السلام عليكم ...
سبق وأن طرحت مشكلتي مع حافز وهي انه لم يتم صرف الاعانة بسبب تواجدي خارج المملكة اكثر من شهرين

بعد عناء واتصالات دامت 3 اشهر .. وحتى الآن لم يتم النظر في الأمر ... قدمت اعتراض بتاريخ 21-02-2012 ... يعني حالياً اكملت الثلاث اشهر وزيادة ولم يتم النظر في الأمر ولا الاتصال فيني
وفي كل شهر ينزل لي نفس السبب ولازم مراجعة الجواز ..


طيب يا موظفين حافز ... ايش اكثر من كذا لازم اعمل .. اتصالات ودقيت ... والمشرفة كلمتها وشرحت لها حالتي وقالت ان معاي حق 100% لأنه انا طالبة ادرس على حسابي الخاص في الخارج ... فليش التعطيل ... بذمتكم يا جماعة كيف راح يعرفون ان كنت طالبة اذا ماجاني اي ايميل ارفق عليه الوثائق اللي تبين ... كيف راح يعرفون سبب تواجدي خارج المملكة ..


للأسف كل مرة اتصل يعطوني نفس الكلام وان راح ندق خلال الايام الجاية ... ولا حياة لمن تنادي
...

وش رايكم في هالمشكلة

وعلى فكرة انا فتحت عيونهم على ان الطلاب الدارسين ع حسابهم الخاص خارج المملكة تصرف لهم الاعانةة
اذكر اول مرة قلت لموظفين حافز هالكلام .. قالت لي اول رد بدون ما تسأل اختي انتي طالبة ماتستحقي الاعانة
بينما موقعهم مكتوب فيه في الاسئلة المتكررة ماذكرته انا سابقى ان حنا حالات مستثناة .. ولا تبي تجذبها علي وتقول لي لا والله الكلام هذا يخص المرافق.... خير ان شاء الله تعالي علميني كيف افك الحروف اركب جملة بعد ...


عذراً .. بس اتمنى اسمع اقتراحاتكم