الدين هم
الله يفرجها عليك
اعرف شخص راتبه فوق العشرة ومايجي نصف الشهر ومعه ريال واحد
كله من الاقساط والمصاريف
لكن فكر واخذ قرض جديد وغطى كل ديونه وصفى له قسط واحد
وتسهلت الامور

الله يسهلها على الجميع

أخوي فعلا مثل ماقالوا الإخوان تصدق لو بريال ما شاء الله عليهم نصايحهم من ذهب
وبعدين لازم تعرف تدبر أمورك مثلا أول شي تبحث عن شقة رخيصة تكفيك أنت وزوجتك وإبنك ثانيا تاخذلك سيارة على قدك لاتناظر الغالي ترى في النهاية بتندم ما عليك من المظاهر أهم شي راحتك النفسية حتى ماتحتاج لسلف أو دين
عيش حياتك وأنت سعيد وابتعد عن كل شي غالي حاول تخفض من صرفياتك يعني مثلا إذا زوجتك عندها جوال ماله داعي تجيب تلفون للبيت قلل من صرفيتك للكهرب مثلا ماله داعي تولع لمبات البيت كله بس ولع لمبات الاماكن اللي تجلس فيها أنت وزوجتك لاتقلد الناس مثلا كل طاحوا في شي قمت تطيح مثلهم يعني أقصد يوم طاحوا يشترون لعيالهم الاي بودات والاي فونات والعياذ بالله منها من شفناها ماشفنا خير وأختصر كلامي بقول مد لحافك على قد رجليك
أما زوجتك إذا كانت تحبك بتوقف معك ماراح تعارضك وشكرا

الاغلبية مثل كذا

الزكاة والصدقه شي ضروري لو بريال

اشتغل شغل اضافي لو بسيط

والله يسهلها عليك وعلى المسلمين

الله يفرجها على كل محتاج يارب ويرزق كل المؤمنين والمؤمنات ويفرجها عليكم يارب

تصدق من راتبك بشي بسيط كل شهر وراح تلاقي البركه بس تري وضعك برضوه شوي صعب بس ان شاء الله ربي ييسر امرك اهم شي لا يضيق صدرك فيه منهم اسوء منك وضع ويقولون الحمدلله على كل حال وكثر استغفار وا زوجتك موظفه مافيها شي اذا ساعدتك عادي الحياه مشاركه

ماعرفنا انت من اي مدينة اذاكنت من مدينة كبيرة مثل جده ومكة والمدينة والرياض
اقلب سيارتك سيارة اجرة وطقطق عليها والله فيها خير ولاتهمك المظاهر
على الاقل حتى تسدد دينك خصوصا الان البنزين رخيص
فرصة من ذهب

ربي يفرج همك كثير نفس الوضع عموما مافيه انسان ماعليه قرض بهذا الوقت صار من اساسيات الحياه عندنا بالاول والاخير لاتقول فيه احد مثلك لانهم ياكثرهم اللي نفس الحاله تصدق من راتبك باللي تقدر عليه حاول تدور دخل ثاني اذا وقتك يسمح بالتوفيق

الله يعينك ويسهل امرك ...!

تصدق والله يعوضك الضعف ...!

وحاول اخي تسوي ميزانيه لكل شي عشان تتيسر امورك

الله يفتحها عليك

صراحه انا قريب بتخرج من جامعه وتوظف براتب زيك تقريبا
وقول على طول عرس عز الله اني هونت الحين



شوف اخوي مع احترامي لجميع ردود الي فوق وكلامهم صحيح

بقولك فكره محد فكر فيها

شوفلك وظيفه ثانيه بس مايسجلونك بالتمينات تقريبا راتب بيكون 3000 تنقص شوي ممكن او تزيد

انا كذا موظف بشركه وتوظفت بمكان ثاني بدون اتسجل بالتامين

انت شوفلك وظيفه بدون تتسجل بالتامين تزيد دخلك 3000 تفك ازممممه كبيره


فكر فيها واستخير والله يسعدك ويرزقك

دعوووواتك