[align=right]..





السلام عليكم ورحمّه الله وبركاته
مسّاءكم الله بالخير :/


مساعدتكم يا شباب " عنّ التقديمات القادمه في العسكريه " كا ضابط فقط "
و بالتحديد ما هّو أقرب تقديم :/
أنا معاي شهادة بكالوريوس ومعدلي " جيد " وما معاي واسطه ..

وعنّدي إستفسار أخر : الحرس الملكي هل بإمكاني التسجيل عنّ طريق موقعه ؟
" الطول 180 و الوزنّ 73 "


أنتظر الذيابه [/align]

وعليكم السلام ورحمة الله وبركاته

حياك الله اخوي

بالنسبه لـ التقديم كاضابط " انت تقصد الكليات العسكريه " و الكليات العسكريه فيه منها فتح التقديم و ياليت لو تراجع في القسم هذا تذكير للراغبين بالتقديم على الكليات العسكريه و تشوف وش التقديمات اللي طلعت
و كذلك قسم الوظائف العسكريه

ومن ناحية الحرس الملكي التقديم طال عمرك مفتوح على مدار السنه و الفرز القادم لـ اهل الرياض في 15-7-1433هـ
و الفرز من ناحية الطول ,’ وانت طول ما شاء الله تبارك الله مناسب جداً و قدم الان عن طريق موقعهم الحرس الملكي

ولو تقدم عن طريق كليه عسكريه تابعه للحرس الملكي احتمال تخلص من الكليه تصير ملازم في الحرس الملكي بس الكليه لما الان ماني متأكد منها والله


فالنا و فالك التوفيق اخوي والله يرزق من واسع فضله

[align=right]-
ما قصرت !
الفرز اللي راح يكون 15/7 بيكون فرز للضباط ؟ < إلى الانّ ما فهمت معنى التجنيد , الضباط يدخلون من ضمن التجنيد ؟[/align]

الله يووووفقك

الحررس الملكي التقديم مفطووح طوال العام على موقعهم

والفرز قريب

[align=right]^
أشكركم على الافادة !
عندي سؤالين نهائيين واحد ردوا علي الشباب بس ما وصلوا لي المعلومه :
1- متى راح تبدأ دورة القوات المسلحة " تقريباً "
2- الحرس الوطني سجلت بالتجنيد لكنّ سؤالي " هل مممكن يكون القبول كضابط و إلآ لا ؟ " شهاددتي بكالووريوس
" عدت السؤال عشر مرات " لكن اللي أبغاه يوصل لي ما وصل "

[/align]

اخوي بارك الله فيك الحرس الوطني اذا تبي تتخرج ملازم

تقدم على كلية الملك خالد لانها تابعه للحرس الوطني و التخرج منها يكون برتبة ملازم في الحرس الوطني

لكن من ناحية انك تقدم على طول بالشهادات اللي معك على كلية الملك خالد عشان تصير ملازم في الحرس الوطني احتمال تصير الدوره حقتك اقصر بكثير عن الباقين احتمال تصير 9 شهور و تتخرج ملازم من كلية الملك خالد

لان اللي اعرفه ان اللي يدخل كلية الملك خالد بشهادة ثانوي يتخرج بعد 3 سنوات بـ رتبة ملازم <~ وهذي والله العالم ماني متأكد منها بالضبط


بالنسبه للسؤال اللي تسألني عنه اللي هو الفرز حق الحرس الملكي هل هو للضباط او للجنود

لا هو للجنود طال عمرك بس تقدر تقدم عليه و تضيف الشهادات اللي معك عندهم و شوف وش يقولون لك و وش راح يعطونك رتبه

و تأكد من الكليه اللي اذا دخلتها تصير ملازم في الحرس الملكي <~ يقولوون هي حسب الترشيحات و اشياء معقده شوي عشان تصير ملازم في الحرس الملكي <~ ولا ادري والله وشلون نظامهم

https://www.btalah.com/t431813.html

^^

هذا رابط فيه حق التقديمات على الكليات العسكريه

فالك التوفيق ان شاء الله


+

https://www.btalah.com/t83893.html

^^

دليل الكليات و المعاهد العسكريه

تقدم على كلية الملك خالد وراح تترشح بعد سنة او سنتين من الدراسة تكون ضابط في الحرس الملكي , والبعض يرشحون لطيران الحرس الوطني ,

انصحك تبعد عن الحرس الملكي لانه تعب وتسافر من الرياض وجدة

وتقعد في جدة 6 شهور ثم ترجع الرياض وتقعد 6 شهور

يعني تعب وعدم استقرار


انصحك تكون من ضباط الحرس الوطني مع ان الترقيات مو سريعه

اخوي متخرج له سنتين وللحين ملازم وكل شهر يوعدونهم بترقية بس مايصير شي
وهاذا حال كل طلاب دفعته

ب التوفيق