السلام عليكم آخوآنيٍ
والله انا مااحب اني اتكلم ولا اشكي الا لله رب العالمين
فقلت اكتب واطلع اللي بقلبي لآخواني وآخوآتي هنآ في المنتدى لعل وعسى ان احد يريحني ولو بكلمة
انا ولد وحيد لآهليٍ مآعندي اخوان يشيلون ولو حمل اللي اتعبني
انا متخرج من الثانوية لي سنتين ونسبتي 97 لم تقبلني ولا جامعه عدا جامعه جده سنه تحضيريه رحت لجده وعنيت اهلي معي للدراسه وانا من الرياض ولآكن قدر الله وماشاء فعل حاولت حاولت اني اشد على عمري لآكن الخيره فيما اختاره الله فصلت من الجامعه لاني تعبت االوالد مو مقصر لاكن بما اني ولده الوحيد فلازم اتحمل واخفف عنه شوي لاكن اخفف عنه من وين الله اعلم للمعلوميه ايضا ليس لنا دخل نهائيا ماعدا الوالدشغال في الاسهم يوم يربح ويوم يخسر وندعي الله ان الله يرزقنا حاولت كم مره اني ادور وضيفه مالقيت ماخليت مكان ماارحت له فكرت فكرت فكرت جت فكرة براسي اني ادخل لي مشروووع ويكون دخل لي ولاهلي ونزلت المشروع هنا بالموقع وعندما قررت ان ابدا بالمشروع وسبحان الله حصل امر اضطريت اني ادفع المبلغ اللي كنت مجمعه ورآحت آلفلوووس حسيت نفسي اني انتهيت حسيت نفسي لا شي ضآعت احلامي ضاعت طموحاتي لآكني لم ايأس وقدمت على صندوق مئوية وجلست اقرأ كلام الناس ومعاناتهم مع الصندوق تغاضيت عن كلآمهم وجلست ادعي الله ان الله يسر لي اموري واسجب القرض وابدا في مشروعي لي آلأآن مآيقآرب اربع ايام مقدم على الصندوق لعل وعسى يعطوني قرض وابدا في المشرووع والله تعبت انا ماهمني نفسسي همني خواتي واهلي ابي اسعدهم ابيهم يسافرون ابيهم يتمشون ابيهم يروحون يجون مثل الناس انا ماابي السعااده سعادتي معطيها لآهلي والله اني اكتب لكم الكلام هذا ودمعتي على خدي من حرقتن بقلبي ابي اكمل درااااستي ابي ادرس ابي جامعه تقبلني ابي وابي مشروووووووع دلوني انصحوني قولولي ساعدوني ولو كلمة تجبرون خاطري فيها

وآسف على الاطالة

قدم بكلية الطب فهي المستقبل لو تبي تساعدهم

الاخ اوتااار الدنيا صعبة يبيلها صبر وتحمل ، انت الان طالع ع الدنيا مقبل عليها وراح تتفاجئ بأشياء كثيره وصعبه ، مرحلتك مرينا بيها كلنا مافي احد مامر فيها كنا نحتاج مصاريف نحتاج نكون مثل غيرنا بكل شي ، ووننصدم بإننا فقدنا كل شي وكأن الدنيا قفلت أبوابها بوجيهنا .، مع الايام تأقلمنا وصار شي طبيعي جداً وصرنا نكافح هنا وهناك الين الله يسرها ، اما من ناحيه الجامعه فهي اضافه رصيد ثقافي للجامعي ، لان الجامعيين الحين مو قادرين يحصلون ع وظيفه شف الجرايد واقرأ مشاكل الناس وهمومها اشياء تشيب لها الولدان ، انا جامعي وللأسف ماتوفقت في الوظيفه الي كنت احلمها ، يأست ورضيت بواقعي ، طبعا هذا الكلام لايعني ان الجامعه مامنها فايده ، بلعكس العلم نور حتي لو ماحصلت ع شي ، وأما دمعتك فهي والله غاليه علينا جميعا مو حلوه انك تبكي ، الشدائد والمصائب لمي تتعاظم ع انسان هذا اختبار له ولازم يفكر كيف يطلع من ازمته ، ع العموم ارسل بياناتك بلخاص ونسبتك ، وارسل بعد المبلغ الي حاب تفتح فيه مشروعك ، واتمني من الله انه ييسر لك أمورك .

المشاريع تحتمل الربح اوالخسارة وش لك فيها
وانت مرة مندفع من كلامك.. يمكن لو تخسر يصير فيك شي
احسن شي ادخل معهد تمريض على حساب الموارد
وان شاءالله تتحقق امنياتك

يأخي الدراسه هي المستقبل كمل دراستك واشتغل مع الدراسه لاتسيب الدراسه نصيحه
ادرس لو مسائي واشتغل وانت تدرس واذا ماتبغى تدرس او مالقيت كليه جرب تدخل العسكريه
او معاهد التمريض كلها تقبل الثانوي والله ييسرلك امرك لاتكلف نفسك فوق طاقتها كذا حتى تفكيرك ينشل

فاعل المعروف
على يدك دخلني كلية الطب

الارجواني
قبل كل شي اقول لك جزااك ربي الف خير على كلامك ومحاولة مساعدتك .. ثآنيآ آنآ وآلله عآرف ان الدنيا مصائب ومشاكل ولازم الواحد يتحمل ولازم الواحد يجاااهد ويستمر ولا يتوقف . ثآلثآ الجامعه شي اساسي لازم الواحد يكون معه شهاده حتى لو مالقا وضيفه حتى لو انت متأكد انه بعد هالشهاده بتجلس بالبيت بس لآزم الشهاده تكون بيدك .. ثآلثآ للآسف مآآقدر ارسل لك على الخاص لان مشاركاتي ماتسمح لي ..مآآقول الا الله يوفقك ويرزقك من حيث لا تحتسب ويفتح لك ابوابه ويرزقك بالوضيفه اللي ترضي خآطرك ..


ألطآف
لآبد الواحد يخاطر بهالدنيا مع آحترآمي لك لو نآس كثيرة بتقول مثل كلامك
كآن مآلقيتي آحد فتح مشروع او اشتغل بفلوسه .. وآلموآرد وآلله مآآعرف عنهآ آي شي يآليت لو عندك خلفيه توضحين لي .. وجزآك آلله خير



نغوووومة .

والله اني ابي الدرااسه وابي ادرسس بس قهررر واحد نسبته 97 ولا تقبله ولا جامععه ليييه مااقول الا حسبي الله ونعم الوكيل .. وآلتمرييييض ان شاء الله ابشوووفهم والله يكتتب اللي فيه الخير ان شاء الله .. جزآآك آلله خير

والله ياخي الوظيفه ماتأكل عيش
حاول تدرس دراسه شامله على مشروعك والله يوفقك
كثير ناس اصحاب مليارات وعايشين حياه حلوه ومايملكون شهايد
والله انا اشوف اللي يقول الشهاده هي المستقبل انا اقول لا التجاره هي المستقبل
يمكن تكون خيره لما فصلت انتا من الجامعه مو احسن لما تتخرج وتنصدم وماتحصل وظيفه

آلعآطل الجنرآل
آنآ آوآفقك في كلآمك بكل شي بس لآبد آلوآحد يكون معه شهآده وآنآ آقول آلمشروووع آضمن

آدع آن آلله يسهل اموري بصندوق المئوية ويعطوني قرضض وابدا في مشرووووعي

.
آلله يوفقك يآرب

أخوي ماسويت الا الواجب والدراسه مثل ماقلتلك مهمه حتي لو صار الي صار ، الي ابيه يوصلك انك تكون صبور ولاتفكر كثير ، وخل أفكارك متنوعه لاتدقق ع فكره معينه واذا ماحصلت هلفكره يأست وحزنت لا خل إمآلك كثيره ولاتهتم لأمور الدنيا وخذ الاشياء ببساطه ، اما من ناحيه مشاركاتك ماسمحت لك مافهمت هذي الجمله منك ، ولاكن انا خاصي مفتوح للجميع ما ابخل ع انسان بنصيحه ولا ألمساعده ، انا ضاق خاطري لمي قلت انك تعبت وجمعت مبلغ وراح فا الي راح يرجع عادي ماضاع شي منك واذا مشروعك ناجح اي شخص يمولك للمال عادي وله نسبه ، والجامعه ادرسها لو عن بعد ، اهم شي تكمل .......