه ^_^

اذا ودّك اعطيتك رقم جواله وتاخذ العلم من راسه ..


لكّ وديّ

أبد يالذيب ، دندن

< عزوبي متنقل في شرق الرياض

إذا ودك ، ارسل لك جوالي بالخاص وأمرك بكره العصر بإذن اللـه وأوريك مناطق العزاب اللي بشرق الرياض كاملـه دامك رجال جاد وصامل وتبي تفتح مشروعك ، بساعدك وماابي منك ولا ريال ..

الرأي راجع لك ، بالتوفيق ..

الله يوفقك اخوي وانا مع الاخت انثى اليمامة بخصوص مناطق اشبيليا وطريق الشيخ جابر

دام انت تبي شرق الرياض ،،
انصحك تروح عند كلية المعلمين ،، >> طالب فيها ..
بالضبط شارع الــزبــير بن العوام ،،
مع ان فيه اكثر من كوفي لكن مع هذا غالباً تكون مليانه ،،
لان دايم الطلاب عندهم بريك .. وفيه طلاب عزوبيه ساكنين عند الكلية ..

افضل مكان هو التحلية

بالتوفيق