طيب ياجماعه الوقت كم بالضبط في ناس تقول 100 دقيقه وفي ناس تقول 140 دقيقه
؟؟؟

السلام عليكم انا اختبرت بتاريخ 15 \12
القطع تغيرت قطعة السمك فقط اللي جات وباقي القطع عن البكتيريا والحروب الاهليه
اللسنينق كان مره سهل وبالنسبه للقرامر مره ملخبط يبفاله شخص متمكن والفوكابلري صعب كالعاده
انا اسفه ماافتكر شئ من الاختبار بسبة الاحباط اللي جاني ركزو على القرامر

السلام عليكم دار قوماً مؤمنين ...شكله الموضوع من زمان محد دخل عليه

الموهيم اخش فالسالفة انا اختبرت اليوم وحبيت اشارككم تجربتي

طبعاً دا الاختبار التاني ليا و الحمدلله عديت والاسئلة اختلفت 180 درجة خاصة القطع

الاختبار اول القطع كانت زي مااتفضلو الاخوات والاخوة قبلي عن السمك وعن الضغط النفسي.....الخ

دي المرة كانت 3 قطع وحدة طويلة ممكن 7 برقرافز عن قصة مخترع البنسلين وعن البكتيريا وكيف كانت وكيف صارت .......الخ.

القطعة التانية قصيرة عن التشريح لشي معين والله ماعرفتو بس فهمت انه يتكون من 3 أجزاء الهيد ومحتوياته والقفص الصدري .....زالخ ماحبيت القطعة بس قصيرة اسئلتها واضحة للي يفهمها .

بعدها يرجع يسأل عن القطعة الأولى مدري كم سؤال

بعدين القطعة الأخيرة كانت مره سهلة وقصيرة عن ازمة نقص المياه اسئلتها مباشرة وواضحة فيها سؤال انه كم طفل يموت فالدقيقة الواحدة من ازمة المياه فالقطعة مكتوب كل عشرين ثانية يموت طفل فلما تختارو الإجابة حتكون 3 أطفال بحكم ان الدقيقة 60 ثانية (20ثانية يموت طفل + 20 ثانية يموت طفل+ 20 ثانية يموت طفل) معناته الدقيقة 3 أطفال.

معدل كان اعلى شي فالجزء السمعي مره سهل ومباشر ونصيحة للي بيدخلو الاختبار قبل لا يسمعو مقطع الصوت يقرأو الإجابات وجدا سهل ومباشر.

جزء الفوكاب كان حلو وسهل ومباشر يعني كم كلمة بس هي اللي شكيت فيها لانه أحيانا تجي خيارات لها نفس المعنى فتحير شوية

بعدين القرامر الصراحة ما حبيتو يشتت شوية يبغاله مذاكرة كويس انا ما استعديت مضبوط يعني كلها كم يوم قرأت فيه فنصيحة اللي بيدخل يدرس من الكتب وطبعا التركيز عا الأزمنة من صياغ الجملة بيتعرف ايش نوع الزمن المستخدم وكمان ركزو على in - to - over - for
تقريبا القرامر مكرر نفس القواعد فكل الاختبارات

يعني ذاكروا كويس وركزو فالاختبار كويس و كفى الله المؤمنين شر القتال

والله ييسر لي ولكم الرزق الطيب الحلال يارب ..........
وبليز دعواتكم ان ربنا يوفقني وييسر امري وانقبل تعبت من العطالة

بالتوفيق للجميع

انا بحاول الفتره الجايه اجهز نفسي واختبر بإذن الله

Two factors are particularly significant in the history of inventions. One is the part played by inspiration, which can
be far more vital than that of careful research. An example of
this is the discovery of insulin by Frederick Banthing. He
knew very little about the large amount of work which had been done in the field. Nevertheless, he succeeded where
other more knowledgeable experimenters failed. The other factor is chance. Alexander Fleming's discovery of Penicillin
was an accident. He was cultivating bacteria, when a cell of what we now call penicillin fell in the bacteria. And this
coincidence led him to his important discovery.

هل هذه القطعة جاتكم؟

اميـــــــن اجمعين يارب

لا ما جات دي القطعة

عناوينها للأسف مش فاكرة بالضبط اول قطعة عن قصة حياة العالم فليمنق مكتشف البنسلين وبحوثه فهذا المجال وكيف الجنود خلال الحروب يموتو بسبب جروح سطحية وكان السبب البكتيريا وكيف قضى البنسلين على دي المشكلة كان بداية للتوسع فعقارات القضاء على البكتيريا خلال هذه الأيام................الخ

القطعة االتالتة كانت عن ازمة المياه وقطعة لزيزة قصيرة ومفهومة..... القطعة التانية مفهومة بس مدري كانت تتكلم عن ايش بالضبط بشكل عام كانت عن اساسيات الهيكل الجسدي لشي ماعرفتو D:

باختصار لازم تدرس للقرمر مره كويس فيه كتاب جدا ممتاز اسمه understanding and using English language
تحصله اون لاين

للأسف هذا اللي قدرت اجمعو من الاختبار

موفقين يارب