افكار لكن بدون راس مال اودعم اوتمويل مالحل
موضوع يستحق النقاش

اذا عندك الفكرة وماعندك المال تقدر تدخل شريك مع اي احد تثق فيه هو بالمال وانت بالجهد على حسب الاتفاق بينكم
والله يرزقك

موضوع جيد .. ويوسع الأفكار ..؟..................ز بالتوفيق..

بسم الله


تفضل قول وش عندك من آفكار

حتى انا اواجه نفس المشكلة
تمويل ستديو تصوير

https://www.btalah.com/t429969.html

تحدد الفكرة يتم النقاش عليها ويتم دراسة الجدوى واختيار الموقع ثم يقدر رأس المال المطلوب

بعدين يوجد نوافذ للدعم المادي

وربي يوفق الجميع

من اي مدينه انت ؟؟

اسئل الله ان يرزقك بالوظيف الي تعينك على امور دينك ودنياك

- ادخل شريك بعملك فقط مع اي صديق لك عنده تجاره
- اعمل مندوب على التصريف اذا قدرت لاي بضاعه
- اشتر بضاعه عليها طلب وسعرها معقول , وسوقها بربح معقول 10% او 20%
- اعمل سائق توصيل بسيارتك الخاصه
- اعمل معقب في اكثر من جهه حكوميه مقابل مبلغ


(( انصحك بالدعاء والصلاة وبالاستخاره عندما تفكر في اي مشروع ))

الله يعطيكم العافية
ابي استفسر عن الجهات التمويلية مثل
1بنك التسليف
2ريادة
3 باب رزق
وايهم اسهل شروط
عندي مشروع
يكلف تقريبا المليون ونصف المليون كيف اجيب الدعم
تكفون

والله يالغالي
اول شي الحمد لله على نعمة الاسلام والمسلمين و على البلد الا احنا فيها ترا فيهااا خيرا كثيييير بس المشكله فينا حنا والدليل شوف الهنود والبنقال والا من اليمن كلهم وصل للسعودية ومامعاهم ولا ريال بس يقعد 6 شهور الى سنه ويتغير وضعه
احنا بس نحب تكلم ومانفكر الا في الاشيا الا مانقدر فيها وتكون مشاريع اكبر بكثير من طاقتنا لا احد يفهم كلامي غلط في كثير عنده فكر كبير ومميزه ويتعب وراها ويحقق هدفه بس انا اقصد بكلامي الشباب الا ماعنده فلوس ولا وظيفه او ظيفه ب 2000 الى 3000 ريال وقاعد في البيت وحاط رجل على رجل ياشباب فكروا زين الدنيا تعب في تعب ومن حصد وجد
بالنسبه الى المشاريع بدون راس مال ياخي واجد بعطيك كم مثال وهذي ترا ماهي من عندي هي من مواضيع لاعضاء في هذا المنتدى
تقدر تقدم على بنك التسليف وتاخذ تكسي وتشتغل عليها
تقدر تسلف مبلغ 1000 الى 2000 ريال وتروح سوق الخضار وتشتري وتبسط فيها
تقدر تستأجر باص وتبدا في توصيل المشاوير او توصيل البضاعه الى المطاعم او البقالات
رمضان على الابواب الله يبلغنا يارب خذ باص ورح جده والمدينه لا تقول انا في مدينه ثانيه الشغل مايعرف انت وين اركض ورا رزقك
تقدر تستاجر دينه وتشتغل عليها
تقدر تشتغل معقب على الدوائر الحكومية والموضوع بسيط جدا اعرض خدماتك على الانترنت


والله قهر صراحه يوم تشوف الاجانب في ديرتك يدخلون ذهب واحنا قاعدين نتفرج ونتكلم بس بدون اي مجهود
ماتقدر تدبر مبلغ بسيط روح لمكاتب العقار او المقاولات توظف شهرين ثلاثه وبعدها ابدا
الافكارترا كثير حاول تقرا مواضيع الاعضاء وصدقني بتلقا اشياء مره مميزه
اسف على الاطاله
الله يوفقك دنيا واخره

الله يعطيكم العافية جميع
والله كل كلامك يابوحمدان ميه بالميه
الله يجيب اللي فيه الخير