ماشاء الله تبارك الله ,

ادارة اعمال كويسه بس على نسبتك ماتنفع لك اذا كان عندك استطاعه ادرس بالخارج او قدم على الابتعاث تكمل دراستك بالخارج على حساب الحكومه وترجع السعوديه وانت معك شهاده تنفعك هنا ,
وبخصوص ادارة اعمال انا عندي قريب لي متخرج ادارة اعمال ومو لاقي وظيفه يعني انت وحضك او بالواسطه بس اذا رغبتك فيها ادخلها وان شاء الله ربي يوفقك وتحقق اللي تتمناه ..

ان شاء الله قدرت افيدك بشي ,

تقبل مروري .

ماشاء الله تبارك الرحمن

ماتريده فقط إسعى إليه

لاتجعل أرقام النسبة تحدد مصيرك !!


لك رسالة على الخاص ~

قدم على محاسبة أفضل لكن أنت إذا كنت تحب الحساب والرياضيات روح محاسبة وإذا كنت تحب الحفض روح لك إدارة
دعواتك لي بالتوفيق

وعليكم السلام ورحمة الله وبركاته ..

أسمعني أخوي أنت في بداية مشروع لحياتك المستقبليه فخطط من الأن و أعتمد دون تردد و التوفيق من الله ..

نسبتك حلوه ماشاء الله الله يحفظك بعينه اللي ماتنام فتخصص الهندسه إبداع و مستقبل مشرق ينتظرك بحول الله ..

الهندسه في جامعة الملك فهد للبترول والمعادن حتى مكافأت طلابهم حلوه ..
تخصص هندسه كيميائية + هندسة ميكانيكيه من أروع التخصصات ..

تبدع فيه و تتخرج تتلقفك الشركات و لا تفكر تروح للحكومي رواتبهم زي قلته ..
شركات ضخمه زي سابك و على أساس أنها فتيه أنصحك فيها رواتبها حلوه حوافز إذا أبدعت و إذا صرت في مركز الأبحاث حقت سابك يا سلام و عندهم ابتعاث برا تكمل دراستك ..
هذا الهندسة الكيميائية , أما الميكانيكيه فا في المصانع اللي بالشرقيه ..

عندك مدينة الملك عبدالعزيز للعلوم والتقنيه تبي من المهندسين ينضمون لمراكز الأبحاث عندهم و يبتعثونك برا و الراتب بعد رجوعك حول الثلاثين ألف هذا إذا معك خبرات قبل ..

ما عجبتك الهندسه حول على إدارة أعمال تخصص رائع..
أنا أدرس هالتخصص حالياً وانتقلت إلى المستوى الخامس و الحمدلله طبعاً أنا جامعية قبل تخصص أحياء لكن حابه الإدارة ..
درسنا الرياضيات و الإحصاء و الإقتصاد الكلي و الجزئي و مبادئ المحاسبة و حاسب آلي و قانون تجاري ومحاسبة 2 و انجليزي و مبادئ التمويل و الاستثمار و مبادئ إدارة أعمال و السلوك التنظيمي و القانون الإسلامي ........ ألخ ..
أدرسه بنظام التعليم عن بعد في جامعة الإمام برسوم ..

أنت لسى صغير فلا تتهور و تصير منتسب لا خلك منتظم ..

أتمنى أفيدك أكثر لكن هذا اللي عندي ..
أمسك ورقة وقلم حط خطه وأمشي عليها درجه درجه وبمشيئة الله راح تنجز وتبدع في حياتك ..

بالتوفيق ..

ماشاءالله تبارك الله

اذا نسبتك عاليه وانت طموح ليه ماتدخل طب او اشعه او مختبرات مستقبل الطب والعلوم الطبيه مره كويس ورواتبهم حلوه

بالتوفيق

اخي شوف فين تلقى نفسك لاتعتمد على المخرجات من هذه الدراسه !

لانك ماتعرف ايش ربي كاتب لك اعرف ناس متخرجين هندسه ومولاقين وظائف يعني موشرط ...!

كل قسم وله وزنه ومتطلباته انت حدد هدفك وبعدين اختار ...!

اما بالنسبه لقسم ادارة اعمال فهو رائع وممتع

انا تخصصي ادراة اعمال مسار ادارة اعمال دوليه

قسم ادارة اعمال سهل جدا لمن له ميول نحو دراسته وتقدر تجيب معدل عالي بسهوله ان شاء الله

حتى لو فكرت في مجالاته الوظيفيه فهي كثيره

احنا البنات نجد فرص كثيره فكيف بالشباب ...!

اتمنى لك التوفيق

الله يوفقك اخي الكريم

لااعلم ماذا اقول لك . . اؤمن برغبة الشخص اولاً مادام الرغبة ادارة الاعمال الله يسهل أمرك ,ولكن فكر في الخيارات الهندسية والصحية مادام معدلك يؤهلك لها .

ادارة الاعمال يكفي ان اقول لك ان هذا التخصص متاح للانتساب في جامعة طيبة والملك عبدالعزيز !
وادارة الاعمال مخرجاتها بالغالب للقطاع الخاص , إذا لديك الرغبة الجامحه للتخصص ورغبة اقوى للماجسيتر والدكتوراه في ذات التخصص فـ واصل طال عمرك , اما اذا بكالوريوس فقط ماانصحك في خيارات افضل والله أعلم .

الانسان يبدع في القسم الذي يحبه