انصحك ياام وتين باخذ الدبلوم التربوي ماتدري عن قرارتهم الي كل سنة شكل
والله ماراح يضيع تعبك كلها ارزاق

بالعكس انا اشوف الانتساب لهم مليون حق بالعكس تعبوا وكرفوا واعتمدوا على انفسهم وبدون مكافاه ويمكن عندهم ظروف منعتهم من الانتظام وقت التوظيف يقولون لهم مالكم وظائف وانتم غير تربويات ليه ليه ؟؟؟

بصراحه انظمتهم هالسنه غبيه لابعد درجه .. كيف يعاملونكم مثل اللي ما طبقت بمدارس ولا درست مواد تربويه ....؟؟؟

وعشان تشوفون كيف التوظيف هالسنه غبي حتى قسم الانجليزي جامعه الامام استبعدوهم من التوظيف علما انهم انتظام وعدد ساعاتهم التربويه ٢٧ ساعه وقالوا المفروض تكونون درستوا ٣٢ ساعه عشان تكونون تربوي يعني فرق خمس ساعات حرمتنا التعيين
والادهى من كذا ان بعضنا عندهم خبرات وكانوا متعاقدين معهم يعني المفروض سنوات تدريسنا كتعاقد تكمل ساعاتنا التربويه ...

انا اللي قاهرني انهم يوم احتاجوا لنا دقوا علينا بالليل ورحنا من بكرا وتعاقدوا معنا وباشرنا على طول بالمدارس وكرفنا كرف والراتب كان ينقطع بالاجازات والخميس والجمعه ومع هذا كملنا معهم ويوم جاء التوظيف الرسمي صاروا يتحججون باعذار مالها داعي .. على فكره بالتعاقد كانوا يتعاملون معنا على اساس اننا تربويات والحين فجاه صرنا غير تربويات ..

مانقول الا حسبنا الله ونعم الوكيل ...

أي مشاركة تحتوي على إنقاص من قيمة تعب الغير سيتم حذفها والتعامل مع صاحبتها
لاداعي لخلق المشاحنات والحديث بما لا يليق في حق الغير نحن متواجدات في هذا المنتدى
لنساعد بعضنا قدر استطاعتنا والبحث عن وظائف تناسب مؤهلاتنا العلمية التي بين يدينا
فاتمنى من الجميع الالتزام بهذه القاعدة( قل خيرا أو اصمت).

يعني الانتساب لو اخذ دبلوم بعد الجامعه مايصير تربوي ويحق له الدخوله بالمنافسه للوظائف التعليميه!!!؟؟؟

أنا استبعدت من الدفعة الأولى .... طلعت لي الموظفة الورقة مكتوب فيها غير مطابق ولا قدرت أتفاهم معاها بالعافية عرفت منها أني غير مطابق لأني انتساب
فكرت أسجل هذة السنة تربوي قالوا بيقطعون عني حافز علما بأن السنة التربوي بأدرسة ع حسابي
حسبي الله ونعم الوكيل ع من ظلمنا

لا اله الا انت سبحانك اني كنت من الظالمين

بطالية وش الفايدة اذا قبلوه وفي النهاية بيستبعدونا

بقايا حزن
انتي من وين متخرجة كلية ولا جامعة وايش تخصصك