طيب انا ابوهم يرفض اني اضمهم لي!!!! كيف ازور يعني مثلهم ؟؟

الاخت الكسيره اذا مايصرفهم ابوهم تقدري تطلعي بدون علمه وبدون موافقته تروحي للمحكمه وتجيبي اوراقك واثبات للاولاد وكما تجيبي 2شهود و2 مزكيه ويطلعوا لك صك اعاله..
انا طلعت على اولادي بدون ابوهم ..

ماادري انا اشوف ان فيها ظلم ع الاقل اللي ماعندها اطفال يعطونها نص المساعده المقطوعه ومثل ماقالت مشاعر حزن اغلب الناس يطلقون بناتهم عشان الضمان

اول صدمت حافز لما استبعدوا الاف من المستحقين بحجة العمر والان المقطوعه والتعقيد طيب والايتام وش مصيرهم اعتقد لازم يقدموا للوزير جثة ابوهم عشان يصرفون لهم مقطوعه حسبنا الله ونعم الوكيل على كل ظالم .

طيب ليه يعطون حافز 2000 وبعد راح يزيدهم

وربي اعرف نااس مو بحاجتها

الحسد علينا نا يالمطلقات

وربي لبعث برقيه للملك عبدالله وقعد ابعث

لين يتغير وضع المطلقات

حسبي الله ونعم الوكيل فيهم

شوفي يالغلا
انا لي 4 سنوات يشملني الضمان
ماستفدت من المقطوووووعه الا قبل سنه بس
وعيالي ماضفتهم الا قرررريب صار لهم شهرين بعد معاناه بعد
والحمدالله الله فتحها علي وعلى اطفالي وتوظفت حكومي
تدرين وش كانو يقولون لي بالررررياض انتي صغيره لازم 35 وسكت ونقلنا لديره ثانيه سبحان الله وقدمت عندهم وقالوا وش هالكلاااام لا ياختي مؤ صحيح
و رفعت شكووووى بهالكلام وصار يتواصلون معي ويدقون علي وش صار لين نزلت لي
حتى اصرو علي اني اضيف العيال عشان استفيد من الخدماااات
بعض الموظف او الموظفه يدفعوووون من جيووووبهم مايدرون ان إحنا اولى من غيرنا
استغفرت وادعي ربك
محد بسهلها لك غيررررره سبحانه

صادقه كاتشب فراوله انا العام جلست 3 شهور اجري وراء المساعده المقطوعه
قالو ماتستحقي انتي صغيره جيبي اثبات ان عندك مرض مستعصي
حاولت افهمهم ان عندي بنت والبيت مستاجر والحاله مره صعبه
المهم الموظفات ماعطوني وجهه ورحت لقسم الرجال وقالو المقطوعه تشمل الكل
دون استثاء والحمد لله المدير مشاها لي وجاتني بعد شهرين من التقديم
والله يابنات انا شفت تعامل الموظفات في القسم النسائي مايحترمون حتى الكبيرات بالسن
وعليهم كلام يحسسونك انك جالسه تشحدي منهم
لازم نطالب بحقوقنا ونوصل صوتنا لملك الانسانيه وانا بكره بحاول اروح قسم الرجال و اشتكي
حسبي الله عليهم واسئل الله ان يوفق الجميع ويحقق امانيكم

صراحة شي متوقع من يوم شفت المماطلة بالمقطوعة وانا حاسة ان بيصير نظام يكون صدمة لنا مثل حافز بالضبط وغيره اذا كان هالكلام صحيح حسبي الله عليهم ونعم الوكيل
وبعدين الموظفات اللي بمكاتب الضمان هالنفسيات حتى لو معهن اكبر الشهادات ليش مايحطونا بدالهم المطلقات واليتيمات وبنات الناس الضعفاء حنا بنحس بغيرنا وشي مجربينه ع الاقل يأخذون فينا اجر وماراح نأخذ منهم معاش الضمان ولا نبي بعد المقطوعة يخلونها لهم

اللهم لاتولي على المسلمين الا خيارهم

اي موظفه عاملتكم بقسوه ربنا حسيبها ..
بالنسبه للشرط هذا انا بكرا رايحه الضمان اقدم للوالده وراح استفسر واخبركم


في امان الله

[align=center]
مافي شي اسمة تحايل او طمع كل انسان عنده عزة نفس ومافي شخص بيضرب مشوار وبيصف طابور انتظار وبيقدم على هالمساعدة اللي ما تطلع الا بالزور إلا لأنة محتاج وإلا الغني الله

اللهم اغنينا بفضلك وانعم علينا واسمها مساعدة يعني تساعد على تقضية بعض الأمور الدنيوية اللي كل ما جا لها وتغلى ومافي أحد يرحم أحد ولا جار يرفق بجاره ولا أخو يعطف على أخوة ولا أحد يحس بالثاني

وانا المرة الوحيدة اللي قدمت عليها كانت العام يعني مرة وحدة بس فلا أحد يقد يتمنن علينا ويقول الغير مدخول بهن مالهم حق

إلا إذا كانت تطلع من جيبته وهذا الحسد بعينه وعلمة ولو نترك الأنانية شوية وحب الذات
كان إحنا بخير وعيب هالكلام لأن إحنا ناس المفروض انكون أرقى من أن نحط إفتراضات من راسنا
وكلن له ظروف والجبير به رب العباد وماحد يعلم باللي داخل قلب كل إنسان
ولكن ما أقول غير ما ضاقت إلا لتفرج
[/align]