السلام عليكم ورحمة الله وبركاته ..

اخوكم خريج علوم سياسية من جامعة الملك سعود ..

انا بعطيكم بالتفصيل اللي بتمرون فيه بعد القبول المبدئي ان شاء الله ..

اول موعد بيكون بمقر لوزارة لدفاع قريب من العيينة

وبيوضحونه لكم
ولما توصل هناك ما في لا مقابلة و لا شي بس تاخذ معك صورك و طلب الالتحاق
اللي بتطبعه و تعبيه و تصدقه و هم بيحطون لك الصور و بيختمون لك عليها ..

و بعدها يعطونك بطاقة مراجعة لمقر وزارة الدفاع
و يسالك بالعادة متى تبي موعدك يكون وانت تختار
احيانا يقولون لك موعد الحضور الساعه 4 صباحا
للمعلومة ما في شي يبدا قبل 8 صباحا ..
* مقر وزارة الدفاع طريق الملك عبدالعزيز مقابل اسواق الشعله
و بعدها تدخلون مدرج تجلسون فيه لين يكتمل العدد
بعدها يدخلونكم على صالة و يعطونكم تعليمات
بعدها يقولون لكم تبدلون ملابسكم
لازم تكون بالسروال القصير
و يعطونك قميص مثل اللي بالمستشفيات تلبسه فوق
بعدها يدخلونكم على الفحوصات الطبيه
اذن و انف وحنجره و النظر و سلامة الاطراف و الطول والوزن
و سلامة النطق و كلها تياسير مره يعني لا احد يشيل همها ..
النظر يكون اختبار على جهاز يقيس النظر عندك عن طريق التركيز على نقطة واحدهـ
و على اللوح يقول لك الحرف E مثلا وين اتجاهه
و بعدها اختبار عمى الالوان
و اختبار سلامة النطق يسولف معك عادي و يقول لك جملة فيها حرف متكرر و هي سهله و يقول لك عيدها
الطول و الوزن ما اذكر كم كان المطلوب
لكن للمعلومة ..
الوزن الطبيعي للجسم = الطول - 100
الوزن المثالي للجسم = الطول - 108

* نصيحة اللي عنده في الاسنان جير او بلاك يسوي عملية تنظيف قبلها بيوم عشان
ما يقولون له روح و تعال بكرا و يسوون له اعادة ..
طبعا ما عندهم اختبار لياقة بدنية
بعدها يقولون لك رح بدل ملابسك و تجهز للمقابلة الشخصية
طبعا المقابلة في عدة غرف كل غرفة فيها 3 ضباط وكل غرفة مسؤولة عن تخصصات معينة بالمقابلة
في المقابلة كل اللي اقدر اقوله لكم خلك هادي مره
فيها اسئله من التخصص وفيها سوالف عادية
لكنها اهون من مقابلة الامنية بكثير ..
بعد المقابلة تكون خلصت ياخذك الباص لباب مقر وزارة الدفاع وتنتظر النتائج ..


اتمنى اني ما قصرت بشي و اللي عنده اي استفسار يتفضل انا حاضر ..


اخوكم

نزف الغرام

بالنسبة للي يسالون عن الرواتب طبعا الراتب الاساسي موحد لكل القطاعات
لكن الفرق مثل ما تفضل الأخوان في البدلات
الدفاع بعد فترة بسيطه من تخرجك يكون راتبك وصل الى 11600
لكن وزارة الدفاع عندها حوافز اخرى تعوض الراتب ..

بالتوفيق لجميع الأخوان المتقدمين لوزارة الدفاع ..

ي ليت اللي عنده خبره بوزارة الدفاع يخبرنا

لاني مافهم شي فيها .. وش التخصص اللي فيها

والاحياء ممكن في اي تخصص يتم توجيهه .. والدورات وين والرواتب كيف .. الخ

اخي ..

احد الاخوان ذكر التخصصات المطلوبة
و في وزارة الدفاع يكون توجيهك للقطاعات حسب تخصصك
لكن لا يعني هذا انك ستعمل بنفس التخصص لزاما
الدورات اغلب الظن انها ستكون بالرياض لكلية الملك عبدالعزيز الحربية
اما الكليات الاخرى لا أعلم عنها
الرواتب سبق الاجابة عليه



كون بخير

السلام عليكم

يا أخواني
اسأل الله لي ولكم التوفيق



عندي كذا سؤال لأهل الخبرة والمعرفة



1- التقديم وين راح يكون والمواعيد وين راح تكون ؟ بالرياض وبأي مكان ؟

2- هل يعلمونك عن قطاعك قبل كل شيء ؟ < --- انا سمعت هالمعلومة بس ما تأكدت منها

3- وين يتم تعيين الأخصائيين النفسيين بعد التخرج ( ودورتهم بأي مكان ؟ )



شاكر لكم

نزف الغرام


الله لا يهينك على الشرح

بالتوفيق للجميع ......
التقديم يوم السبت 12/7/33

يا اخوان مو شرط التخصص هو اللي يحدد قطاعك اللي يحدد قطاعك الاحتياج و القطاع يعلمونك به قبل الدورة بأسبوعين او ثلاثة

يعني مثال : مثلا مطلوب تخصص شريعة 7 اشخاص مقسمه ارقامهم على 2 جوية 1 دفاع جوي 3برية 2 بحرية هذا
في كل قطاع يوجد اداره لشؤون الدينية و في كل قيادة و كتيبة بوجد قسم لشؤون الدينية

و هكذا بعض التخصصات الباقية

شبااااااب تكفوووون سؤال يهمني

انا كل الشروط متوفره فيني ..... بس عمري اكثر من ٢٧ وحديث تخرج

سوالي هل العمر مسأله الزاميه ومافيها نقاش؟؟؟؟

جاوبوني تكفون

تحياتي

جزاك الله خيرا اخي نزف الغرام