الله يفتحها بوجهك عاجلا , رزقك بيد الله بلا امير بلا بطيخ والله لو ماكتبها ربك ماراح تجي لو الملك بكبره توسط لك, بقولك تجربتي بإختصار شديد, الوالد ماسك منصب حساس باحد الدواير الحكومية وكنت معشم اول ما اتخرج من الجامعة وظيفتي جاهزة وكنت متعلق بالامل هذا ولاقدر يحطني حتى حارس امن رغم انه اجتهد وسوى كل شي وغيره من المواقف الكثيرة اللي واجهتني من الوعود من الناس خلال فترة العطالة ,عرفت الحين ان النافع اللي المفروض اعتمد عليه هو الله وحده سبحانه وصرت ماللتفت لاي احد بالدنيا ولااعشم لان الناس مابيدها شي وارتحت الحمد لله , الله يرزقني وياك وكل عاطل

أشكرك على ردك أخي الكريم وانا حطيت أملي بالله عز وجل قبل كل شي والان انا أبذل الاسباب لتحقيق أمنيتي اسأل الله أن يرزقنا ويرزقك ويرزق كل عاطل اللهم آمين

أخوي لو تقدر ترجع تكمل دراستك أظن أفضل
لأن تخصصك حلو ، وما عاد باقيلك إلا الجمالة
ومن ناحية العين مع القرآن والأذكار والمشايخ بإذن يزول تأثيرها

وقصتك مؤثرة كان الله في عونك ، وعوننا جميعا
موفق بإذن الله

انت لست معاق اولا
ثانيا تسمية معاق ليست بكلمه مناسبه تنقال لشخص عنده مشكله بسيطه الافضل تسميتهم ذوي احتياجات خاصه وهم مبدعين وقادرين على فعل اشياء نحن الاصحاء لم نفعلها
قرأت قصتك ولاحظت ان عندك طموح ماشاءالله والدليل باقي لك سنه بالجامعه
طيب ليه ماتكمل السنه اللي باقيه لك وش لك بالمجال العسكري
بعدين النجاح لا يعرف عمر معين 27 توك لسه الدنيا قدامك انا فاهمه انك وودك تكون اسره بس اللي كاتبه الله مانقدر نرده
اخوي انا نصيحتي لك حاول تكمل هذه السنه الباقيه لك وان شاءالله بتحصل وظيفه تناسبك طموحاتك
واذا على النفسيه اتكل على الله وراجع اخصائي نفسي ساعات الانسان يكون محتاج شخص متخصص يفضفض له ويرشده انا ارى ان الجامعه احسن لك اذا قدرت تكملها
انا اتفق معك ان الوظايف الحين قايمه على الواسطات
بس خل واسطتك الله سبحانه وتعالى واكثر من الاستغفار لعلها توافق ساعة استجابه
اسال الله تعالى ان يفتح لك ابواب الرزق وراحة البال والسعاده والوظيفه اللي تتمنى