سوالف عرب على جال ضوهم

الياسمين · #1 (**permalink**) 19-12-2006, 06:03 AM

عبر العصور .. السالفه ..
كانوا العرب .. يشرون
المهر .. بمية ناقة
كانوا الرجال .. مثل الرماح ..
قاماتهم مشدودةٍ .. ودقاقة
وكانوا الحريم .. صبرٍ قديم
وفا .. وسماح ..
والى .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٍ خشب
ومجدٍ يحبه .. يوالفه
السالفه .. رغم الفقر
والجهل .. واوقات المرض
ماكان للبسمة غرض
ولا كان للدمعه .. غرض
ماكان في الدنيا .. سوى
ثوب ورغيف .. وعرض نظيف
وكرامةٍ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدى لكل شي .. غرض
السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه

بدر بن عبدالمحسن

عثمان الغامدي · #2 (**permalink**) 19-12-2006, 06:37 AM

تسلمين اختي وماقصرتي والف الف شكر لكي

وننتظر جديدك

الياسمين · #3 (**permalink**) 19-12-2006, 07:14 AM

اشكرك وحياك الله

سعودية عظيمة شان · #4 (**permalink**) 19-12-2006, 08:58 AM

السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه

سلمتي الياسمين .......

وصح لسان الفيلسوف بدر بن عبد المحسن ...........

أختيار أكثر من رائع تشكري عليه .......