السلام عليكم ورحمة الله وبركاته
اخواني واخواتي اصحاب المشاريع والافكار

واللي يدورون الرزق الحلال والربح السريع

مشروع ارباحه مضاعفه بشكل ما تتصورونه

ركزوا معي شوي كل اللي نحتاجه في هذا المشروووع

كرتون ماء سعره ماراح يتعدي 20 ريال

[IMG][/IMG]



ثلاجه واتوقع مافيه بيت يخلو من ثلاجه ان شاءالله

[IMG][/IMG]



طيب الحين ندخل بالمفيد


درجة الحرارة الحين مرتفعة جدا بما اننا بفصل الصيف بعد الساعه العاشره صباحا تبدأ تزيد اكثر واكثر الين الساعة الخامسة تقريبا

كل هذا الوقت من عشره الين خمسه اكيد نطلع ونروح ونجي داومات ومشاوير كثيره

واكيد كلكم حسيتوا بالعطش مع حرارة الشمس واللهيب وتمنيتوا قطرة ماء باردة ترطب كبودكم ويصادف البقاله مسكره لوقت الصلاة او غيره

والجسم وقت الصيف يحتاج الكثير من السوائل وخاصة الماء لانه يفرزه عرق اغلب النهار ومع حرارة الشمس الحارقه <<اللهم اجرنا من عذاب النار

عمال البناء وعمال النظافه وكثير ناس بالشارع بهذا الوقت نقابل كثير اما انهم يبنون او عامل نظافه او حتى طفل راجع من المدرسه او من اي مكان ويبين عليه التعب الشديد

انت ايش دورك ؟؟

كرتون الماء اللي فوق تحتفظ فيه بالثلاجه وانت طالع للدوام وخاصة اللي دواماتهم بعد الساعه 8 خذ لك 5 علب منه
واذا صادفت هذول العمال اعطيهم عامل النظافه اعطيه اي شخص تشوفه بالشارع بهذا الوقت اعطيه صدقوني بيحس انك اعطيته مال قارون

حتى لو مااشتريت الكرتون وانت طالع او طالعه من الدوام مروا البقاله خذوا ب5 ريال مويه ابو نص ريال = 10 علب مستحيل ماتمر في الطريق وماتشوف عامل او عمال البناء عند العمارات او حفريات وغيره اعطيهم لانك بتلاقي نتيجة هذا العطاء في الدنيا والاخره

لا تقول ممكن يكون غير مسلم ولا تقول مو بحاجة المويه عند فلوس ووو..... الخ

تذكروا :
قال الرسول صلى الله عليه وسلم: (في كل كبد رطبة أجر.) رواه البخاري

وتذكروا ايضا :
قال تعالى (مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم )

قد تكون هذه الصدقه البسيطة سبب لفتح ابواب الرزق والسعادة


اعذروني على الاطالة
وان اعجبكم لا تنسوا اختكم انثى اليمامه من الدعاء