04-12-2015, 07:00 PM
|
عضو متواصل
|
|
تاريخ التسجيل: Jan 2012
المشاركات: 85
معدل تقييم المستوى: 27
|
|
طريقه التقديم للفائدة
قدمت عن طريق الموقع وبعد كذا اتصلت على المستشفى بالرياض وقلت لهم ابي اقرب موعد اختبار لغه وتم تحديد الموعد بعد شهر اختبرت وعديت الحمد لله قابلت في نفس الوقت مدير اداره التشريفات ولم أكن راضيه على المقابله لأَنِّي كنت رايحه مواصله وفعلا لم احصل على الوظيفه
المهم طلعت من مدير التشريفات رحت للجامعه وطلعت عند التوظيف الدور السادس وقابلت الأخت شيخه وكانت في منتهى الذوق والاخلاق عطيتها ملفي وقلت انا اختبرت وهذه نتيجتي اخذت السي في وقالت ان السيستم عندهم واحد ومافيه حاجه لاعاده الاختبار في الجامعه والحمد لله
كان هذا الكلام في ابريل الماضي وكل اسبوعين ادق على الأخت شيخه بالجامعه والتوظيف في المستشفى او اروح لهم او ارسل إيميل بالعربي ابثرتهم وحفظوا اسمي 😂
شهر 10 الماضي تواصلو معي المستشفى لأجل وظيفه فايل كليرك كما ذكرت فوق وسبحان الله ماكانت من نصيبي والله عوضني بالأحسن في اداره الجامعه براتب أفضل
النصائح اللي حابه اوجهها لكم :
انا قبل اختباري بدون مبالغه قريت هذا الموضوع صفحه صفحه وحفظت الاسئله الموجودة هنا عن ظهر قلب
في فقره الاستماع كنت قبل لا اشغل المسجل اقرأ الاجابات على مهل وبدون استعجال الوقت يكفي وزياده وثم اشغل المسجل راح تلاحظون الجواب بيصير تافهه
القطع قريتها اكثر من مره في التجمع هذا ولما اختبرت عندي فكره عنها
التواصل بعد النتيجه اهم شي ولا ترا بتنسي ولا احد راح يفكر فيك وعلى فكره طالبين موظفين بالهبل وفيه نقص موظفين لكن اداره التوظيف ماتوظف للاسف
الدعاء المتواصل وعدم التكاسل وبر الوالدين من أسباب نجاحك في هذه الحياه
اخيرا حبيت أفيدكم كما افدتموني ولكم جزيل الشكر من أعضاء ومن منتدى وصلى اللهم على سيدنا وحبيبنا محمد عليه أفضل الصلاه وأتم التسليم ❤️
|
1Likes
العرض العادي
