السلام عليكم ورحمة الله وبركاته
لطالما سمعت حوارات ونقاشات تتمحور حول النادي الرياضي المفضل في السعوديه وبعد تجارب عده لمعظم النوادي قررت ان انضم لهذا النادي ((بودي ماسترز فرع بريده )مما سمعت عنه من تفوق في كل شي بالخصوصيه والاهتمام والراحه للأعضاء ولكن للأسف بعد انضمامي بمدة اسبوع فقط حصل مالم يكن بالحسبان حيث وجدت صندوق الامانات الخاص بي مفتوح وجهازي المحمول (سُرق) وبعد استدعاء موظفي الاستقبال لم يفعلوا شىءً سوا القول ربما انت لم تغلق الصندوق !! وبعد السؤال من المسؤول عن فتح الصناديق اخبروني بأن عامل هو المسؤول وانه قد فتح الصندوق المجاور لصندوقي تماماً ولم يفتح صندوقي وبعد محادثة مدير النادي الاستاد يوسف الراشد وبعد مماطلات وتعال بكرا وارفع لك طلب ومدري ايش من اساليب تبريد الموضوع اخبرني بأنه سوف يعوضني ب 6 اشهرر اشتراك عوضاً عن الجهاز المفقود وهو من نوع ( iphone 4s) وعند رفضي ومطالبتي بتعويض ومعاقبة المتسبب احضر لي المسؤول عن الصناديق وطلب منه الحلف بالقرآن انه لم يفتح الصندوق وهو يملأه اليقين بذلك وبعد الخروج من المدير تفاجئة برجل يسأل نفس العامل هل انت مسلم وقال له لا ثم قال الرجل انشاءالله قريب تكون مسلم ومن ثم اتضح ان امين الصناديق ليس مسلماً ماذا عساي ان افعل وماذا عساي ان اقول معقول لدرجه هذي وصل الاستخفاف فينا هل هذا هو الاهتمام اللذي طالما سمعت عنه هل هذه الامانه التي تدعونها لاحول ولاقوه الابالله العلي العظيم حسبي الله ونعم الوكيل اتمنى من الاعضاء ابدأ رأيهم حول والحلول اللتي استطيع من خلالها ارجع حقي حتى الاداره كلمتهم ولا احد يرد مافيه اهتمام للمشتركين نهائي


اتمنى من الاداره نقل الموضوع لقسم الفساد

مو مسلم ويحلفونه على القران
خير وش يحسوون فيه
الله يعوض عليك جهازك
طيب مافيه كاميرات مراقبه عند الصناديق؟؟
اذا مالقوا لك حل
استقعد للهندي بعد مايخلص دوامه وانتفه صفقه لين يطلع جهاازك بس اخاف مو هو اللي اخذه
الله يعوضك خير اخوي واقبل باشتراك 6 شهور احسن من لا شيء

مافيه كاميرات ويقولوا طالبينهم يعني صدقني الصندوق هو اللي فاتحه ١٠٠٪ مافيه غيره يعرف يفتحه والصندوق مفتوح مو مكسور وهو اعترف انه فتح الصندوق اللي جنبه مع العلم الصناديق مو مرقمه يعني شغلة توقعات ان الصندوق صندوقي ولازم اجرب صندوقين جنب صندوقي علشان اعرف وين صندوقي لكن القهررر كل القهرر كيف المدير الله يهديه يزكي العامل ولا شك فيه ولا واحد بالميه بالعكس شك فيني انا اني ماسكرت الصندوق انا ماراح اتنازل عن حقي مايكفي انهم سوو لي مشكله نفسيه من ناحية النادي وتعاملهم بعدين الجوال غالي والاشتراك حقهم ب ١٦٠٠ ريال ابي اوصل للمسؤلين عن النادي لازم يعرفون عن هالمهازل

اخوي مشكلتك تتعلق بين عميل ومنشأة تجارية
ايش علاقتها بمشاكل التوظيف

حياك اخوي سؤال ممتاز لما شركه كبيره توظف موظفين ماعندهم الكفائه لوظائف معينه هذا ماينعكس على العميل يعني مو ضروري انه يكون انا موظف وعندي مشكله الموضوع طرحته هنا لأني لم استطع طرحه في قسم الفساد وهذي المشكله كلها اسبابها سوء التوظيف واختيار الاشخاص الغلط في الاماكن الحساسه مثل العامل اللي مسؤل عن صناديق امانات وهو من الجنسيه البنقلاديشيه وليس مسلم في الاساس لما يجي المسؤول بالشركه ويوظفه في هذا المكان الحساس هذي مو مشكله في التوظيف ؟؟!

الموضوع اكبر من سرقه جهاز آي فون ، الموضوع اهانه للمصحف الشريف بالسماح لغير مسلم بمسّه والحلف عليه في استهتار واضح وصريح بكتاب الله عز وجّل ،،

خلي موضوع جهازك اللي راح على جنب واللي جاب الاي فون يجيب غيره ، وخلينا في الاهم والمهم اللي هو إهانه القرآن الكريم والاستهتار فيييه ،،

حاول التأكد من ديانه هذا العامل في الاقامه ، فاذا كان غير مسلم فارجوك ثم ارجوك ان ترفع عليهم قضيه اهانه المصحف الشريف ، اذا حقك اللي مايجي قيمته ثلاث الاف سبب لك قهر وغبنه وضيقه ارجوك لاتجعل حق الله سبحانه وتعالى هيّن وتسكت عن هذا الامر ارجوووووك

ولعنه الله عليهم لو كانو فعلا يعلمون ان العامل غير مسلم واجبروه على الحلف عليييه ، لعنه الله عليهم

ارفع قضية

رح اقرب مركز شرطة وقدم بلاغ وبعدين ارفعه للمحكمه وخل القاضي يحكم مشكلتنا مانعرف وش لنا وش علينا

لاحول ولاقوة الابالله

اشكرر لكم مروركم جميعاً اخوي سعودي بالاساس مدير النادي لما اصرر ان العامل ثقه ومستحيل يسرق او يفتح صندوق قلت له ايش الدليل وقالي اناديه اخليه يحلف بالقرآن لك وقالي بعدها (( وخلاص)) يعني كأنه يقول وتفكنا يعني اذا حلف مالك شي عندنا تطالب فيه وناداه وطلب منه الحلف لكن العامل مافهم اساساً الحلف هذا ايش وقال انا مايفتح صندوق وقلت للمدير خلاص باين انه عنده خفايا هذا العامل وبالنسبه للأخ اللي قال ارفع شكوى رفعت شكوى للشرطه والضابط سألني سؤال (تافه) قالي بعد مارفعنا الشكوى وسسو له استدعاء انت كم لك مسجل بالنادي قلت له اسبوع وضحك وقال بكل وقاحه طيب ليه انت اللي بس انسرق جوالك بالنادي يعني شر البلية مايضحك وواعدوني بعدها انهم يراقبون الجوال ومن الكلام اللي ماخوذ خيره حتى الاتهام منعني اني اتهم احد يقولي لو تشوفه يسرق لا تتهمه يمكن يشبه له لكن قدم شكوى واترك القانون ياخذ مجراه (قصده ياخذ نسيانه ) صدق مستحيل يفيدون فشي