11-08-2012, 06:12 PM
|
 |
عضو مهم جداً
|
|
تاريخ التسجيل: Jul 2012
المشاركات: 579
معدل تقييم المستوى: 117762
|
|
اقتباس:
المشاركة الأصلية كتبت بواسطة فتاة عاطله
بنات انا جتني وظيفه بواسطه
اني اكون معيده بالكليه
لاني ترتيبي الثانيه على دفعتي
ومجتازه اختبار المعيدات
وش رايكم اوافق ولا عشان فيها واسطه اهون
انا احس انها من حقي بس اوقات اقول لا
ابغى مشورتكم
|
لا تروحين يا اختي
يمكن فيه بنات احق منك لهن سنوات متخرجات ومعدلاتهن اعلى منك
لازم تعرفين انك اذا اخذتي شي ماتستحقينه انتي تاكلين مال حرام
لأن هذا المقعد ممكن يكون فيه بنت احق منك تستاهله
لكن لأنها مسكينة وماتعرف احد جلست في بيتها بحسرتها
وانتي لأنك تعرفين فلان او فلانه المسؤولين اخذتي مكانها .. هذا هو المال الحرام.
ومهو لأنك الثانية على دفعتك معناه انك تستحقين هذي الوظيفة لوحدك
يمكن يكون فيه بنات من جامعات اخرى ومدن اخرى معدلاتهن عالية واحق منك بهذي الوظيفة
وممكن فيه دفعات قبلك من نفس جامعتك بعد احق منك ومعدلاتهن اعلى منك.
انتي تقدمي مثل اي متقدمة وإذا جتك بدون واسطة اهلاً وسهلاً
وإذا ما تجي إلا بواسطة معناه انه فيه غيرك احق منك بهذي الوظيفة
فأتركيها لوجه الله لانها اصلاً ماراح تفيدك لا بدين ولا بدنيا.
--------
استغرب من الي يقولن روحي خذيها
نجلس نبكي ونسب الواسطات سنين وسنين
وإذا اتيحت لنا فرصة الحصول على شيء مهو لنا بالواسطة على طول ناخذه بدون تردد
كأن الواسطة حرام إذا كانت مهي بصالحنا وحلال إذا كانت بصالحنا !
الي راضي انه يستخدم الواسطة ويحث الناس على استخدامها لعاد ينتقد الواسطة والفساد الإداري.
ليش نلوم المسؤلين على تفشي الواسطة وظلمها للناس
وحنّا يالشعب اول ناس تستخدمها إذا اتحيت لهم !
فعلاً تناقض غريب.
الأخت لو كانت فعلاً مستحقه للوظيفة
كان المسؤول الي بيتوسط لها ما يحتاج يتوسط ويتعب نفسه
يقولها قدمي أوراقك عادي زي اي متقدمة
وأنا راح اخلي الأمور تمشي نظامية ولا راح اخلي احد ياخذ منك الوظيفة بدون وجه حق
لكن هو ماقرر يتوسط لها إلا وهو يعرف انها ماتستحق الوظيفة وأن فيه غيرها اولى منها
وخاف انها تتقدم عادي وتروح الوظيفة عليها.
التعديل الأخير تم بواسطة تأبط خيراً ; 11-08-2012 الساعة 06:25 PM
|
العرض العادي
