06-08-2012, 09:43 AM
|
 |
عضو سوبر
|
|
تاريخ التسجيل: Jul 2010
المشاركات: 413
معدل تقييم المستوى: 531329
|
|
اقتباس:
المشاركة الأصلية كتبت بواسطة شرود ذهن
رساله جداً مؤلمه
ب النسبه لي شئ عادي جداً لكن وش اقول للوالده واخواني
اقسم بالله مستحي منهم كل م جيت بقول للوالده اتردد
عارف ان صدرها بيضيق =(
وآخواني اللي حطوا املهم فيه ومن اول يوم في التقديم
ينادوني ي الضابط ي الضابط
ب الله وش اقول لهم
تكفون ي عالم ساعدوني اقسم ب الله ي آنا مكان م انحسد عليه
بكره الكل بيعرف اني مكروش وبيتشمتون فيني .. مايهمني
المهم ووالدتي واخواني =(
لو تعرفون ايام التقديم طلعت من مكه للرياض وخسرت امي اكثر من 2000 ريال
مابين رحلات وفندق واكل وشرب
اقسم ب الله قلبي م عاد يستحمل حتى الحرس كرشوني
حسبي الله ونعم الوكيل |
وكل ربك ياولد
وش هالكلام ,, يارجال انت جامعي شهادتك بكالريوس
يعني الفرص الوظيفية واجدة
اما مسألة وش تقول لأهلك >> قل لهم ربي ماكتب لي القبول وخل الضحكة من الاذن للأذن 
وبخصوص اهلك لما ينادوك يالضابط عادي وربي
انا قبل اربع سنوات قدمت على كلية الحرس وصار اسمي عند اهلي وعيال عمي الضابط الضابط
جاي الضابط راح الضابط
وانا برضوا كنت متحمسك والوالد والوالدة واخواني
لدرجة اني كل ماشفت الوالدة طقيت لها تحيه ههههههههههه
جاء الفرز واسمي مو معهم صح زعلت لاكن اليوم الثاني وانا طالع مع الشباب طلعه
يعني خذ الوضع فري
والمسألة مسألة ارزاق يعني رزقك ماهو مكتوب في وزارة الدفاع
الله سبحانه وتعالى ماكتب لك تكون فيها ؟ لييييييييش الزعل !!!!!
يقول الله سبحانه ( وفي السماء رزقكم وماتوعدون )
ونقطه اخيره : لعل الله كاتب لك وظيفة أفضل واحسن وقريب من والدتك
وان شاء الله تعوضها بدل الالفين عشرات الالاف وخلك أسد ولايهمك أحد
وثق بالله ثقه ثقه تامه ان الله راح يرزقك
وخل الوالدة تدعي لك
وبالتوفيق
|
العرض العادي
