السلام عليكم ورحمة الله وبركآتة ..

آخوآني حبيت استفسر آنآ بإذن الله بدرس جآمعة (بكالوريوس)

حبيت استفسر عن السنة التحضيرية ..

طبعا جامعة الملك سعود فيها سنة تحضيرية ولكن صعبة جدا

يدرسون إحصاء باللغة الانجليزي وانجليزي مكثف جدا يصل ألى 4 ساعات يوميآ ..

آنا بصراحة مآ آحب الانجليزي ولا الرياضيات بشكل عام .. عشان كذا تخصصت بالثانوي قسم علوم شرعية وعربية عشان ابتعد عن الرياضيات ..

انا استبعدت خيار جامعة الملك سعود للأسباب الي ذكرتهآ ..

ابي رايكم بجامعة الامام محمد بن سعود ..؟

هل هناك سنة تحضيرية فيها ؟

كلية الاقتصاد والعلوم الادارية بجامعة الامام فيها سنة تحضيرية ؟

اذا كان يوجد فيها سنة تحضيرية كم مدتها فصل او فصلين وهل هي صعبة ام سهلة ؟

بالنسبة لحفظ القران الكريم كم جزء نحفظ بجامعة الامام ؟ وهل نختم القرآن ؟

تنحصوني ادخل جامعة الامام ادرس بكالوريوس أو ادخل كلية المجتمع وادرس دبلوم ؟



ادري اني كثرت اسئله ولكن يعلم الله ان اجهل النظام الجامعي وآطلب المساعده منكم
يا آخوان تكفون آبي نصايحكم وتجاربكم الله يرحم والديكم عن النآر

يآ آخوآن آحد يفيدني .. وينكم ؟

يآ آخوآن 37 مشآهدة ولا وآحد عنده آي معلومه ..

ياليت يآ آخوآن تزودوني بأي معلومه تكفون ي رجآجيل

ياصديقي السنة التحضيرية لابد منها لاكن كل تخصص تبيه له مواد واشياء مختلفه



انا من مكة اعرف عن جامعة الملك عبدالعزيز وام القرى



هاك رابط جامعة الملك سعود ادخل عليها واعرف كل الي تبيه عنها



http://cdn.ksu.edu.sa/st/pd/ar/index.html



وهذا رابط جامعة الامام



http://www.imamu.edu.sa/Pages/default.aspx

اخوك من جامعه الإمام من كليه الاقتصاد والعلوم الإداريه

اول شي

تدخل تحضيري وإذا جبت معدل دخلوك الكليه

الدراسه جداَ ممتعه للغايه

انا تخصصي إداره اعمال

القرآن كل ترم تحفظ جزء لكن صعبه انك تحفظ جزء لضيق الوقت ويختلف من كتور لدكتور

لكن الأصل المتعارف عليه هو انك كل اسبوع وجه

اي استفسار عن اي شي انا حاضر

يعطيكم العافيه يا آخوان وما قصرتوا

اخوي non20 هل اللغة الانجليزي في السنة التحضيرية بجامعة الامام مكثفة ؟

هل يوجد إحصاء باللغة الانجليزية ؟

شاكر مروركم

الأحصاء موجوده لكن بالمستوى الأول وباللغه العربيه

والمستوى الثاني موجوده ماده اسمها احصاء تحليلي مكمله للسابق

والمواد كلها بالعربي انا اتكلم عن كليات الاقتصاد والعلوم الإداريه

لكن التحضيري ترم واحد فقط وليس سنه ولا عندي اي علم عنه لأني أنا من الدفعه الي قبل التحضيري ولا درسته ولله الحمد

اي استفسار انا حاضر

اخوي الفصل اللي راح درست مستوى اول ادارة اعمال فيها احصاء بالانجليزي
والرياضيات بالانجليزي ومواد الانجليزي 3 استماع وقواعد وقراءة وكتابة
وبالبنسبة لتحضيري لايوجد فيها احصاء وفيها رياضيات (انقليزي )
ونفس مواد الانجليزي بالمستوى الاول هي بالتحضيري
واخيرا اقولك اخوي دراسة جامعة الامام سهلة مرة ولا فيها اي تعقيد
واذا بغيت اي سوال انا حاضر

غريبه انا بالمستوى السابع

وعلى ايامنا كانت الرياضيات والاحصاء بالعربي

قبل مسماها الأن الرياضيات الماليه

لكن اعتقد ان المنهج مو كله تغير انقلش

ممكن رموز او الارقام