السلام عليكم ورحمت الله وبركاته
صباح/ مساء الورد والجوري


كلنا نعرف حرص خادم الحرمين الشريفين بالشباب ودعمهم بالقرارات المتتاليه بالفتره لاخيره

وبمناسبه البداء في تنفيذ القرار الملكي لزيادة رواتب الموظفين بالمدارس الاهليه
الكل انتظر هذا القرار
وطال لانتظار والمماطله بالتنفيذ
واخيرا
اخيرا
بداء

ولكن الصدمه انه تم اقتصاره على المعلمين فقط!!!
لماذا لم ينفذ المرسوم الملكي كما نص عليه خادم الحرمين الشريفين اطال الله بعمره وامده بالصحه والعافيه

الحين القرار الملكي امر بالزياده لكل السعودين الموظفين بالمدارس لاهليه
ليه الظلم الحين ليه يقصقصون القرار ويصير بس للمعلمين ولاداريات الجامعيات مالهم شي ظلم
كاننا عاملات
االاداري يشتغل اكثر ولولا الله ثم الاداري مامشت المدرسه بانتظام
هذا غير دوامنا اطول من المعلمين والاداري واجهت المدرسه انا مااقلل من المعلمين بس كلنا ننكرف ليه الظلم
غير المشاكل اللي نواجهها وغير تحملنا لاي مسوليه مو مسولياتنا
ونشتغل اداري وارشاد بحل المشاكل
ومسمانا الوظيفي اداري فقط
صارلي سنتين انتظر وغيري الاف ينتظرون من سنين تحسين اوضاعنا وبالاخير يجي لجان تميز ويستبعدونا
على اي اساس استبعدتونا؟؟؟
ابي سبب مقتع!!!

طيب انا باكلوريوس جيد جدا تقنية معلومات
ماهيئتولنا فرص عمل بتخصصاتنا
ولا وظفونا حكومي

ورضينا بالاهلي ورواتبهم الضعيفه على امل تحسين اوضاعنا
وبمجال مو مجالاتناا
وفي الاخير حالي حال اللي ماكملت تعليمها
لا املك واسطه ولا اعرف مسوؤل يصل له صوتنا بالظلم الحاصل


حسبي الله ونعم الوكيل

والله حاسه بمعاناتك مثل اختي اداريه تكرف كرف وتسوي اشياء غير شغلها مع كذا راتبها 1800 من تخرجت قبل 6 سنوات وهي اداريه
انا اقنعها اذا فعلا نزلت رواتب الزياده وماشمل الاداريات تستقيل وتاخذ حافز وهي مرتاحه بيتها وعند عيالها بس مشكلتها تحب الشغل

الله يوفقكم ويرزقكم يالاداريات وتشملكم الزياده عاجلا غير اجل

حبيبتي مو كل المدارس طبقت القرار حتى المعلمات انا قدمت وقالت الراتب 2000 الموارد ما يدورون الا المدارس الكبار اما الي فيها معلمات سعوديات قليلة مايدورونهم ؟؟ ما ادري صادقه ولا كاذبه

الصوت لا يصل اذا كان الذي نريد ان نوصل له معاناتنا لدية مرض خلل في تفكيره ، صانع القرار يقرأ الجرائد والمجلات هووو ( بشر) المسئول يعرف مايدار في وزارته تصله عده شكاوا ونحن نقول نريد واسطه توصل معاناتنا للمسئول ، المعاناه وصلتهم ويغضون طرفا عنها ، لانه ليس لديه حلول فقط يريد ان يستلم مرتبه ولا عليه في الناس ، ويخاف ان يوصل أصواتكم الا من هووو ارفع منه ويفصل فهذا حالهم ، الشي الذي يسمعه المسئول هووو مافعله بعض الخريجين بكليه المعلمين وما فعله أيضاً خريجين الدبلومات الشرعيه ( التجمهر والمطالبه بحق العمل ) هذا الشي الذي يسمعه المسئول غير ذلك لن يسمعكم احد .

الاداريات مظلومات في القطاع العام والخاص
ماقول غير حسبي الله عليهم

والله حرام وشئ يزعل
بس ياعمري انا اشوف المعلمات ماشاء عليهم مو مقصرين يطالبون بحقوقهم وكل شئ طالعين بشغلة واحنا الاداريات ساكتين عن حقنا

خلينا نسوي تجمهر او اي شئ على الأقل ينتبهون لنا

ليه ليه مايعطونا حققونا الا بالتجمهر !!!
ليه مانكون ارقى من كذا بطلب الحق

واذا مايوصلهم بهالطريقه انا ماعندي مانع فيها ابدا
بس ناخذ حقنا من صغار المسولين المتلاعبين بالقرارات
وشغلتهم يقصقصون


والله ظلم الحين حقت المختبر اللي نايمه طول الدوام وسوالف وقهوه لها زياده واحنا المكروفات مالنا
باي قانون يمشون ولا عشان عددهم قليل والاداريات كثيرات
الدوله فيها خير وخيرها لنا كلنا

خلينا نتحد ونتعاون انا اداريه اشتغل حتى شغل المديره وانوب عنها واصور للمعلمات ورصد الدرجات واكتب الخطابات والصادروالوارد وشوؤن الطالبات حتى اساعد المراقبات في شغلهم ورد على التلفون المدرسه واخذ مواعيد والاستاذنات الطالبات والمعلمات حتى الانتظار اسويه والوكيله والمديره حاطين رجل على رجل ولايعجبهم كل هذا الشغل اللي اسويه يبغوني انتحر والدليل الاجرائي الجديد ظالم في حق المساعد الاداري ياليت احد يوصل صوتي وصوت الاداريات الى خالد الفيصل اوينقل كلامي هذا عبر وسائل الاعلان والتواصل الاجتماعي ياناس يكالوريوس وجامعيه وخبره في التدريس واخر شيء اداريه وراتبي اقل من راتب المستخدمه حتى المستخدمه تجيها ترقيات ودورات وحنا مهضوم حقنا اليس الجدير بنا ان نتساوى مع المعلمه الجديده في الحقوق الماليه خاصة ونحن لانقل عنها مستوى

ينقل الى قسم المتعينات بجدارة

فيه اداريه.خريجة دبلوم ومعهد تتعين ع الرابعه. وخريجة الكليه المتوسطه تتعين ع الخامسه
ومساعده اداريه تتعين ع السادسه
الظلم وقع ع المساعده الاداريه
كيف معي بكالورويوس واتعين ع السادسه!!!!!
والشي الغريب المساعدات الاداريات مؤهلن اعلى من بعض المعلمات !!!!!
قرار تعيين المساعدين والمساعدات قرار غريب بصراحه
نحن لانطالب ان نكون معلمات المعلمه اذا ادت واجبها بالشكل الصحيح وبالامانه وتوصيل المعلومه للطالبه ومخافة الله ستواجه تعب جسدي ونفسي المعلمه مكروفه وتواجه بعض ال ضغوطات من المديره.
نطالب فقط بتحسين مستوانا الوظيفي