السلام عليكم ورحمة الله وبركاته
اشكر القائمين على هذا المنتدى الرائع والله يجعله في موازين حسناتهم
قضيتي باختصار انا قبض علي وانا في حالة سكر ومعي قاروره مسكر من قبل الشرطه
المهم اخذوني للقسم وبصمت بالعشره داخل القسم وبعدين خرجت بكفاله
اتصلو علي القسم بعد 6 شهور وقالو تعال علشان نحولك للمحكمه الجزئيه
رحت للشيخ وحكم علي 100 جلده (80 حد مسكر و20 جلده مدري حقت ايش؟)
تنفذ الجلد والحمد لله انا اللحين تبت من شرب المسكر والله يشهد
سؤالي هلى هذي القضيه تمنعني من القبول في الامن العام؟

افيدوني جزاكم الله خير

وعليكم السلآم والله مادام انك بصمت بالعشر اتوقع انها تضرك لاكن غريبه يبصمون على شراب اول مره اسمعا
والله يوفقك

جلد الحد كفينا شره

الله يعينك اخوي

اخي العزيز اسال الله لنا ولك التوبة النصوح
وبالنسبة لسؤالك حسب معلوماتي اذا كان عمرك عند القبض عليك اقل من 18 سنة فلا تسجل في صحيفة السوابق
اما اذا كان اكثر من ذلك فابمكانك شطبها من سجلات السوابق حسب التعليمات الاخيرة اذا مضى عليها اكثر من 3 سنوات وكانت السوابق الجنائية عندك اقل من اربع سوابق مختلفة وبامكانك التوجه لقسم الادلة الجنائية بقسم الشرطة في منطقتكم والسوال عن ذلك والله اعلم
تحياتي لك

اللي اعرفه اذا المسبقة واحدة لها فترة ثم تلغى ولاكن بشرط ان لا تتكرر معاك اي قضية
وان شاء الله ما راح تضرك فيه اثنين بالثانوية قبل كم سنة متضاربين مع عسكري بالامن العام وقطعو بدلته وراحوا فيها سجن والحين تعسكرو

بالنسبه للامن العام اعرف ناس عليهم سوابق اكبر من السكر ترويج وحيازه

لكن هم راحوا قبل لايسجلون بالامن العام لاماره الرياض وقدموا معروض رد اعتبار وحولوهم عالادله الجنائيه والغوها

سو سواتهم وان شاء الله ما تضرك السابقه



لكن امن المنشات انتبه ترا خشيت الدوره وجلست 15 يوم وبعدها ضربوني الباب من شان سابقه

يارب ياكريم يتيسر أمرك

مثل ماقال الاخوان

رح للادله الجنائيه واستفسر

ويحولونك للاماره وقدم رد اعتبار


وشهر ويشيلونه منك باذن الله

اهم شي انك تصلي علشان يشهدون معك

اللي في المسجد هذا ضروري

وبالتوفيق لك