السلام عليكم ورحمة الله وبركاته

هذي. اول مشاركة لي معكم


وان شاء الله تعجبكم الفكره ماهي حصريه على الاخوات وبس

اي واحد يقدر ياخذ الفكره وينسق مع اهله فالبيت من الاخوان الشباب

الفكره هي :


مثل ما انتم عارفين مقبلين على رمضان نسأل الله ان يبلغنا اياه وياكم لكن المشروع مو محصور على رمضان فقط


المشروع في جميع ايام السنه لكن ذكرت رمضان لان الشغل اكثر


كل شخص فينا يحب طبخ البيت ويفضله على اكل المطاعم

يعني لو كل اخت او كل واحد نسق مع اهله انهم يسوون ولائم او كبسات لحم ودجاج او حلويات للقهوه على الطلب من الزبائن


ويكون المنسق مع الزبائن الاخ او الابن

طبعا العزوبيه ما شاء الله تارسين البر والبحر وبعيدين عن اهلهم وتحصل كل واحد ميت على طبخ البيت

اضرب لكم مثال

انا وخمسه من الشباب ساكنين باستراحه وفالدمام والعام في رمضان اتفقنا مع اخت من الاخوات وتسوي لنا الفطور والسحور

يوميا وعن كل يوم تاخذ 300 ريال بس الله يستر عليها لو قالت لنا السنه هذي 500 موافقين

شغل نظيف وطبخ ممتاز


لو حسبناها 300 * 30 = 9000


الاغراض مدري كم احسبتها لكن اكيد انها مستفيده عسى الله يرزقها ويرزق كل من يسعى بالرزق الحلال



وفي غير رمضان نطلب منها مرات فالشهر مره مرتين مرات مفطح ومرات حلويات ومرات كبسات وكل شي عاد له حسابه



هذي هي الفكره

وكل شخص ومقدرته من مال ومن وقت


لكم اطيب تحيه



لاتنسونا من صالح دعائكم *

فكره رائعه
فكرت فيها كثير بس برمضان اكون جدا مشغوله باعداد الفطور لاهلي عشان كذا اخاف اخذ الطلبات واتوهق ويموتون جووع لووووووول

بالتوفيق

تقدرين تمارسين الشغله هذي بغير رمضان

والله ان فيها خيركثير

بمجرد وضع رقم اخوك بموقع ولا منتدى او يوزعها ببروشور على هالاستراحات

ماراح تلحقين من كثر الطلبات

واحتسبي الاجر قبل كل شي لانهم ضعووف هههههههه

جاااري التفكير

الطبخ صعب علي ولاهو مزااجي

ممنووووووووع من البلديه

فكره حلوه بس ياعزيزي ياليت نلحق برمضان ع بيوتنا ههههههه من جد تعب

فكرة رائعة ومفيدة للطرفين (التاجرة والمستهلكين )ههههه
وعلى كلام الاخت انا اغير ياليت نلحق على بيوتنا
بس هي مفيدة للبيت الي فيه بنات كثير
وعندي اقتراح بس لاحد يضحك
ليه مايسجلون مجموعة من كل منطقة شباب وبنات البنات للطبخ والشباب لتوصيل الطلبات ولهم رقمين اوثلاثة ارقام توزع على جميع المناطق ويكون احد مسؤول عن الرد لوكان شاب افضل منعا للمشاكل ويقوم بتسجيل طلب الزبون كل على حسب منطقته يعني باختصار اذا كان من الرياض يتصل على الاخوات بالرياض ويبلغهم او يبلغ المسول عن التوصيل وكل شي بالاتفاق
اتمنى فهمتوا علي ارجع اقول لاحد يضحك حبيت اشغل مخي


عاد ايش رايكم نسميه المطعم الالكتروني عاد انتم اقترحوا الاسم

بالتووووووووووفيق

بالتوفيق يارب