توكل على الله

وابذل اسباب الرزق والبركه

- الصلاه
-بر الوالدين
- صلة الرحم
- الاستغفار
- صدقه كل يوم بريال على الاقل
- الدعاء في السجود وبعد التشهد الاخير
- دعاء الخروج من المنزل
- اذكار الصباح والمساء
- البسمله عند كل شي
- النيه ( صفي نواياك تجاه كل شي )
- الدعوه لغيرك بالرزق والتوفيق
- استودع الله نفسك ونفسيتك ومالك وزوجتك وابنك وسيارتك وشقتك وعملك ودينك وقلبك واقوالك وافعالك وخواتم اعمالك
- كل صباح قل ( اللهم بارك لي في نفسي ونفسيتي وزوجتي وذريتي وشقتي وسيارتي وعملي ومالي ... وزد ما تشاء )


على كلامك انت من الشرقيه

طيب بسئلك :

كيف برنامجك اليومي
هل الفتره المسائيه فاضي فيها

عندي لك اقتراح واعرف شباب مطبقينه ومدخلين منه مصاريف بيوتهم وبعض الالتزامات
وهو موقف الركاب والكده , فيها خير من الله

اذا تقدر تقابلني , بشرحلك كل التفاصيل , وبرسلك لرجال وبيخليك تطبق على ارض الواقع
وبإذن الله بتحصل 50 ريال على الاقل في اليوم , وتزيد إلى 100 و 200 و300 في اليوم .

(( هذا الكلام عن قرب جدا من هذا النشاط ))

أسئل الله ان يقضي دينك , وان يبارك لك في نفسك وزوجتك وابنك وسيارتك وشقتك وعمل ومالك

الله يعين

اسال الله العظيم ان الله يسدد ديني الي والله ثم والله اني ماانام الليل

لاحول ولاقوة الا بالله
لاحول ولاقوة الا بالله
لاحول ولاقوة الا بالله
لاحول ولاقوة الا بالله
لاحول ولاقوة الا بالله

لاحول ولاقوة الا بالله
لاحول ولاقوة الا بالله

اللي ذابحني انه جاني واحد من قرايبي وقلت له عن وضعي جرحني بكلمه قالي وشلون عايش قلت الحمد لله
على كل شي

اللهم اكفني بحلالك عن حرامك واغنني بفضلك عمن سواك

صحيح ليش ماتدور لك على شغل المساء
وبعدين لما تقضي دينك كله أمورك ان شاءالله بتتحسن
لاتيأس فيه ناس كثير زيك وتعبوا يدورون شغل المساء يناسب بريستيجهم وبعدصبر وجهد جهيد حصلوا شغل فترة المساء والشغل ماهو عيب
شوف لك في الجمعيات الخيرية شي شغلة أو اشتغل على السيارة حقتك تاكسي او اي شي
او احذو حذو بعض الاعضاء هنا مااستحى بسط له بسطة جنب الجامع ومادري وين
وربنا يسهل أمرك ويفرج همك

الآن انت تقول 1800 للزواج ولا كفى يعني تقريبا ماخذ من البنك 100 الف او اكثرر هي يمكن ماكفتك بس زوجتك وخلاص

قرض الزواج من بنك التسليف تقريبا 45 الف ريال وش لك حاجه تطلبه .. ؟؟ انا اشوفه زايد عن حاجتك اسمح لي انا زميلي متزوج وخذ قرض زواج 100 الف صحيح تنازل عن اشياء كثيره يعني خير زوجته بين السفر ولا العرس ضيق على نفسه في بعض الاشياء لاكن طريقه ادارته للاموال صحيحه ومافيها تبذيرر

لو جينا لموضوع السياره هذا امر طبيعي والمفروض تكون عندك سياره والقسط مناسب

طيب انا اشوف 24 الف في السنه كثير جدا على شقه خصوصا انك ذكرت في مستهل كلامك ان عندك ولد واحد يعني انتو ثلاثه فما يحتاج للمبلغ هذا تقدر تاخذ شقه 17 الف تكون نضيفه وواسعه مو شرط جديده يكون قسطها الشهري 1500 تقريباا كذا انت وفرت 500 ريال فوق 200 الي الي تبقا لك على الاقل 700 احسن من 200 كلامي صحيح ؟؟

بالنسبه للجوال صريفتك مناسبه
بالنسبه للثابت حاجه رئيسيه وضروريه مثل السياره

اخوي انا يوم كنت اشتغل في شركه كان راتبي 3000 الاف ريال كنت محتار بين اكسنت وكورلا وكان قسط الاكسنت 800 ريال والكورلا 1200 فاخترت الاكسنت رغم انو نفسي بالكورلا لاني قبل ماخذ السياره مقسم راتبي وشفت انو لو اخذت الكورلا راح تضغط علي فرضيت بالقليل والحين الحمد الله

فصار انو 800 ريال + 1000 مصروف شهري لي قسمته بين مصروف يومي وبين بانزين والخ .. و500 للوالده يبقى لي 700 ريال مالي حاجه فيها مع انو الشباب يقولون لي كيف تقدر تصر 15 ريال يوميا بس ؟! قلت انا اراعي ضروفي ماحب اصرف فوق طاقتي علشان ماشوف نفسي مزنوووق

اخوي اتمنى انك ماتزعل من كلامي يعلم الله اني ناصح لك وابي لك الخيرر حطيت لك تجربتي اتمنى انك تكون احسن مني وتتعدل الاوضاع عندك والله ولي التوووفيق

يا ذبحنا الدين كلام الشباب كلهم حاول بقدر الاستطاعه تطبقه وان شاء الله ربي يوفقك ويرزقك

جزاكم الله خير ونفع الله بكم
اول شي جتني رساله خاصه من شخص يقول انك واحد تكذب لاكن والله اني صادق وعندي الاثباتات كلها
وبقولكم كلمه انا ماامدح نفسي باني سويت او فعلت سواء حق ربي او حق نفسي او اهلي لا
انا سويت وفعلت لاكن كل يوم حالتي تزود والله ثم والله اني قبل شوي بايع جوالي عشان اجيب حليب لولدي
والله اني صادق انا حلفت بالله والحلف بالله ماهو سهل



لاكن انا نويت على حاجه توقعون تنفع او لا؟؟



ابي ادخل على محمد بن فهد امير المنطقة الشرقية وش رايكم تتوقعون يقابلني وعلى فكره عندي كل الاثباتات
لاكن وين اروح وشلون اقابله؟؟

دور عمل مسائي أسعى لين تقضي ديونك

وبالنسبة للأمير لوفيهم خير نفعو الشباب العاطلين يعني لا تدور حاجتك عند الخلق

الله يفرج همك ويقضي دينك

ولا تنسى الاستغفار

مثل ما قالتك الاخت دغبوسه فحطان وكررتهها عليك اكثر من الاستغفار وفي اشياء انت مع احترامي لك يمديك تقتصد فيها خذلك بيت وقسطوا في الشهر 1500 وبطايق 500 بلاش منها فدر الامكان....
اولا واخير الاستغفار ليل ونهار وذكر الله على لسانك . ولا تستعجل الدعاء مستجاب بس الصبر طيب
والله يفرج همك