[align=center]السلام عليكم ورحمة الله وبركاته


اخواني وش رايكم ناوي اشتغل في المعدات الثقيله واترزق منها ان شاء الله

لكن محتار بين القلاب او السطحه

التريلا باذن الله باخذ نوع مرسيدس اكتروس 2000 - 2002

ولكن ما ادري هل اشغله قلاب افضل او اشغله سطحه افضل

ياليت اللي عنده خبره او معلومه يفيدنا الله يجزاكم خير

كيف طريقة الشغل ووين وش الاستراتيجيه وطبيعة العمل


مشكوووورين مقدماً
[/align]

شغل القلاب اكثر وكذلك دخلها شهريا بعكس السطحه

بس الله يخلف على الراس اذا شغلته قلاب ..

ﻛﻞ ﺍﻟﻤﺸﺎﺭﻳﻊ ﻳﺒﻴﻠﻬﺎ ﺗﻌﺐ ﺍﺧﻮﻱ

ﻟﻜﻦ ﻭﺩﻱ ﻣﻦ ﺍﺻﺤﺎﺏ ﺍﻟﺘﺠﺮﺑﻪ ﻳﻔﻴﺪﻭﻧﺎ ﺑﺎﻱ ﻣﻌﻠﻮﻣﻪ

ﻭﻣﺸﻜﻮﺭ ﻳﺎﻏﺎﻟﻲ

كلها فيها خير وبركه

اذا انت الي بتسوق , فهذا افضل بكثير

واذا بتحط سواق , بالامكان تاجرها عليه بشروط

او تاجرها على شركه , او نقل الرمل للمنازل

اهم شي حدد من البدايه قلاب او سطحه
وبعدها بتتسهل بإذن الله

الله يوفقك

(( انصحك بالاستخاره ))

اسمع مني يا الحبيب

لي قريب وخوي عندهم معدات ماهو معده وحده مثل حالك يشكون منها ليل ونهار وحالتهم حاله اما رعي السطحات ولله شبه اسبوعي لازم مشوار .. سطحه منعطله ولا موقف الدوريات ولا حادث واكثر شي الأعطال هو تحصله يوم في المدينة ويوم في تبوك ويوم في ورشة في الرياض ولله انها ما تسوى غثاها

شوف اكثر مشاكل المعدات الثقيله وركز عليها الأعطال مشكلته مشكلتين اول شي تعطل شغلك والثانية تكاليف اصلاحها
اضرب لك مثال:
تعطلت معدتك على الطريق وتبعد عنك 500 كيلو موصله بضاعه لمستودع تاجر اول شي تبي سطحه ثانية تستاجرها عشان تشيل البضاعه وتوديها لتاجر في موعدها
بعدين يبيلك سطحه ونش تشيل سيارتك كم بتشيل اقل شي 500 هذا لأقرب مشوار يعني 50 كيلو
نجي لسياره وصلت الورشه للمعلومية 60% من ورش الديزل ما يفهمون في المعدات بالعربي يتعلمون
يعني متى تلقى احد يعرف علة سيارتك واقل شي بتدفعه 1000 ريال هذا اذا عرف الخلل من اول ورشة تدخل سيارتك فيها

والكلام ينطبق على القلابات


بالعربي انحش عن المعدات الثقيله نصيحه اخ لك

وذا بغيت تشتشير لا تستشير الى اصحاب الشغله ولا هو قصور في الي ردو عليك لكن الي مايفهم في الشي بيضرك اكثر من نفعه لك عن حسن نية

^^^
لو مالقو فيها خير كان مااستمرو في المعدات التجار كذا مايقولون الصدق دايم يسبون النشاط الي يمارسونه
وبالعكس المعدات فيها الخير الكثير بس يبي له واحد فاهم ويعطي السواقيين اكراميه عشان مايخسرونه